>>>> الـحــجـــــامـــة ... بالصور <<<<

[نسووومة]

الا أكيد

بس ما أؤمن بالشي اللي يقول واحد فيه جني ..

يعني ماأؤمن بإن الجن يدخل جوه الإنسان ويتحكم في تصرفاته وووو

كلها حالات نفسيه بتكون .. ودا كمان بشهادة عدد من المقرئين على الجن ...

:)

[فااارس]

عزيزتي لو توضحيلي أكثر وجهة نظرك علشان بأحاول إني ما أستعجل في فهمي للموضوع

[نسووومة]

يعني

حعطيك مثال

لما تشوف وحدة تتصرف تصرفات غبية وأحيانا تكون لا انسانية

وبعدين تجي تستفسر عن السبب

يقولوا .. معليش أصلو فيها جني راكبها !!


لما تشوف وحدة أول ماتجي تفتح قرآن جنبها تقعد تفرفر وتنطنط وتكسر وتعمل حاجات ممكن تؤذيها وتؤذي اللي حولها

وبعدين تسأل ايش السبب

يقولوا معليش أصلو الجني حقها هو اللي يسوي كده مو هيا !!!



فهمت الأمثلة ؟؟

يعني بالعربي أنا ماأقتنع إن الجني يدخل جوه الإنسان ويتحكم بتصرفاته ويكون الآمر الناهي ابدا أبدا

ومثل هذه الحالات أقصد يعالجوها بالحجامة ... وتتعالج طيب كيف ؟؟ هو الجني يتشفط في الدم !! سبحان الله

عشان كده اقول انها حالات نفسيه والانسان يتوهمها ..لا اكثر ولا اقل بشهادة اللي يقرؤوا قرآن عالناس اللي زي كده ...


يارب تكون فهمت قصدي دحين :)

[فااارس]

فهمتك مزبوط

و لكن انا اوؤمن انه الجن يتلبس البشر

و اتفهم وجهة نظرك في الناس اللي قلتي عنهم


و افتكر مره واحد من المشايخ المشهورين بالرقيه يقول انه اغلب الحريم اللي عنده يمثلوا انه فيهم جن علشان يضربوا ازواجهم بسبة الجني اللي متلبسهم

:)

[نسووومة]

الحمدلله ان الفكرة وصلت :)

نفسي اتناقش معاك في الموضوع أكثر بس المشكلة انو دا الموضوع مايتكلم عن الجن :)

وشكرا لك ..

[فااارس]

و انا بعد يسعدني ذلك و اتمنى

و القادم أكثر

:)

[أول المشوار]

المشاركة الأصلية كتبت بواسطة فااارس فهمتك مزبوط و لكن انا اوؤمن انه الجن يتلبس البشر و اتفهم وجهة نظرك في الناس اللي قلتي عنهم و افتكر مره واحد من المشايخ المشهورين بالرقيه يقول انه اغلب الحريم اللي عنده يمثلوا انه فيهم جن علشان يضربوا ازواجهم بسبة الجني اللي متلبسهم :)

الحمدلله نفس ايمانك
وتصدق
قدام عيون زملائي واحد متلبسه شيخ من الجن اطرم (يعني مايتكلم) بالاضافة لشيوخ ثانين ساكنين فيه
ومشرف السكن الداخلي ماصدق الخرابيط هذي وتكلم على الولد لحد ما اغمى عليه (مصري المشرف)
قام الولد اشر للشباب بيده يجيبو له تراب من برا قدام بوابة السكن
ولما جابوه وحط الجمر على المبخرة ( الجمر سريع الاشتعال عرفته...!!!)
واخذ شوي من التراب وحط بفمه قدام المدرس المصري
بعدين حط التراب اللي بفمه على الجمر وتعاااااااااااااااااااااااال
شف وشم ريحة العودة بعدها.......انتشرت بالغرفة
المصري طبعا طاح عند باب غرفة الولد وقال اشهد ان لا اله الا الله و ركبه لصقت ببعض من الخوف
ولا عاد تعرض لخوينا ابدا البته البته

ويمكن بالاعراس نشوف ناس تاكل قدامنا الجمر اذا صار في لعب وسعة صدر(دفوف وطيران)
ومن الممكن نسمع صوت رجل يصدر من المرة اذا قرا عليها الشيخ
واشياء كثيرة تثبت تلبس الجان للانسان
ومقدرتهم على الحاق الضرر فيه اذا كب مثلا بالحمام اعزكم الله ماء حار
من دون لا يسمي

بس اعجبني شي قلته
هههههههههههههههههههههههه
حلو من الحريم يضربو ازواجهم كتمثيل انهم متلبسين
من جد هذي اتفق معاكم انها حالات نفسيه ومن الصعب حلها



اختنا روح البنفسج*
معلش
شطحنا في مشاركتك الى ابعد من القارات الثلاث واسمحي لنا على ذلك

ولكن بقي نصيحة تخص موضوعك لم يتم التطرق لها بعد..... هي في غاية الاهمية
وهي على الشخص الذي تحجم ان يكتفي بحجامة واحدة فقط في السنة
ومن الافضل له ان يستمر عليها سنويا كونه بدأ وشعر بتحسن بسببها (يعني لايجي واحد يتحجم في السنة خمس مرات بعدين يموت)

[نسووومة]

اول المشوار

وليه مايكون الولد هذا أساسا يتعامل مع الجن ..!!!

عموما ماحدخل في تفاصيل الحكاية التحفة هذه ... وخلينا في موضوعنا وان شاءالله عما قريب نفتح موضوع للجن ..

وهي على الشخص الذي تحجم ان يكتفي بحجامة واحدة فقط في السنة ومن الافضل له ان يستمر عليها سنويا كونه بدأ وشعر بتحسن بسببها (يعني لايجي واحد يتحجم في السنة خمس مرات بعدين يموت)

برضو فتاوى على الهواء مباشره

يا أخي مين قال لك المعلومة الخطيره هذه !!!

الإنسان ممكن يتحجم كل شهر لو يبغى ..

وفيه حالات بيكون متابعة معاها الين ماتتحسن بالحجامة وتكون على مدار السنة كل شهر تجي تسوي حجامة

مابيموتو ولا شي ... والمفروض أصلا كل ماحسيت انك تعبان تجي تسوي الحجامة ...بس كـ حد أدنى يكون بين المرتين شهر على الأقل ...



وتحياتي للجميع ..

[فااارس]

لا يا عزيزي

مو حالة نفسية و لا غيره

هم بيعملوا كذا بس علشان يضربوا ازواجهم

لعنة الله عليهم

[أول المشوار]

الحمدلله تاريخ اليوم 17
وبعد صلاة العشاء بالضبط سويتها

الحقيقة ماحسيت زي المرة الاولة بدوخة وكانت في خمس مواضع فقط
اثنين اسفل الراس واثنين اسفل الكتف وواحد ببدايات العمود الفقري

شفطني الين خلص الدم الفاسد وصار يطلع معه الدم العادي....وقتها وقف
والتحسن باءذن الله راح يكون بالايام الجاية

والفضل لله سبحانه ثم للاخت روح البنفسج....ذكرتني بمشاركتها هذي اسويها
عسى ربي يزوجها الزوج الصالح اللي يسعدها بالدنيا والاخرة

أول المشوار....بعد ماتشفط