نزل الجدول الخاص بالمحاسبة المهنية

[ابو احمد999]

بالتوفيق في دراستكم

[هادي أحمد]

الأخوات اللي بدؤا بالدراسة يوم الأربعاء 18/10 ( محاسبة مهنية ) ياريت تفيدونا عن تفاصيل اللي صار من ناحية اللقاءات والمحاضرات ....الخ ياريت كل التفاصيل

الله يعطيكم العافية ...

[ابو احمد999]

هههههههههههههههههههههههههههههههههههههههههههههههههه ههههههههههههههههههههههههههه
معليش يا استاذ هادي احمد باقي مغمى عليهم من المحاظرات مايبدون يفيقون ويصحون الا بعد يومين خاصاً الي اخذت اربع مواد الله يعينهم ...............

[عيون الكون]

هههههههههههههههههههه والله صادقين من جد أنواع التعب والارهاق

اول يوم الاربعاء استئذنت من الدوام ورحت الجامعة كان فيه لقاء تعريفي عن البرنامج وكل مايتعلق فيه من تسجيل المواد وخلافه

بعد ماانتهى اللقاء بدأنا اول محاضرة نظم معلومات محاسبية بالرغم من ان المادة نظرية بس الدكتورة بتحاول تخلينا نربطها بالواقع العملي في وظايفنا وطبعا بدأت تعطينا تكاليف

طبعا كان فيه بريك للصلاة والغداء بعدها كانت المحاضرة الثانية محاسبة مالية كانت المحاضرة مجرد قراءة من الكتاب!!

وبعد مانتهينا من المحاضرات رحنا لقسم ماجستير البرامج التنفيذية استلمنا الكتب والجدول الدراسي مختوم بالاضافة الى جدول يوضح مواعيد اللقاءات والاختبارات للترم كامل وطبعا يدينا تكسرت واحنا نشيل الكتب

يوم الخميس كان عندنا محاضرة نظم معلومات محاسبية ومحاسبة مالية ومناهج بحث مع د-عبدالعال أبو خشبه وعجبني فيه انه غير ملتزم بالكتاب وكان بيشرح بالاعتماد على بحوث علمية من خلالها بيشرح كيف الباحث اعد بحثه وكيف صاغ مشكلة البحث وخلافه وطبعا برضه اعطانا تكليف

واليوم الجمعة كان عندنا محاضرة وحدة وهي مناهج بحث


الحمدلله الوضع العام ممتاز ،، اعجبني اهتمام المسئولين عن البرنامج وحرصهم على تنظيم ادق التفاصيل وسؤالهم عن مدى ارتياحنا بصراحة الله يعطيهم العافية ماقصروا

الشي الروعه في الموضوع كله أن الدكتورة زينب قالت لنا في اللقاء التعريفي اجتمعوا مع بعض وقرروا لو فيه دورات بتفيد تخصصكم ودراستكم تحبوا تاخذوها اعطونا خبر والجامعة راح توفر مدرب او مدربه يعطيكم الكورس اللي تحتاجوه وانا شخصيا عجبتني الفكرة جدا وبإذن الله راح اتفق مع البنات ونطرح مجموعة من البرامج اللي ممكن تفيدنا وبحكم انكم سابقينا في الدراسة ياليت لو تقترحوا علينا برامج راح تفيدنا لو تعلمناها ،،،،

الله يوفقنا ويوفقكم جميعا يارب ،،،،

[هادي أحمد]

