أين المسؤولين من تربية فتيات الجامعات ؟!

[أحـمـد ظـافـر]

المشاركة الأصلية كتبت بواسطة دافئ الإحساس الله يسلمك حبيبي انا اعتذرت للاخت لانو اسلوبي كان فيلو جرأة زيادة لكن قسم بالله انا خايف عليهم والله العظيم .... وهم اكثر من اخواتي ولا يعني اش خلاني اقول داكا الكلام الا لاني خايف عليهم من النظرات الشيطانيه ... تسلم لردك الراقي

الله يجزاك الجنة .

هذا ما توقعته منك يا غالي .

[wallo]

^^^

من جد مشكوور ع اسلووبــكـ وكلامك الراقي ....

[pharm.d .s]

كشف الوجة مساله مختلف فيها وانا ممكن اتقبل الموضوع
بس الي مستحيل اتقبلوا الفل ميك اب وكمان الشعر نصوا برا يعني في اشياء مو مقبولة ابدااااااااااا
الله يهدي الجميع

[Reema~<3]

أحيي فيك غيرتك اختي =)


وفي كم نقطة أحب أعلق عليها ::


*قال صلى الله عليه وسلم "اذا قال الرجل هلك الناس فهو أهلكهم" . رواه مسلم
ماينفع نعمم الغلط على الناس كدا ..."أين المسؤولون من تربية بنات الجامعة" ... أكيد مو قصدك انه كل بنات الجامعة بدون تربية !!
ويمكن لو استخدمتي كلمة "توجيه" مثلا كان دخل المعارضين لك للموضوع بنفسية مختلفة ... وفهموا قصدك بشكل أفضل

*

وبعدين ع سالفة الحجاااب مافيه شي اسموو تجبري وحده احنا مو في عسكرية احنا بنات جاامعهـ وكبااار وتقاليدنا تختلف عن بعض

أنا ما اعتقد انه الاخت كان قصدها بكلمة "اجبار" انه الأمن يوقفوا عند البوابات معاهم قماش أسود يلفلفو بيه البنات !! وانما أتوقع انه كان قصدها هوا فرض قانون او خلينا نقول وضع مواصفات معينة لازم الطالبة الجامعية ما تخرج عنها في حجابها ..

*

اللي لابسه عبايه جرسيه وتلفها ع جسمها بحيث تشد العبايه ع جسمها تقولك عبايتي بكيفي ..ياشاطره ع بالك ماعليك ذنب لمن تفتنين رجال في جسسمك

صح كلامك ... غير العطر الي تحمم بيه نفسها قبل ماتخرج اجارنا الله !!
لكن المشكلة لمن يكون الجسم طبقات يالطيف وبكل ثقة تلاقيه برآ العباية .. هذي تاخد ذنب إيذاء المسلمين بالمنظر مو فتنتهم !!

*

مــــاراح تقدرين تغيرين رايهمـ لأنها تمشي مع امها وأهلها كذا الغلط من الأهل ولو كلمتيها أو فرضنا عليها بتقول لك أهلها راضين أنتِ ايش دخلك ومو من حقك

أنا أظن اننا في دا العمر وصلنا لمرحلة من الوعي يخلينا نعرف انه مو كل الي يسوه اهلنا صح .. وان كان اهلنا لهم أكبر الأثر في تنشئتنا .. بس احنا نقدر نعرف الصح من الغلط ونقدر نفهم انه لو بابا راضي اني ألبس نص عباية مومعناته انه ديني أجاز أنصاص العبايات وأرباعها !!
فكون أهلها كدا مو معناته انه فكرتها أو رأيها محايتغير ..

*

يـــا أختي كان قلتي أنهـ الإستاذات من فرع السلامة لأن إحنا لهمـ بوابة خاصة بهمـ واللي نشوفهمـ حجابهمـ مرة محترمـ سواءً سعودية أو أجنبية

الصراحة في فرع السلامة ولا في غيره ... أنا اخرج بعض الأيام من البوابة الشرقية حقت الأستاذات والأشكال الي بتتكلم عنها الأخت موجودة فعلا ..
وسواء طالبات ولا أستاذات جوا الجامعة أو برآ بتلاقي .. "وما أكثر الناس ولو حرصت بمؤمنين" ..

______________

امممممـ ... أحس اني تفلسفت كتيير ...
بس حبيت أبين وجهة نظري الي ممكن تصيب وممكن تخطئ "إن أخطأت فسددوني"

تقديري للجميع ،،

[wallo]

^^^

اجباري = يلفلفو البنااات بقمااش اسوود امممممم احس صعبة شوويا !!

قصدي اجباري = مايصير ممنووع زيو زي جوال الكاميرا يعني عليه مخالفهـ كذا فهمتي ؟؟؟

الحمداللهـ :)

[Reema~<3]

المشاركة الأصلية كتبت بواسطة wallo ^^^ اجباري = يلفلفو البنااات بقمااش اسوود امممممم احس صعبة شوويا !! قصدي اجباري = مايصير ممنووع زيو زي جوال الكاميرا يعني عليه مخالفهـ كذا فهمتي ؟؟؟ الحمداللهـ :)

فاهمتك يا قلبي ...

لكن اجباري في العسكرية = يلفلفوا البنات بقماش أسود ...
وأنا جبتها من باب الفكاهة ويؤسفني اذا ماوصلت لمستواك !!!
_____________

وبالنسبة للموضوع الي الاختلاف عليه "وضع قانون للحجاب" ...
أنا معاكي في انه صعب انهم يحطوا قانون لبس شي معين خلينا نقول عباية عالراس مثلا ...
لكن ما اظن انه صعب انهم يحطوا مواصفات للعبايات زي اللون مثلا ..

[Fatema Alshareef]

ماشاء الله عليك أختي الغيوره ,, الله يجزاك الف خير ,,

صحيح منظر الطالبات المتبرجات منظر يندى له الجبين ,, الله يهديهم ويصلح من أحوالهم ,,

[wallo]

^^

شووفي انا بصراااحهـ عبايتي ملوونه شوويا بس البسهاا بس في الجاامعهـ عشان مانفك العبايه ويعني يكوون شكلهاا فررح شوويا مو كلها اسوود ويعني ماحد يشووفها مثلا رجال او شي لأنو من السياره عالجامعه ومن الجاامعهـ عالسياارة ...

[Reema~<3]

المشاركة الأصلية كتبت بواسطة wallo ^^ شووفي انا بصراااحهـ عبايتي ملوونه شوويا بس البسهاا بس في الجاامعهـ عشان مانفك العبايه ويعني يكوون شكلهاا فررح شوويا مو كلها اسوود ويعني ماحد يشووفها مثلا رجال او شي لأنو من السياره عالجامعه ومن الجاامعهـ عالسياارة ...

يعني ....

الحل في رأيك انه نسيب الموضوع زي ماهوا ؟؟؟ وما لنا دخل لأنه كل انسان على راحته ؟؟؟
مو كل البنات زيك عباياتهم ملونة شويا .. صح ؟؟؟

أدري انه كلامنا ما حيغير كتير في الواقع ... لكن هدا مو معناته اننا نسكت كأننا راضيين ...

[wallo]

ياااااااااااارب متى اتخررررج من الجامعهـ المعفنهـ دي :(