ضع إستفسارك عن كلية العلوم الطبية التطبيقية هنا وستجد الإجابه

[Dandona]

السلام عليكم
أبغى أسأل عن العلاج الطبيعي
كيف الدراسة فيه ممتعة ولا لأ؟؟
و بالنسبة للدراسة سهلة ولا صعبة؟؟
أنا شفت بالخطة في تشريح ،كيف الوضع؟ انتوا تشرحوا بنفسكم ولا بس تشوفوا؟؟
شكراً مقدماً..^_^

[weddah]

اهلين دندونه انا تانيه علاج طبيعي وحاقلك اللي اعرفه

بالنسبة للمتعة مررره ممتع القسم ومره يحمس كل شي فيه
حتى في اليوم التعريفي لمن تشوفي المعامل حق العلاج مره حتنبسطوا منها
انا حبيت القسم واخترته لمن شفت المعامل مره حمستني

وطبعا مو سهل وما في شي يجي سهل في الدنيا واكيد مو صعب مستحييل محد يقدرله

بالنسبة للتشريح لا طبعا مو احنا حنقعد نقطع
طبعا احنا اكتر قسم في الكلية نتعمق في التشريح
يكون الجسم قدامنا ونشوف العضلات والعظام والاعصاب وزي كدا
بس اكيد مو احنا نقعد نقطع ابدا

وربي يوفقك ويوفق الكل ان شاء الله =)

[bayanoo]

مراااحب ..

حابة اسأل عن قسم التغذية كم نسبة عدد الساعات لكل ترم ؟

وطبيعة الدوام ؟ يعني فيه تأخير للعصر وهيك ؟؟ يعني باختصار يناسب ربة منزل :$:$

وبالنسبه للدراسه كيف بالسنوات مو بالاترام ؟ يعني مايصير فيه حذف مواد واضافه !!

انا ححول من جامعة ثانيه وبما ان التحويل مره وحده فبحول في الصيف بس مااقدر ادرس الترم الاول !!
!!!

ومرسي كثيييير للي بيفيدني :$:$

[JuStice]

المشاركة الأصلية كتبت بواسطة bayanoo مراااحب .. حابة اسأل عن قسم التغذية كم نسبة عدد الساعات لكل ترم ؟ وطبيعة الدوام ؟ يعني فيه تأخير للعصر وهيك ؟؟ يعني باختصار يناسب ربة منزل :$:$ وبالنسبه للدراسه كيف بالسنوات مو بالاترام ؟ يعني مايصير فيه حذف مواد واضافه !! انا ححول من جامعة ثانيه وبما ان التحويل مره وحده فبحول في الصيف بس مااقدر ادرس الترم الاول !! !!! ومرسي كثيييير للي بيفيدني :$:$

.

بالنسبة لنظام الدراسة فهو سنوي ,

والدراسة تبدأ مع بداية السنة .. وكمان مافي حذف وإضافة بالجدوال والمواد لأن الجدول ثابت ينزل

وإن شاء الله الأخوات يفيدوكي بمعلومات عن قسم التغذية (:

.

[فتى تثليث]

السلام عليكم ورحمة الله وبركاتة
يا خوي بالنسبة لتخصص الأشعة التشخيصية لما اتخرج اش المسمى الوظيفي لهذا التخصص .هل اقدر احول طب من هذا التخصص ومابي اطول عليك وين مكان الكلية بالتحديد لأني ناوي اجيكم ان شاء الله ابغى استفسر وشكراً

[M.Alnawar]

مسماك أخصائي
بالنسبه للتحويل رديت عليك في الموضوع الأول

بالتوفيق
^_^

أعتذر على انقطاعي الفتره الماضيه
كان ذلك لإنشغالي بتنظيم الملتقى العلمي السادس لطلا كلية العلوم الطبية التطبيقية

[نوووني]

هل كلية العلوم التطبيقية للاولاد والبنات (مختلط ) او لحالهم
هل مع كليات الطب ام منفصلة

[● ά7Ļά şùģάя ●]

هناك مجمع طبي خاص بالبنات ومجمع طبي آخر للأولاد
وكل مجمع طبي يضم جميع التخصصات في مباني منفصلة
مبنى للطب وطب الأسنان ومبنى للصيدلة ومبنى للعلوم الطبية ومبنى للتمريض

[m3kooos]

صباااحكم ورررد حبايبي
استفسار سريع
هل تنصحوني انو أكمل بكالريوس _ تخصصي أشعه ؟؟
والا وظيفه أحلى ومااكمل لانو انا مررره محتار ايش اختار
اما الاثنين مع بعض اظن ماينفع
هو الوظيفه راتب حلو بس فكرت وفكرت وقلت الشهادة أفضل
يعني ابي منكم نصيحه

[● ά7Ļά şùģάя ●]

إممم
من وجهة نظري متآبعة الدرآسة والحصول على شهادة البكآلريوس أفضل
وإن شآء الله بعدهآ حتحصل الوظيفة وأكيد برآتب أعلى