ادعوا لي بالشفاء العاجل

[مشعل أبوتركي]

قدر الله وما شاء فعل
الكفر اللي تقول مريته الساعه 7 بالليل تقريبا
ومالله اراد أني ابعده عن الخط من العجله حركت من جده وماطفى موتري الا بحفرالباطن
الحمد لله على السلامه

[ابوثامر.]

الحمدالله على السلامه وماتشوف شر والله يعوضك خير

[اوطان]

الف الحمد لله على السلامه

وماتشوف شر والله يحفظ لك اميمتك وعيالك ويكسبك رضاهم

يا اخوان والله مشكله التريلات هذي مشكله كبيره اذا طاح منها شيء والله مادرو عنه

لو التيدر ينفصل الظاهر السائق مايدري ولا يحس فيه

مره جاي من المدينه المنورة لمكه حوالي الساعه 2 بالليل والله ماتصدقون وش لقيت طايح بالخط

والله لقيت مسمار البكلين اللي هو الدقاق في راس الذراع منجطل في وسط الخط

ثم وقفت وعكست الخط لين وصلته والله يا حنا 2 ياالله ياالله دفيناها ودحدرناه عن الخط

ووقتها كان حج والخط مليان باصات كانها مقطورة وراء بعض وربكك سلم الحمد لله

وقدامك العافيه وماتشوف شر مره ثانيه

[غازي الحارثي]

الحمد لله علي السلامه ....
والف مبروك النجاح.

[احساس ولهان]

حمدلله على السلامة والف مبروك على النجاح

[شباك الغروب]

الحمد لله على سلامتك

[العزيمه]

الحمد لله على السلامه الله يجعلها سلامه دائمه ومبروك نتيجه بحوث العمليات

[راع الوفاء]

المشاركة الأصلية كتبت بواسطة أبو طلال22 السلام عليكم ورحمة الله وبركاته وانا راجع يوم الخميس من جدة الى الرياض كان باقي على الرياض 260 او 280 كيلو قبل مخرج الرويضه قابلني كفر تريلة يسمونه ليات وانا مسرع كنت مشتااق حيل لامي وعيالي صار لي 20 يوم ماشفتهم المهم حاولت ابعد عن الكفر وصدمته مع الطرف واختل توازن السيارة واكلت ثلاث قلبات على الردمية والحمد لله نزلت من السيارة وسجدت سجود الشكر لله على اني قدرت انزل من السيارة طبعاً وقتها منلخم مدري ويني فيه اجتمعوا عندي شباب الله يجزاهم خير ماقصروا قالوا جب اغراضك المهمة قلت اهم شي الجوال والمحفظه ودورناها وبشق الانفس حصلناها وانا ادور الجوال والمحفظة لقيت الآلة الحاسبة واخذتها حطيتها في جيبي واتذكر بحوث العمليات واقول بنفسي حاملها حاملها مافيها نقاش ودوني لمستشفى الرويضه قالوا عطنا جوالك ومحفظتك واعطيتهم اللي في جيبي كله ومعها الالة ضحكوا اخوياي بعد ماجوني طلعت من مستشفى الرويضه وعلى طول لمستشفى الملك فهد وفحوصات كاملة والحمد لله سليم طلعوني بعد 7 ساعات تقريبا وقالوا يبيلي راحة جسمي كله كدمات والم بالظهر والارجل والحمد لله على كل حال بس انبه كل الشباب من كفرات التريلات وابشركم عديت بحوث العمليات 60 وكاني ماخذ 100

حمدالله على سلامتك ابو طلال ومبروك النجاح في بحوث العمليات ترى الدكتور ماصحح كل واحد جاه حظه ويارب يكون حظنا الجنة انا وانت والمسلمين اجمعين اللهم امييييييين

[عبدالله01]

لا حول ولا قوة الا بالله

الحمد لله عللى سلامتك اخوي وماتشوف شر ان شاء الله

اجر وعافيه ان شاء الله

واهم شئ سلامتك ورجوعك لاهلك وامك وعيالك سالم غانم اللهم لك الحمد

اما الحديد رح يتعوض ان شاء الله

ما تشوف شر ان شاء الله

[aaldyaf]

الحمد الله عالسلامة ما ترى بأس طهور ان شاء الله ,, و الله يجعلها تكفير ,, ويعوضك خير في سيارتك ,,
ولا تنس قول المصطفى صلى الله عليه وسلم ( من سلك طريقاً يلتمس فيه علماً سهل الله به طريقاً إلى الجنة )