تغيير التخصص عن طريق الاودس ( للطــلآب )

[BRuNcH]

المشاركة الأصلية كتبت بواسطة black soul ي أخوان تكفون احد يرد علي انا في بداية السنة الثالثة بالجامعة بكلية العلوم (انتظام), وابغا أحول لـ إدارة واقتصاد (إنتظام) وشفت موضوعك وسويت زيـه وطلبت التحويل .. بدون ما انتبه ان موضوعكم للإنتساب وش وضعي الأن .. أخاف يحولوني لإنتساب بسبب الغلطة غبائي هذه تكفون علموني وش أسوي .. في طريقة بالنت الغي الي سويته نهائيا ولا أروح عند شخص معين يفيدني مو يضيع وقتي ع الفاضي

اعتذر اخوي عن مشكلتك ويبدو انك ما قريت الموضوع جيداً لاني كنت موضح انه قبل التسكين وقبل الفرز وليس للطلاب المتخصصين

عموماً وانا اخوك مااتوقع بيصير شيء لكن اذا فيه امكانية اتواصل معك بالخاص اعطيك بعض النصائح والخطوات

[Black Soul]

المشاركة الأصلية كتبت بواسطة brunch اعتذر اخوي عن مشكلتك ويبدو انك ما قريت الموضوع جيداً لاني كنت موضح انه قبل التسكين وقبل الفرز وليس للطلاب المتخصصين عموماً وانا اخوك مااتوقع بيصير شيء لكن اذا فيه امكانية اتواصل معك بالخاص اعطيك بعض النصائح والخطوات

يعطيك العافية أخي الغالي ع اهتمامك

وطلعت الجامعة اليوم بعد ما كتبت ردي ..

ومن وقتها وانا اتهجول في الجامعة .. وأروح لـ عند أصغرهم ولـ عند أكبرهم ومن كلية الأدارة نفسها وعمادة القبول والتسجيل

وأغلبهم مو عارفين عن شيء (إلى من رحم ربي)

ولكن في النهاية بعد ما رحت لكل الأشخاص الموجودين في الكلية نصحني واحد الله يجزاه خير ووصلوني لـ دكتور مدري استاذ يختص في مواضيع التحويل من الانتظام الي الانتساب والعكس .. وقال لي ما راح يحولك أحد إلى بعد ما توقع انت بنفسك إفادة إخلاء طرف (اني موافق اني اتحول من انظام الى انتساب) وإلى فـ طلبك لاغي وما راح يتم

يعني الحمد لله أنا في أمان (بعد فضل الله تعالى ثم دعاء أهلي)

...

أعيد شكري لك أخوي ع اهتمامك .. والغلط مني والمفروض المرة الثانية اني انا انتبه بقراءة كامل التفاصيل قبل ما أخطو أي خطوة .. لكن الحمد لله عدت ع خير

[مريم مريم]

انا سويتها وحولي لـ موارد بشريه .. بس في متابعه طلب التسكين مكتوب اداره واقتصاد وصار لي 24ساعه ماتغير حاجه؟ وأنا أبغى موارد بشريه

[BRuNcH]

اتمنى من المشرفين القائمين بالمنتدى مساعدتي للتواصل مع الاخوات الي ما تعدلت معهم التخصصات

لأنه لا يوجد لدي خاصية الرسائل الخاصة واحتاج اعرف بعض التفاصيل عن حسابات الاودس للطالبات عشان اعطيهم رابط خاص لهم

[BRuNcH]

للاخوات الي يقدرون يتواصلون معاي وعندهم مشكلة في تعديل التخصص يوجد لدي حل ارجو من احد الاخوات الراغبات بتغيير التخصص مراسلتي فوراً للتاكد من سلامة الحل وافادة باقي الاخوات رجاءاً بشكل سريع

[takeah]

ياليت يااخى تذكر الطريقه

[BRuNcH]

أول لازم اتواصل مع احد الطالبات الي تبي تغير التخصص قبل التسكين ونطبق الطريقة واذا نجحت اعلنها للكل

ما ينفع انا الحين ابي طالبة من المتضررين من التسكين وتبي تعدل رغبتها وتسوي الطريقة معي عشان اتاكد من نجاحها

ضروري يا اخوات

[takeah]

انا منهم غيرت التخصص فى المعلومات تغير بس فى المتابعه لسي

[BRuNcH]

انا حليت مشكلتك لكن ابي اتواصل معك عشان أعدلها عموماً الظاهر ما فيه امل اقدر اتواصل مع احد

راح اعطيك طريقة تعدل لك التخصص بالمتابعة والسجل

بس مابي انشرها الا لما اتاكد من نجاحها

[takeah]

شاكرين تعاونك وننتظر الطريقه