اللي بدأت تذاكر احصاء للاختبار الجاي تدخل

[][صمت البوح][]

الحين اصور لك الالة واشرح لك عليها بالصور
اعطيني بس ربع سااعه اسوي الصور

بـــــــــرب

[basooooma]

السلام قبل الكلام
انا حبيت اعرف كيف ذاكرتو التشابتر الاول
مرررررررررره صعب كله كلام و تعريفات واشياء لحد الان في قائمة الغير مذاكرة افيدوني بليز ؟....

[][صمت البوح][]

سوري ما طلعت واضحه الصور اختصاراتها صغيره

بشرح لك هنا وان شاء الله تفهمين علي

اولا اذا آلتك نفس آلتي راح تلقين الاختصارات
nPr >> فوق الضرب"×"
nCr >> فوق القسمة "÷"
اما اذا آلتك مختلفة ومالقيتها دوري الاختصارات فوق مع الازاير لين تلقينها

وطبعا عارفه ان الاختصار الاول للبرمتيشين"permutation"
والثاني للكومبيتشين "combination"

نجي للاستخدام
مثلا عندنا الـ n=8 والـ r=4
وطلب منك كومبيتشين
اول شئ تضغطين رقم 8
بعدين تضغطين شفت"shift"
وبعدين تضغطين القسمة
وبعدها تحطين 4
وتطلع لك النتيجة


والبرمتيشين نفسها لكن تضغطين الصرب

لكن لو آلتك مختلفة ممكن ما تحتاجين تضغطين شفت للكموبيتشين
عشان كذا صوري لي التك لو كان اختصاراتك بمكان ثاني غير انها فوق القسمة والضرب

تحيتي

[Mis hadooll]

يسلمووووووووو
خلاص مشي الحااال مرره شكراا
الله يعين واخلص
مررره والله شااااايله هم
الله يوفقنا كلنا ولا يضيعلنا تعب ياااااااااااارب

[][صمت البوح][]

انا حبيت اعرف كيف ذاكرتو التشابتر الاول مرررررررررره صعب كله كلام و تعريفات واشياء لحد الان في قائمة الغير مذاكرة افيدوني بليز ؟....

عني انا الحين باقي لي في جزء بسيط

صفحة 3 تحفظينها تعريف الاحصاء وتعريف المتغير
وتحت تعريف المتغير في كم كلمة لازم تعرفينها اللي هي البيانات والمتغير العشوائي
وبصفحة 4
فوق تعريف الاحصاء الوصفي في تعريفات صغيره
للبيانات وقيم البيانات افهميها

ونجي للمهم وهو الاحصاء الوصفي والاحصاء الاستدلالي اهم شئ تفرقين بينها
واذا ما عرفتي في شرح في الصفحات السابقة لها

وبعدين عندك تعريف المجتمع والعينة


بصفحة 6 عندك انواع البيانات اعرفيها
واهم شئ تفرقين بين البيانات المتصلة"continuous"
والبيانات الغير متصلة"discrete"

وبصفحة 7 و 8
مستويات القياس وهذي بعد في شرح لها شرحته وحده من البنات في الصفحات السابقة
افهميها عشان تفرقين بينها


وبصفحة 9
طرق جمع البيانات "data collection"
اهم شغلة تعرفينها بكل هذاك الدش
انه هناك 3 طرق لجمع البيانات
1- طرق استطلاع الرأي "surveys"
أ- بالتلفون"telephone survey"
ب- الاستبيان "mailed questionnaire"
ج- المقابلة الشخصية "personal interviwe"
2-surveying records
يعني من خلال السجلات يجمع البيانات مثل سجلات الطلاب بالجامعة
او سجلات العوائل بالخدمة المدنية وعلى قياسها خذي امثلة
3- بالتجارب "expermental"


وبنهاية الصفحة وبصفحة 12
هذي طرق المعاينة العشوائيه وايضا تم شرحها مسبقا

وصفحة 13 تعرفين الفرق بين انواع الدراسات الاحصائية
اولا عندنا المشاهدة
وبصفحة 14 عندنا النوع الثاني التجارب فرقي بينها بس

وتحتها تلقين انواع المتغيرات
المتغير المستقل والمتغير التابع افهميها

وفي تحتها الـ"control group" والـ "treatment group"
بعد بس افهميها وفرقي بينها

صفحة 15 اهم شئ فيها العامل المتداخل "confounding variable"
اهم شئ تعرفين انه يؤثر على المتغير التابع ولا يؤثر على المتغير المستقل

وفوقها تلقين"hawthorne effect" العامل النفسي

وصفحة 17 و 18 اخطاء الاحصاء
وشرحناها من قبل

والحمد الله على السلامة

هذا ملخص سريع للاشياء اللي تذاكرينها بهالباب

يعني اكثر شئ بهالباب تفرقين بين كل شئ يشبه بعضه
لاتجلسين تصمين وتحفظين افهميها لانها تجي امثله وتختارين نوعها هي شو
مثل اسئلة اخر الباب

واذا في اي نقطة ما فهمتيها
اسألي والكل مو مقصر

اتمنى اني افدتك لو بقدر بسيط

[داعية المستقبل]

