يوم الاخلاء كشفت لي حقيقة موظفات الأمن !!!

دانة جدة · 22-08-2010, 06:35 AM

امممم معاكم حق فكل الي قلتو وانشاءالله يتغير الوضع للاحسن وادا على قانون ممنوع الخروج قبل 9 قمة فالغباء يعني كدا ولا كدا خارجين 9 والي حتهبق لسى مافاتها شي الصباح فأولو وقد صارلي موقف فدا الشي مررة كان عندي محاظرة الساعه 8 ولما تكون عندي 8 اكون العادة 7 فالجامعه وداك اليوم كان عندي شرح فمحاظرة وعلية درجات الموهم نسيت اليو اس بي فالبيت وبالراحة يمديني ارجع واجيبة ولسى السواق قريب ماراح مشكلتي افتكرتو اول ماعديت البنك رجعت جري صارت تقولي ممنوع وماني عارفة شو!!!
اقنعها من هينا واكلمهم مايفهمو تقولي الساعه 9 تخرجي قبلو لا وماخلوني اطلع بس الحمدالله شغلت عقلي وانا ابكي من القهر وخليت الشغاله تجيبو وادتني قدامها الظاهر ماتت قهر لانها فالاول لما رفعت صوتي عليها فرحت لما ماخلتني اطلع ولما شافتني اتجننت هههه
بس تصدقو مررة وحشتني الجامعه مستنيتها على احر من الجمر

لسعهـ شقاوهـ · 24-08-2010, 02:01 AM

هههههههههههههههههههههههههههههه

عارفين ليه بيعملو كذا

لان ما في احد معطيهم وجه

ولا احد محترمهم من فوووق

فقالو نسوي نفوسنا مين قدنا

اما حكايه التفتيش على شنط البنات ماليهم حق

هذا عرق الللقافه

يعني وراااااثه

اللقافه تمشي فدمها

الله يشفيهم

ولا يبلانا زي مابلاهم

BomBom girl · 24-08-2010, 10:08 PM

من جددددددددددد

خطى الجنان · 28-08-2010, 06:13 PM

انا با جيب معايا جولات العيله واشحنها عندهم في الجامعه
هع هع هع

اسوووومه · 28-08-2010, 09:43 PM

والله شي يقهر وي وي من هالجامعه وين عايشين هذولي ماعندهم ذرة رحمه المفروض ينسجنو وينجلدو عشان يتادبو مالت عليهم وعلى اللي وظفوهم ):

NOIR · 30-08-2010, 03:57 PM

مشكورين على الردود و التجاوب يا بنات :)

اخراج البطاقة من حاملة البطاقة
اليوم و انا داخلة البوابة الغربية و بطلع بطاقتي عشان اوريها لموظفات الأمن ( الي سمعت انه جايبينهم من السجون )
و انا بطاقتي حاطتها في (card hold) الي هيا بالعربي الفصحى حاملة بطاقة
تعرفو ايش هو الكارد هولد ؟ صح ؟
هو اختراع عبارة عن بلاستيك تعلقيه حول رقبتك عشان عشان تحطي فيها هويتك !
طيب ...
المفاجأة في الموضوع انهم صارو يطلبو مني اخرج البطاقة من الكارت هولد !!!!!!!!!!!!!

في دا الشي أقول معاهم حق إنو يشوفوا البطاقة
لأن سارت حركة قبل كدا وحدة من البنات صورت البطاقة ومغيرة الصورة

يا أختي المسألة مو إني ما أبغاهم يشووفو البطاقة ..
المسألة انهم يطلبو مني أطلع البطاقة من محفظة البطاقة !!
و الكارد هولد بالراحة تقدري تشوفي الصورة و كل المعلومات ...

سلآمآت وش عندهآ تطلع قبل تسعه اصلا المحاضرات تبداء 8 يعني معاهم حق في ذي

يعني الصايعات ما يقدرو يطلعو بعد الساعة 9 ؟!!!

مو شرط الي تطلع بدري معناها صايعة
في بنت من الي ردو بالموضوع نسيت فلاشها و كانت تبغى ترجع البيت تجيبه ..
أنا كمان رحت الجامعة عشان اسلم واجب بس وابويا اتلطع برة ساعة ! و استغربت من نظامهم الغريب , و لا مو معاهم حق يعني لو من جد خايفين عليا يطبقو نظام المدرسة إنه ولي الأمر لمن يجي ياخذني يطلع بطاقته و يتأكدو من هويته و يوقع و اطلع من الجامعة ..
بس ما فيهم يقومو و يتلحلحو كسلانين .. و الله المستعان