حولت آنتظآم.. بعد معآناه!!

[m!ss dana]

بنت البحر

ان شاء الله تحووولي يآرب

بس خليكي ورآهم ورآهم .. ههههههه ماينفع معاهم غير كذا

[منونة حبيبها]

حبيباتي باركولي حولت اليوم انتظام
اسمعوني ابدا لا تصدقوا حكاية انهم يتصلوا عليكم ترى كذابين مافي احد حيتصل
انا كنت في القائمة القديمة رحت يوم الاثنين والثلاثاء وهيا تقولي لسة ما بناخد من القائمة
القديمة وقالتلي تعالي السبت لا تيجي الاربعاء ما يحتاج وسويت زي ما قالت على امل انها تتصلبي
وما احد اتصل عليا الاربعاء ولمن رحت اليوم قالتلي ليه ما جيتي من الأربعاء احنا بدئنا تحويل
من الاربعاء لمن قلتلها انتي قلتيلي لا تيجي وسئلتها ليش انتي ما اتصلتي علينا وقولتيلنا تعالوا
امال ليش اخدتوا ارقامنا طبعا صرفتني بكلامه وتقولي الحمد الله اهو جاكي الفرج حنحولك اللي
يسمعها يقول بشحت المشكلة انو معدلي 3,90 يعني مفروض اتحول بس مع الجامعة دي الله يعيننا
المهم انا طولت عليكم
حبيباتي ابغى اسئلكم انا اخر شيء رحت كلية اقتصاد وادارة عشان يوقعولي مكان تسجيل الجدول
سئلتني انتي ايش تبغي تتخصصي قلتلها ادارة اعمال قالتلي ما ينفع عشان ادارة اعمال في الانتظام
لازم يكون معدلك 4 فاعططتني ورقة احط فيها 5 رغبات للتخصصص وقالتلي خلاص روحي بيتك
وبعد ساعتين افتحي حتلاقي تخصصك والجدول بس لمن رجعت وفتحت الاوديوس لقيت تخصصي زي ما
اخترت الرغبة الاولى اقتصاد والحمد لله بس مافي لا جدول ولا ايقونة حذف واضافة ايش اعمل بكرة
اكيد حروح بس من جد حابة افمه ايش اعمل قبل لا اروح بليز جاوبوني
إن شاء الله اكون افدت الجميع

[فتاة الاحلام]

يابنات انا عطوني ورقة الحذف والاضافه بس مافي اوقات الصبح كلها مساء ايش اسوي

[ضوضائيه]

انا رحت اليوم وماحولوني :( قالو لي اكتبي اسمك ورقمك ومعدلك بس هذا الي سوه اش هذا ولله طفشت مو رايحه الا بعد بكرا

[Ξxтяα ςάѓαмεζ]

ها اش في اخبار جديدة اليوم ؟؟