لاتعليق!!!

[محامية المستقبل]

من ترك شيئا لله عوضه الله خيرا منه

الله يعوضك بوظيفة احسن وانتي متوجه بحجابك ولا تزعلي

هذا اختبار وانتي نجحتي فيه

الله يثبتك ويثبتنا

[روح البنفسج]

المشاركة الأصلية كتبت بواسطة محامية المستقبل من ترك شيئا لله عوضه الله خيرا منه الله يعوضك بوظيفة احسن وانتي متوجه بحجابك ولا تزعلي هذا اختبار وانتي نجحتي فيه الله يثبتك ويثبتنا

اللهم امين

نورتي ياقمر

[قلب البحار]

أخ بس أخ لو عرفت مكانه
هو على المستشفى حقه وربي لخليهم عبرة للمستشفيات خليني بس أرجع جدة
عالم ماتخاف الله ,,,
وممسوح الحيا من وجههم

والله ياروح انك بنت رجال ,, الله يوفقك
ومن ترك شيئا لله عوضه الله خيرا منه

[روح البنفسج]

المشاركة الأصلية كتبت بواسطة قلب البحار أخ بس أخ لو عرفت مكانه هو على المستشفى حقه وربي لخليهم عبرة للمستشفيات خليني بس أرجع جدة عالم ماتخاف الله ,,, وممسوح الحيا من وجههم والله ياروح انك بنت رجال ,, الله يوفقك ومن ترك شيئا لله عوضه الله خيرا منه

متى بترجع بس انا مخليته لك

مرسي على المرور

[:. مآء السمآء .:]

,،


نفس الشي صار مع صحبتي بس بعد محاولات وابوها كلم واحد وشغل واسطة وبعدين وافقوا تشتغل وهي متنقبه

وبعدين مو بس تكشفي لا لازم تكوني حاطة ميك أب يعني مو عارفه ايش الهدف من هذا كله


يلاا ياقلبوو ربي يعوضك خير ان شاء الله

ومرره ثانيه لما تروحي تدوري وظيفه خذيني معاك عشان اضبط لك أمورك


,،

[روح البنفسج]

المشاركة الأصلية كتبت بواسطة :. مآء السمآء .: ,، نفس الشي صار مع صحبتي بس بعد محاولات وابوها كلم واحد وشغل واسطة وبعدين وافقوا تشتغل وهي متنقبه وبعدين مو بس تكشفي لا لازم تكوني حاطة ميك أب يعني مو عارفه ايش الهدف من هذا كله يلاا ياقلبوو ربي يعوضك خير ان شاء الله ومرره ثانيه لما تروحي تدوري وظيفه خذيني معاك عشان اضبط لك أمورك ,،

حاضر ماما

[banoota mnkoosha]

مو شي جديد ...
دا القرار من زماااااااااان ؛ وهوا هوا لين دا اليوم ...
يا تكشفي يا تقعدي في بيتك !!

[حمزة مبارك]

و أنا أكتب هذا الرد , أحسست بالدموع و هي تُغلّف عيناي , فــرحــاً .
أحمد الله أنني أستمع لمثل هذه المواقف النبيلة في مثل هذا الزمان .

بــارك الله فيكِ عزيزتي .
أصبتِ في ردّك . كـــان جميلاً ؛ يُعبّر عن التزام صــارخ .


أمـّــا عمّا كان من قِبَل الطرف الآخر ( الموظّف المُكلّف ) , فهذا أمر لا يُستغرب له كثيراً في أيامنا المسكينة هذه !

مِــراراً , تألمنا لروايات مُحزنة , بلا فـائدة , حتى وصلنا لدرجة أنّنا أصبحنا نستمع لبعضها , و لا نبدي تجاهها استغراباً كبيراً .
مــع الأســف , نعيش في زمن مظلوم , شُوّه , و لا زال يُشوّه , و سيُشوّه . هـــــــذا مــؤلـم .


" أســـأل الله لكِ التوفيق و السعادة في الدّارين " .
حمزة ماهر مبارك .

[نسووومة]

السلام عليكم

روح حبيبتي كيفك اشتئتلك كل سنة وانتي طيبه . هادا اول شي

طبعا انا من قرن ماخشيت المنتدى ..بس دوبي دخلت لقيت موضوعك قلت ارد عليك ..


اولاً .. فيه حاجه لازم الجميع يفرق بينها وهي (الحجاب=تغطية الشعر.. والنقاب= غطاء الوجه)

يعني صراحة انا مستغربة للناس اللي يقولوا هادا يقولك شيلي حجاب حرام ماقال كده .. هادي تعتبر جريمة اصلا ازا سواها لأن الحجاب فرض زيه زي الصلاه وباقي الفروض ..

تانيا .. طبعا ماله حق يطلب دا الطلب .. لكن دامها شركة خاصه فكل واحد يبى موظفينه على مزاجه ..

ثالثا .. اقولك حاجه .. دا الانسان مستحيل لو كان في اي دولة تانيه انو يقول دا الكلام تعرفي ليش ؟؟ عشان هناك اللي يبى يلبس الحجاب بيلبس (عن اقتناع مو عشان البلد او الاهل) ودا اختلافهم عننا (البعض وهم نسبة ظاهره) فأصلا خلاص معروفة المحجبة اصلا مستحيل طرحتها تتفسح من على راسها ولا يبان ربع شعره من شعراتها .. والمنقبه نفس الشي مستحيل تشيل النقاب (مو زي هنا المنقبة لما تروح مطعم تكشف) او قدام السواق او بالسياره تكشف ..طبعا الا مارحم الله ...

فالراجل دا مااضع كل اللوم عليه .. لأنه عارف انو فيه ناس بتقبل بدا الشي .. لان هدي القضيه عندهم ماهي جوهرية واساسيه وحياة او موت بالنسبة لهم .. والدليل انو فيه اعضاء ذكرو مواقف هنا ان فيه بنات بيرضو بدا الشي ...

لكن فعلا لو انتشر الوعي بين البنات والاهالي خصوصا انهم لما يبدأو يعلمو بناتهم على الاحتشام ولما يبلغو على الحجاب .. وشويه شويه على النقاب + مع الاخذ بالنظر تفهيمهم الفرق الجوهري بين الحجاب والنقاب عشان فيه بنات كتير عندهم اعتقاد انها لو كشفت وجهها زيها زي المنحرفه ومعناها كده انها ماهي محجبة فتشيل الطرحه كلها أحسن .. مع ان لبس الطرحة هي الأسااااس وليس فيها أي اختلاف ..

وكان المفروض انتي رديتي عليه قوليله انا لابسه النقاب عن اقتناع وصراحة دا حياتي ومااقدر ابدا افرط فيه .. لاني مو من الناس اللي لابسته عشان الناس او البلد او العرف .. حتى بسهولة تقول لي أتخيلي عنه !! وخليكي قوية كده وخشي في عينه وردي عليه رد كويس .. يمكن سبحان الله يقتنع الراجل .. وتكوني انتي سبب في انك تمنعيه يسوي دي الحركه مع البنات التانيين :)

معليه انا اخدت الموضوع من زاويه تانيه ..

علمني تخصص دائما أن أنظر الى السبب ومن أجلها أحدد النتيجة :)


أتمنى مااكون طولت عليكي .. والله يوفقك يااارب وتلاقي شغل أحلى واحسن ..



نشووفكم على خير :)

[روح البنفسج]

السلام عليكم

وشكرا لكل من مر هنا

الحمدلله ربنا عوضني خير ورحت المكان اللي اخترته وبالشروط اللي ابغاها انا

وراح ابدأ يوم السبت دعواتكم