وصفحة 13 تعرفين الفرق بين انواع الدراسات الاحصائية
اولا عندنا المشاهدة
وبصفحة 14 عندنا النوع الثاني التجارب فرقي بينها بس

كيف اعرف افرق بين التجارب والمشاهده ؟؟

وتحتها تلقين انواع المتغيرات
المتغير المستقل والمتغير التابع افهميها

وفي تحتها الـ"control group" والـ "treatment group"
بعد بس افهميها وفرقي بينها

مين هذول اول مره اسمع عنهم واش الفرق بينهم ؟؟

صفحة 15 اهم شئ فيها العامل المتداخل "confounding variable"
اهم شئ تعرفين انه يؤثر على المتغير التابع ولا يؤثر على المتغير المستقل

وفوقها تلقين"hawthorne effect" العامل النفسي

برضه نفس السؤال كيف افرق بينهم (ماعندي غيره) ؟؟

وشكرا مقدما

[طقوس ..~]

ينصر دينكم يااااااااااااااااااااااارب


والله قمه فى الابداع

صمت البوح ما قصرتى انا بس اقراء واكتب

فدبتك يالطيوبه

[][صمت البوح][]

وصفحة 13 تعرفين الفرق بين انواع الدراسات الاحصائية اولا عندنا المشاهدة وبصفحة 14 عندنا النوع الثاني التجارب فرقي بينها بس كيف اعرف افرق بين التجارب والمشاهده ؟؟

قلبو الـ"observational study"
هذي تعتمد على المشاهده والباحث لا يتدخل او يعطي اوامر للمفردات
يعني فقط يشاهد لمدة محددة ويقول ماذا لاحظ
وهذا النوع مناسب للدراسات اللي الباحث ما يقدر يتحكم فيها مثل اضرار التدخين
الباحث هنا ما يقدر يجيب عدد من الناس ويجبرهم يدخنون عشان يسوي دراسته
لا بيراقب ويشوف التغيرات على الناس اللي من الاصل يدخنون فهمتي علي؟

اما الـ "experimental study"
هنا الباحث يتدخل وياخذ عينة يعطيهم اوامر محدده ويجري تجاربه عليهم

هذا الفرق بينها

وفي تحتها الـ"control group" والـ "treatment group" بعد بس افهميها وفرقي بينها مين هذول اول مره اسمع عنهم واش الفرق بينهم ؟؟

لا تخافين سهله

الـ"control group"
هذي المجموعة اللي ما يعطيها الباحث امر محدد
او انه يعطيها امر بس تكون متعوده على فعله يعني مو شئ جديد عليها

اما الـ "treatment group"
هذي المجموعة اللي يعطيها الباحث امر معين
وجديد عليها

مثال عليها
كان الباحث يجري دراسة انه مين راح يكون اكثر نشاطا بالطلاب
واخذ 10 طلاب وقال لهم اعملوا تمارين رياضيه كل صباح وحدد لهم عدد المرات
واخذ 10 طلاب اخرين وقال لهم اعلموا اللي تقدروا عليه يعني تركهم براحتهم يعملون او لا
وبعدها كمل دراسته وطلع النتائج
فالمجموعة الاولى راح تكون الـ "treatment group"
والمجموعة الثانيه راح تكون الـ"control group"

صفحة 15 اهم شئ فيها العامل المتداخل "confounding variable" اهم شئ تعرفين انه يؤثر على المتغير التابع ولا يؤثر على المتغير المستقل وفوقها تلقين"hawthorne effect" العامل النفسي برضه نفس السؤال كيف افرق بينهم (ماعندي غيره) ؟؟

ههههههه عادي اصلا الشبتر كله شغلة تفريق بين كل اثنين

العامل المتداخل "confounding variable"
هذا عامل جديد غير اخوانا في الله المتغير المستقل "independent" والمتغير التابع "dependent"
يعني عامل ثالث يدخل بالدراسة ويؤثر على نتائج التجربة فقط على المتغير التابع اما المستقل لا يتأثر به
مثال
دكتور يبي يجرب دواء ضغط جديد ويكون واحد منهم يشرب قهوة كثييير فطبيعي ان ضغطه بيكون مرتفع اكثر من غيره
هنا شرب القهوه نقول عنه عامل متداخل يؤثر على النتائج

اما العامل النفسي "hawthorne effect"
هذا ما اظنه مهم كثير لان الاستاذه بس كذا ذكرته بدون ما تركز عليه مثل غييره
لكن هذا عامل نفسي يعني حسب نفسية المفردة اللي داخله بالتجربه
مثال
لو قال دكتور للعدد من المرضى انا بجرب عليكم دواء جديد بشوف نتائجه افضل من القديم اولا
فهنا قد تتأثر نفسية احد المرضى ويتهأ انه ممكن يضر ممكن يأثر علي فهنا العامل النفسي يظهر وقد يؤثر بنتيجة الدراسه

اتمنى اني وصلت لك اللي ببالي وفهمتي علي

[ROoOFaNA]

الله يعطيكم العافيه

[القمر جانا]

من جد وربي ما قصرتوا الله يعطيكم العافيه ويعدي هالاختبارات على خــــــــــــــــــــــــــــــــير
آمــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــين