وزير التعليم العالي: استيعاب جميع خريجي الثانوية بالجامعات

[بيو كيميائية ^_^]

المشاركة الأصلية كتبت بواسطة وليد المشاعر شكرا يا اختي على كلامك واشكرك جدا على اضافاتك وبالنسبة لموضوع الواسطات ياناس افهمو ما احد راح ياخذ نصيبك ولا انت راح تاخذ نصيب غيرك ولا راح تاخذ اكثر من اللي كاتبه لك ربي واذا كان في احد دخل بواسطه وهوا ما يستحق انه يدخل الجامعة هذا امره عند الله هوا واللي دخله لكن لاتظلمو الناس وتقولو كلها واسطات ومدري ايش اكيد في ناس داخله بواسطه ولا بغيره بس نسبتهم قليله جدا ينعدو على الاصابع لان اللي دخل (الواسطه ) ما راح يفضح حالو وارجع اقول ان الواسطات قليلة جدن اغلب اللي انقبلو في الجامعة نسبهم الى حد 77 تقريبا وفي اقل انقبلو برابغ وخليص والله يوفق الجميع يارب

على طاري الواسطات أقول لكمـ سالفة أختي اللي أكبر مني

تخرجت وهي نفسها في تخصص لكن ماكان موجود

وراحت تبحث وقالت بتدخل علوم طبية مع إنها في داخلها مو حابته لكن تحبب نفسها وتقول مافيه شيء

أبوي كلمـ صاحبه يكلمـ أخته عشان يتوسطون إلى أختي وتدخل وللمعلومية هي نسبتها الموزونه في الثمانينات

على أيامها كان مو من النت

راحوا دخلتها على طول هذا اللي إستفادته بس

طلعت النتايج ماأخذوهـا بالرغم نسبتها كويسة +واسطة بعد لكن ماأخذوهـا

رضيـت بالوضـع وبعد كمـ أسبوع وإلا يفتحون التخصص اللي هي تبيه وتروح تسجل وأخذوهـا على طول الله عوضاهـ خير منه

لكن كان بفلوس

فالوالد ماقصر

وهم نظامـهم سنتين بفلوس وإن جبتي معدل تصيري على حسابهم وبمكافأة

والحين هي تخرجت وإشتغلت ولله الحمـد

العبرة من ذكر حادثة أختي عشان تشوفوا إذا الله مو رايد لا بواسطة ولا بدون لا نسبتكـ عالية ولا واطية ماراح تدخلي

وإن الله أراد راح تدرسي رغمـ الجميع

[حبيبة غدوره]

وليد المشاعر ..

نفهم من كلامك وردك أن نجلس في البيت يعني ..

لاتقول ادخلي انتساب او تعليم عن بعد .. واللي ماعنده مقدرة ع دفع الرسوم !!!

ولاتقول اعفاء لان الشروط ماانطبقت ..

يعني ايش الحل في رأيك ..

؟؟؟


وفهمت من كلامك انا عدم دخولنا من الجامعة ان النسب في السبعينات ..

طيب سوينا علينا في الثانوي وربنا عالم فينا وجبنا الدرجات

وعلى قولك التحصيلي يعتمد ع حصيلة الطالب ..

طيب والقدرات ؟؟؟

كتب ولا سؤال يجي من الكتب ولا نفس الطريقة حتى ..إذا مرة جاء سؤال ولا سؤالين ...

انا أشوف هذا كله تعجيزااات لنا ..

وفي كثييير من الجامعات لاتطلب هذه الطلبات التعجيزية ...

ولكن الحل الواحد هو الدعاء


والله يوفق الكل

ويرزقنا بفرحة القبووول ...............

[ǁ غــلأآإ ، رٍوٍحــي ǁ]

^^

من أول يوم وإنتو تسبوآ وتلعنوآ في الجآمعه عشان مانقبلتوآ وانا متآبعه كل رد ينكتب
واشوف كل الأنواع من الإعذار الوهميه اللي تعطوها لنفسكم
بالاضآفه للمقطع الصوتي للأخت اسمآء ..

معليه مررآ الكلآم مو منطقي ومآيدخل العقل ، السبب الرئيسي مو القدرات والتحصيلي أبدن
ورآهآآ اسسبآء ثانيه اكبر من كذآ ، وانتو ماتبغوآ تلتفتوآ لها ..