المشاركة الأصلية كتبت بواسطة عيون الكون هههههههههههههههههههه والله صادقين من جد أنواع التعب والارهاق اول يوم الاربعاء استئذنت من الدوام ورحت الجامعة كان فيه لقاء تعريفي عن البرنامج وكل مايتعلق فيه من تسجيل المواد وخلافه بعد ماانتهى اللقاء بدأنا اول محاضرة نظم معلومات محاسبية بالرغم من ان المادة نظرية بس الدكتورة بتحاول تخلينا نربطها بالواقع العملي في وظايفنا وطبعا بدأت تعطينا تكاليف طبعا كان فيه بريك للصلاة والغداء بعدها كانت المحاضرة الثانية محاسبة مالية كانت المحاضرة مجرد قراءة من الكتاب!! وبعد مانتهينا من المحاضرات رحنا لقسم ماجستير البرامج التنفيذية استلمنا الكتب والجدول الدراسي مختوم بالاضافة الى جدول يوضح مواعيد اللقاءات والاختبارات للترم كامل وطبعا يدينا تكسرت واحنا نشيل الكتب يوم الخميس كان عندنا محاضرة نظم معلومات محاسبية ومحاسبة مالية ومناهج بحث مع د-عبدالعال أبو خشبه وعجبني فيه انه غير ملتزم بالكتاب وكان بيشرح بالاعتماد على بحوث علمية من خلالها بيشرح كيف الباحث اعد بحثه وكيف صاغ مشكلة البحث وخلافه وطبعا برضه اعطانا تكليف واليوم الجمعة كان عندنا محاضرة وحدة وهي مناهج بحث الحمدلله الوضع العام ممتاز ،، اعجبني اهتمام المسئولين عن البرنامج وحرصهم على تنظيم ادق التفاصيل وسؤالهم عن مدى ارتياحنا بصراحة الله يعطيهم العافية ماقصروا الشي الروعه في الموضوع كله أن الدكتورة زينب قالت لنا في اللقاء التعريفي اجتمعوا مع بعض وقرروا لو فيه دورات بتفيد تخصصكم ودراستكم تحبوا تاخذوها اعطونا خبر والجامعة راح توفر مدرب او مدربه يعطيكم الكورس اللي تحتاجوه وانا شخصيا عجبتني الفكرة جدا وبإذن الله راح اتفق مع البنات ونطرح مجموعة من البرامج اللي ممكن تفيدنا وبحكم انكم سابقينا في الدراسة ياليت لو تقترحوا علينا برامج راح تفيدنا لو تعلمناها ،،،، الله يوفقنا ويوفقكم جميعا يارب ،،،،

الله يعطيكم العافية

طيب أختي عيون الكون أنتي عندك 9 ساعات(3مواد) أو 12 ساعة(أربع مواد) ؟؟
أنا بصراحة منزل 12 ساعة (أربع مواد) وبديت أتخوف ....

وبخصوص مواعيد اللقاءات و الأختبارات ياريت تفيدينا بتفاصيلها أكثر ....

[عيون الكون]

هلا وغلا

انا عندي 9 ساعات وبصراحة اعتقد انها كافية جدا

بالنسبة لمواعيد اللقاءات تختلف من قسم الطلاب للطالبات

على العموم في المرفق راح تلاقي جدول المواعيد الخاص بلقاءات قسم المحاسبة طالبات

[هادي أحمد]

الله يعطيكي العافية أختي عيون الكون

إن شاء الله نبدأ هذا الإسبوع والله يسهل علينا وعليكم ............

[عيون الكون]

الله يعافيك يارب

وننتظر اخباركم بعد ما تبدأوا


موفقين بإذن الله ،،،،،

[ابو احمد999]

هههههههههههههههههههههههههههههههههههههههههههههههههه ه
ماني قلت لك ياهادي انه باقي مغمى عليهم والله انا العام كنت ماخذ 3مواد الترم الاول يعني 9 ساعات وكذلك الترم الثاني والصيفي 2 يعني 6 ساعات طلعت عيوني من مكانها والمشكله ان الترم ذا اخذت 4 مواد 12 ساعه والله اني خايف لاني شفت معانات الشباب العام شكلي بحذف وحده من المواد والصعوبه في الاختبارات النهائيه يكون عندك الاربعاء والجمعه اختبارات من كل اسبوع وبعض الاوقات يكون الاربعاء والخميس والجمعه وبعض الاوقات يجي عندك مادتين في نفس اليوم وهذي مشكلة برنامج المحاسبه بعكس برنامج ادارة الاعمال ترتيب خيالي فيه مايجي عندهم تعارض عند الطلاب في مواعيد الاختبارات .......... حقيقه وامانه ان هناك ترتيب في ادارة الاعمال افضل بكثير من المحاسبه يا اخي لو طاحت ابره في الجامعه وتخص هذي الابره (يعني مسله) طلاب وطالبات الماجستير ادارة اعمال جاهم خبر عنها برساله على جوالاتهم اما نحن من يوم مادخلت البرنامج وحتى الان لم ياتيني الا ثلاث اربع رسائل الاولى كانت مباركه بالقبول الثانيه والثالثه والرابعه مواعيد التقديم للترم الثاني والصيفي من العام والرابعه للترم الاول من هذي السنه اتمنى انكم لاتعانون مثل ماعانينا رغم ان رئيس قسم المحاسبه من الدكتور عبدالعاب ابو خشبه حفظه الله ورعاه من افضل الدكاتره الي مروا علي في حياتي من ادب وعلم واخلاق وتواضع وترتيب بس حقيقه وقته مو له من كثر الظغط الي عنده وهو ليس مدير البرنامج وشكرا ً

[ابو احمد999]

لي ساعه احاول انه يفتح الجدول يا اختي عيون الكون ورافض رفض نهائي بالعكس علق علي الصفحه بس بحاول مره ثانيه وباذن الله يفتح لي .................