د.باعشن ....وحملة الاحياء

[THE DOCTOR]

اااااااااااااااااااااااااه


يالقهرررررررررررررررر


بس مانقول الا الحمدلله



تم اليوم مقابلة الاستاذ الدكتور نبيه باعشن من قبل اعضاء الحمله


وقبل ما اقول اش صار احب اشكر المستر زياد(لوكي لاد) لانو صراحه تعب مع الدكتور كثير وكان في وجه المدفع واتحمل كثير بس إن شاء الله تكون في موازين حسناتو


وهقولكم اش صار فيها وبالتفصيل عشان اكون حقاني وما اظلم احد



اول شي انتظرناه بعد الصلاه ويشهد الله انو استقبلنا بصدر رحب ورحب فينا


بعدها تقدم ( لوكي لاد) الله يعطيه العافيه وشرحلو احنا ليش جايين واعطاه الخطاب


بس الدكتور ما اعطاه فرصه يتكلم <<<وعموما هو ما اعطانا فرصه نتكلم وبرر موقفو انو كان مستعجل ويحقلو لانو احنا كنا جايين متأخر



وقعد يشرحلنا الموضوع ويحاول يقنعنا انو اللي معانا في الاختبار قليل<<<<واكيد انو مافي احد مقتنع انو قليل


ويقول انو هدفهم من هذا الكلام انهم يرفعوا من مستوى التعليم عندنا<<<<بس انا اشوف انهم لو يبغو يرفعوه يرفعوه من الابتدائي والمتوسط والثانوي يعني تدريجيا


بس انا عرفت انو دفعتنا هي اللي يجربو عليها كل شي ولسه حيجربو <<<<بس احنا ما حنسكت ولا كيف؟؟؟


وبعدها جالو اتصال من واحد برضو يشتكي<<<واحنا الحمدلله ارتحنا انو في ناس برضو تتكلم زينا


وكان معاه دكتور حاولنا اننا نسألو اذا يمكن يصير زي اللي صار في الاختبار اللي فات فقلي لا وبررلي انها انحطت الاسئله<<<< بس الصراحه ما اقنعنا لانو الاختبار اللي فات ما جا خبر التخفيف الا قبلها بيوم


والدكتور كان شويه مبحبحها معانا خصوصا مع لوكي لاد واحنا تقبلناها بروح رياضيه بس المشكله انو لوكي لاد كان الكلام جاي في وجهو وياثر فيهوالصراحه اعذرو بس هو ما قصر وعرف ينتقم


وبس هاذا اللي صار بس انا اشوف انها كانت مبادره جيده مننا ولسا اتوقع انو في امل انها تتقلص


وكذا يكون احنا سوينا اللي علينا وريحنا ضميرنا
وهنذاكر قد ما نقدر والباقي على ربنا

وفي النهايه احب شكر كل من حمسنا وشجعنا ووقف معانا وكل طالب وقع معانا واكيد اشكر طلاب شعبتنا واعضاء الحمله (بووزي وسوما ولوكي لاد وغيث وزياد وعلاء ووليد)


وثانكساتي