أدري ومتآكده 100% بعد ردي هذا رآح تجوآ وتقولوآ ( اللي يدو في النار مو زي اللي يدو في المويا )
او بتقولوآ ( انتو ماحآسين فينآ وانتو ضمنتوا مقعد بالجآمعه وعادي عندكم .... الخ )

رآح اشوف زي كذا كثيييير من الردود ..
بس حآبه اقلكم نبذه عن قصتي ، واقولها بكل فخر ، وماقلتها ابغى اتباهى فيها بس لأخذ العبره منها :)

محد قدي تعب واتهبذل في الجامعه من اول يوم تسجيل لحد الآن زيي
لان سنتنآ كانت دفعه التقلبآت .. ماكان في قرار ثابت
ابتداءا من نظآم المقررات و الغاء اختبارات وزاره و تحصيلي وقدرات ..
وكان القدرات مرره وحده يعني فرصه وحده فقط تحدد مصيرك بيوم وآآآآحد ،،
حبيت اقول هالنقطه للي يقول ( الاولاد احسن مننآ عندهم 4 فررص ) شوفوآ غيركم كآنت فرصه وحده تحدد حيآآتك ..
جآت كصفعه على وجهنآ كلنآ واحنا بنص الترم في سنه ثاني يعني بدون انذار مسبق


فكنت في ثآني ثانوي كنت اكثر انسانه مطنشه الدرآسه من كثر الضغط اللي شفته
ومع ذلك الحَمد لله كآنت نسبتي مرتفعه ( 96 ) < ولاتجوآ تقولوا يمكن مدرسه اهليه
او يتساهلوا بالدرجآآت .. بالعكس المدرسه كانت متششدده وبدون تاشير وبدون اي شئ
ومدرسسسسات زيرو لا شرح ولا معامله ..،

و سنه ثآلث صحيت من الغيبوبه اللي عشتها بثاني ، من كلآم اعز صديقه بحيآتي
واتفقنآ نشد حيلنآ عشان نكمل درآسه بعد الثآنوي والحمد لله ثالث رفع من نسبتي
بعد ما كل الناس قالوا مستحيل يترفع مع التررآآكممي ..
وبحكم ان بسنه ثاني لعبت ، طبيعي راح يكون التحصيلي عندي نآزل
< ومارميت شماعه الاعذار على التحصيلي لان ادري بغلطي ..

وكل ذآ ، كآنت موزونتي لا بأس بها ( 84.49 ) ووقف على سنتي ( 84.50 )
ماأتوقع هالشئ بيكون سهل على اي بنت لو انحطت فيه .. ورآح تقوموآ امه محمد
وبعد فتره يومين من القبول انقبلت ، والحمد لله .. < بس ترى ماوقفت على هالنقطه و بس

ثآني عقبه بعد القَبول كآنت : موضه الطَب
كنت اشوفه كتخصص مرره حلو وعمل انساني رائع ( مافي اثنين يختلفوا على هالنقطه )
ولكن للأسف ماكان من يقلي عليها .. وكنت مع هالموضه
لين جآء اليوم وايقنت ان الطِب مرره مو مجآلي اللي ابغآه ، ومو هذا الشئ اللي اطمح له
بسس وقتها كآن الوقت مرره غلط ، وماصحيت الا بالوقت الضايع
وأششيآآآء كثيييييييييير من التعب والبهذله بعد التحضيري وآجهتني
من سوء معامله العمآده لــ عدم وجود مصدر نسال عنه لــ تصريف


لين هالسسنه استقريت على حَل يرضيني ويرضي طموحِي
أتوقع سنتين لمن تضيع من عُمر اي شخص منكم مرره مو سهلة
وخاصه لمن تشوفوآ طالبات نفس دفعتكم على وجه تخررج

وبعد كل عقبه توآجهني كنت اروح اصلي ركعتين وأقول
( شُككككرآإ يآجآمعه الملك عبدالعزيز ، على منحني القَوه و النجآآح و الخبرًه )

لان عندي قنآآعه عمر الشخص ماينجح الا اذا كان عنده قبلها عقبات قويه
تخليه يتحدى نفسه قدآمهآآ ويصير اقوى من قبل ..

وَ مسلسل النجآح مع الجآمعه مانتهى عند هالحد ، الصعوبات اللي كانت بعد التحضيري
أقوى مليون مررره من هذي ، واعتذر اني ماأقدر اسردها ،
لإن هالسسر الوحيد اللي محد يعرفه غير ششخصين ..


اتوقع هذا اكبرر درس ممكن تتعلمووه من اللي جآي ،،

[~RAN~]

^
والله ياغلاوي مافي دفعه تعذبت وتعبت اكثر من دفعتكم

لكن الله المستعان =(

[بيوشي]

يووو غلا روحي انت شكلك نفس دفعتتتي ومن جد تعبت كثير وخصوصا بعد التحضيري ع ما وصلت للي انا فيه
والحمدلله
بجد مهما تعبتنا الجامعه الا انها من جد تعطينا قوة وارااااده وعزيمه
والحمدلله على كل حال
ومن جد يمكن مو خير لكم دخول الجامعة
عسى ان تكرهو شيئا وهو خير لكم
المجالات ان شاءالله مفتوحه
والجامعة تقبل حسب الاماكن الموجوده مو كذا تحط نسبه من عندها وتقول لهنا وبس لا
على حسب النسب اللي انتم تجيبوها واكيد فيه اولى منك يدخل وكل واحد ياخذ اللي يستاهله ونصيبه
اللي ربي ما كتب له ينقبل بالجامعه يدرس انتساب زي العالم الباقيه ويشد حيله ويرجع انتظام يمكن هذا يعطيكم دفعه للنجاح
بالتوفييق لكم يارب

[وليد المشاعر]

المشاركة الأصلية كتبت بواسطة حبيبة غدوره وليد المشاعر .. نفهم من كلامك وردك أن نجلس في البيت يعني .. لاتقول ادخلي انتساب او تعليم عن بعد .. واللي ماعنده مقدرة ع دفع الرسوم !!! ولاتقول اعفاء لان الشروط ماانطبقت .. يعني ايش الحل في رأيك .. ؟؟؟ وفهمت من كلامك انا عدم دخولنا من الجامعة ان النسب في السبعينات .. طيب سوينا علينا في الثانوي وربنا عالم فينا وجبنا الدرجات وعلى قولك التحصيلي يعتمد ع حصيلة الطالب .. طيب والقدرات ؟؟؟ كتب ولا سؤال يجي من الكتب ولا نفس الطريقة حتى ..إذا مرة جاء سؤال ولا سؤالين ... انا أشوف هذا كله تعجيزااات لنا .. وفي كثييير من الجامعات لاتطلب هذه الطلبات التعجيزية ... ولكن الحل الواحد هو الدعاء والله يوفق الكل ويرزقنا بفرحة القبووول ...............

سوي اللي عليكي انتي قدمتي على الجماعة
واذا لااا قدر الله ما انقبلتي
فهذا بسببك لان نسبتك متدنية
ولو الوزارة الغت التحصيلي والقدرات ورجعت الاختبارات الوزارية
انا متأكد راح يطلع ناس وتقول تعقيد وتعجيز
العبره في الاختبار التحصيلي
انو يقيسو الطالب هوا يستوعب اللي اخذه ولا يدخل يمين ويطلع شمال
العبره في اختبار القدرات من اسمه يقيس قدراتك ويقيس مدى الاستيعاب يعني والله مو مره تعقيد
بس شوية تركيز
كل شيء نصيب اختي
بس اذا بتلومي اي احد
فاول شيء لومي نفسك
الله يوفقك ويرزقك وغيرك الخير ويحققلكم امانيكم

[بيوشي]

انتو درستو وانتو عارفين النظام وانه فيه شي اسمه تحصيلي وشي اسمه قدرات
احسن مننا جربنا القدرات والتحصيلي وماكنا عارفين عنه شي احمدو ربكم
وبالنهايه كل شي نصيييب

[وليد المشاعر]

تعقيبا على كلام الاخت غلا روحي

على موضوع انو تضيع عليك سنه ولا سنتين

تراها ابدن مو سهلة بس ممكن انا في الاول زعلت عليهم انا ضاعت علي سنتين

في جامعة خاصة كمان يعني مصاريف وما الى اخره

زعلت

لكن لمن جلست بيني وبين نفسي وفكرت ايش تعلمتو من هالسنتين لقيت نفسي تعلمت من الحياه اكثر من اللي تعلمته

في الجامعة

وقلت الحمد لله سبحان الله كيف الخير يكون

والله تعلمت اشياء مستحيل والعلم عند الله طبعا لكن ما اتوقع كنت راح اتعلمها في مكان وزمان غير السنتين هاذي

وبالمكان اللي كنت فيه

انا الان راح ابدا من جديد لكن انا عارف انو نصيب وراضي فيه وبالعكس مبسوط ومتحمس

الله يوفق الجميع لمافيه الخير

[Banoota20007]

انا نسبتي الموزونة 77 ورسلت للعميد وللأسف مالقيت جواب منه :(

[ǁ غــلأآإ ، رٍوٍحــي ǁ]

أهلن أخوي وليَد ..

يب أكييد المعلومآت والخبره والإشياء اللي شفتهآ تعلمت منهآ
وزي مآيقولوآ ( الحيآآه مدرسسه ) .. هالكلمه عرفت معناها بكل تفاصيلها

وأنآآ ابدن مو متحسسره على السنين اللي ضآعت
لإن اعرف اني هالسنتين كآنت تمهيد لنجآحي القآآدم . ،،

وعندي رؤيه إن رآح تعلن قصتي مع قصص النآجحين امثآل ( نزار باهبري ) وغيرهم
< لاتسألوآ كيف اتكونت هالرؤيه ، بسس رآح تسمعوهآ قريب .. :$

وكلمممه أخيرررهـ ،، ترى مو كل من يقول ابغى طَب ، هو يحب الطب
البعض يقولها لان شكليآ هو شئ مرره مغري ،
ولكن لمن تتغلل فيه رآح تتعب لانك ماتعرف مضمونه زي الناس
لان الكثييير ينغر بالكليه ، ويقنع نفسه انها رغبه وهي العكس ..