طالب يعتدي بالضرب على عميد القبول والتسجيل بجامعة الملك عبدالعزيز ويفقده الوعي

[أبو فاتن]

المشاركة الأصلية كتبت بواسطة آمال وطموح شي لمسته في القصة إن الطالب جاي متحمس أصلا يبغى يجلد العميد مو جاي عشان المواد > أهم شي برد قلبه؟

هلابك اخت آمال

يعني الطالب جاي من الرياض 1200 كيلومتر ومن جامعة الملك سعود ومتعني بس عشان يجلد العميد ..!!


مستحيل بارك الله فيك

[emooo0]

[أبو فاتن]

المشاركة الأصلية كتبت بواسطة قانع بعد اذن صاحب الموضوع خلونا نعالج هذه التساؤلات بدلا من الخوض في كلام الظنون في اشخاص القضية المغيبين عن شاشاتنا ولا هم يقرون وش تكتبون عشان يتحفونا بحقائق الواقعة. ونسلم من غيبتهم. لذلك ارى طرح الأٍسباب وطرق المعالجة كما يرغبه صاحب الموضوع تحياتي اليك اخ ابو فاتن

يا هلا وألف غلا أخوي قانع

يعلم الله شرفني مرورك وأسعدني حضورك بارك الله فيك


والموضوع موضوعك وتمون ربي يحفظك


أشكرك على مشاركتك الغالية والتنويه الجميل اللي فعلاً وأنا أخوك هو الغرض الأساسي للموضوع

وما ذكرته هو مانبحث عنه .. الأسباب .. وطرق المعالجة




شاكر ومقدر وممتن لك أخوي قانع .. صاحب الذوق الرفيع

[mesho.ksa]

يعني الطالب جاي من الرياض 1200 كيلو متر ومن جامعة الملك سعود ومتعني بس عشان يجلد العميد ..!!

معليش الله يحفظك الرياض - جدة 1000 كيلو او يمكن 900 وكسور


وبالنسبة للخبر ليه سآكتين عنه طول هـ الفترة والحين طرحوه مع بدآية التسجيل بالجامعة؟


وينهم من بداية ماصارت الحادثة؟



وبكل الاحوال ماله حق يمد يده على العميد حتى لو عامله بسوء آدب يآخي رآعي فروق السن والاوضاع


يعني انت بدال ماتكحلها عميتهآ آلآ طمست عيونها


الحين وش استفاد يوم تحول للتحقيق والمشآكل والبلآوي ذي


واكيد العميد مارح يتنآزل عن حقه لآنه معتدى عليه واهانه قدام الموجودين بالعمادة


يآخي ولو كان ظآلمك روح اشتكي عليه رآجع المدير بنفسه ماحد رآدك لكن لآتمد يدك وتوصل الموضوع موآصيل خآطئة


صحيح مآحد يرضى بالظلم لكن التصرف مآيكون بشكل خآطئ زي كذآ




موفق آخوي آبو فآتن

[أبو فاتن]

المشاركة الأصلية كتبت بواسطة brilliant shores . بعض الأششخاص ربطوا ردة الفعل بالأخــلاق ..ما اختلفنا لكن لازاد الأمر عن حــده لدرجة إنك تحسس بخنقة من القهر اللي انت فيه وقتها ممكن مو بس تضرب اللي قدامك ممكن يموت في يـــدك من الكبــــت ...~ على سسبيل المثــــال : ششخص في ترم التخرج نجح في كل المواد وقام بواجبه على أكمل وجه يفاجأ برسسسوبه في مادة وحـــدة ويجي بأدب يكلم دكتور المادة وبكل تكبر ورفعــــة خششم ~> عساه الكسسر يقول له ما أعدّيك لو ايش ..!! قههههههههر لأبعد حد يكسسسر فرحة الطالب ليه سارق ماله ولا قاتل احد من أهله حتى يتكي له بهالششكل ..؟؟ ~> هالنوع يسستاهل التكفيخ بإحتراف اعتــــــذر عن العودة للموضوع .. ششكراً لك أسستاذي ..~ ..

هلابك اختي الكريمة

فعلاً كلامك صحيح لأنه بالأخير إنما هي تفاعلات نفسية في الإنسان أحياناً تكون خارجة عن السيطرة لضغوط معينة لذلك يجب على الشخص المسؤول أن يدرك كيفية التعامل ويجب أن يكون ملم بها بشكل جيد لكي يكون إنسان ناجح فيما يقوم به من عمل ( طبعاً هالكلام غير مطبق عندنا كعرب لأن الكثير منا في مجتمعاتنا يغفلون عن أهمية مثل هذا النوع من الثقافة ويستحقرونها عملياً .. يعني بالعربي ماعندك أحد )


لكن لي ملاحظة أختي بارك الله فيك بخصوص مثالك حق الطالب والدكتور اللي استشهدتي فيه

فإذا كانت نفس القصة اللي أعرفها وحصلت بين البروفسور نبيل مرسي وأحد الطلاب

فـ إسمحلي لي أقولك من باب قول الحق والإنصاف إن البروفسور نبيل معروف بأخلاقة وأدبه وتعاونه مع الطلاب وماغلط ومن حقه ماينجح الطالب ولكن الحق كان على الطلاب نفسه والا فيه أحد يعمل نسخ ولصق ويحاول يضحك على شخص عملي ودقيق ومنصف مثل البروفسور نبيل !! وبعدين يجي يدعي عليه ويشهر فيه ..!! أكيد مو معقول

وإن كانت غير هالقصة فأنا أعتذر منك

[مجبور اوادعها]

المشاركة الأصلية كتبت بواسطة أبو فاتن هلابك اخوي مجبور مرة اخرى حلووووووة أعزل عاد أنت شايف الطالب جاي بساطور ..!! هي كلها كم لكمة خطافية ومشى حالها هههههه ماعلينا .. المهم في الموضوع الله يسلمك إني ماقلت إن الطالب له الحق ولا كان موضوع هالهوشة يهمني وبشخصنه بين إثنين متضاربين لا والله مع العلم أحياناً يكون هناك الحق في بعض الأمور لأنها بتكون خارج السيطرة خصوصاً إذا كان الموضوع مو هين والله سواء قدام أمير والا خفير ماتنهان كرامتي وأنا أقف مثل البومة ( طبعاً منظور الكرامة يختلف من شخص لآخر ولكل شخص الحق في الدفاع عن منظور كرامته بما يراه لأنه بالأخير لن يصح إلا الصحيح في حال تم التحقق من أي قضية وسيعاقب المخطئ ) أنا بذكر لك وللجميع قصة حصلت في الصف اللي أمامي في أحد الإختبارات في الجامعة ويشهد الله العلي العظيم وراح أكون محاسب على كل كلمة أمام الله إن أنا كذبت أو أختلقت أو تجنيت وأترك لك الحكم وش الحق اللي يعطي المراقب المسؤول في القاعة سواء مراقب أو دكتور أو حتى وزير التعلم بنفسه أن يتطاول على طالبين بكلام يمس شرفهم ( وكان الكلام كبير ) بس لأنهم حاولوا يغشون ..!!! ( يا أخي خذ أوراقهم وطلعهم برا بالنظام وأنت محترم وساكت ) لدرجة إني تكلمت في القاعة بصوت عالي وقلت للطالبين شهدوا عليه وارفعوا عليه دعوى وأنا أول واحد يشهد ( وأي شخص كان بنفس القاعة الترم قبل الماضي يذكر هالشي ) ولكن الطلاب للأسف أرتضوا على انفسهم الكلام المشين وسكتوا .. في هالحالة أنا ما أسميه حلم أسميه ضعف وقلة رجولة لأنه أحيانا يا أخ مجبور التصرفات تكون خارجة عن الإرادة خاصة فيما يستحق أنا ما أشجع على العنف ولا أقره خصوصاً إني شخص أحترم النظام جداً وأسأل عني موبايلي وجرير مؤخراً وغيرهم وغيرهم في الآخير اخوي بارك الله فيك اللي نسعى له من خلال هالطرح هو إصال رسالة لكلا الطرفين بتحسين العلاقة وحكمة التصرف وحسن الخلق ورقي الفكر ومعرفة التعامل مع كافة شرائح الأنماط الفكرية .. للأسف العلاقة الأخلاقية من كلا الطرفين أصبحت في تدهور مستمر خصوصاً في صروح يجب أن تكون هي المنشأ والمورد والمصدر الرئيس المهتم بمخرجات التنمية الأخلاقية تحياتي مجبور

ههههههههههههههههههههههههه يا عمو اب فاتن ( نسيتها ذي )

بعض الناس ما شاء الله تجيك يده ابرك من الساطور واشد فتكا

والدليل يقول لك انه هبد الدكتور بضربة واحدة والا والدكتور متوسد الارض

<< ابو كلاي ما سواها

+

حسب التصاريح يلي امامنا والاقوال فإن اللوم يقع على الطالب جملةً وتفصيلا

واحس انكم تحملوا العميد المسؤولية وانه هو الغلطان وانه يستاهل ما جاهـ !!

عاد اذا كان هناك سوء تعامل من العميد فلنا كلام اخر لكن التصاريح تبين خطأ الطالب من رأسه وحتى اخمص قدميه

+

القصة التي ذكرت معاك حق فيها

وحتى تصرفك كان حضاري وما طلبت منهم ان يهبدوه ويكفخوه

وطلبت منهم التصرف بعقلانيه وحكمه وان يرفعوزا عليه قضيه

<< لا زلنا نريد معرفة اي تشتغل لان كل ما صارت هوشة ولا قلنا شي قلت ارفعوا قضية


الوكاد

ان تصرف خوينا الطالب ليس فيه من العقلانية شيء وانما هو للهمجية وعيال الشوارع اقرب

و




جمعنا الله واياك في جنات النعيم يا عمو ابا فاتن

وفتك بالعافيــــة

[L.H]

أصلا أغلب الشباب مايعرفون يتعاملون الا بعضلاتهم
أجل طالب جامعي ماعنده ( مخ ) يفكر قبل مايتصرف
طيب الجاهل كيف يتصرف إذا المتعلم يستخدم أسلوب الضرب
والتصرفات الهمجيه
ما قول ألا أصحاب العقول في راحه

[أبو فاتن]

المشاركة الأصلية كتبت بواسطة mesho.ksa معليش الله يحفظك الرياض - جدة 1000 كيلو او يمكن 900 وكسور طيب زاد 100 نقص 50 وين المشكلة فيه ..! وبالنسبة للخبر ليه سآكتين عنه طول هـ الفترة والحين طرحوه مع بدآية التسجيل بالجامعة؟ وينهم من بداية ماصارت الحادثة؟ طيب وين المشكلة سواء طُرح أول المشكلة أو الحين طالما هي واقعة وقعت .. وليه خايفين ( بعدين ما أحد يدري يمكن كانوا مكتمين على الموضوع والله فضحهم ) بعدين أنا مستغرب منك أخوي ومن امتعاض الجامعة من طرح الموضوع وربطة بفترة التسجيل ذكرتوني بخوف الشركات الربحية والمساهمة من تسريب أخبار قبل إعلان نتائجها السنوية وبكل الاحوال ماله حق يمد يده على العميد حتى لو عامله بسوء آدب يآخي رآعي فروق السن والاوضاع يعني انت بدال ماتكحلها عميتهآ آلآ طمست عيونها الحين وش استفاد يوم تحول للتحقيق والمشآكل والبلآوي ذي واكيد العميد مارح يتنآزل عن حقه لآنه معتدى عليه واهانه قدام الموجودين بالعمادة يآخي ولو كان ظآلمك روح اشتكي عليه رآجع المدير بنفسه ماحد رآدك لكن لآتمد يدك وتوصل الموضوع موآصيل خآطئة صحيح مآحد يرضى بالظلم لكن التصرف مآيكون بشكل خآطئ زي كذآ أتفق معك في جميع ماذكرت من إتخاذ الخطوات القانونية والعقلانية وأختلف معاك في نقطة فرق العمر والأوضاع لأن هالأمور ماتعطي الحق للغير في التجاوز على الآخرين موفق آخوي آبو فآتن

الله يوفقنا وأياك أخوي


وشاكر مرورك

[متخرجة مع مرتبة الشرف..]

الله يهديه العنف ماهو حل للمشاكل
مشكورين على الموضوع

[أبو فاتن]

المشاركة الأصلية كتبت بواسطة مجبور اوادعها ههههههههههههههههههههههههه يا عمو اب فاتن ( نسيتها ذي ) لا مانسيتها ياجدووووو مجبور بعض الناس ما شاء الله تجيك يده ابرك من الساطور واشد فتكا والدليل يقول لك انه هبد الدكتور بضربة واحدة والا والدكتور متوسد الارض << ابو كلاي ما سواها حلوة أبو كلاي هههههههههههههههههههههههههههههههههه حسب التصاريح يلي امامنا والاقوال فإن اللوم يقع على الطالب جملةً وتفصيلا قولي عمرك سمعت تصريح واحد أو بيان صدر بحق مواطن ضد أي جهة مسؤولة أتحداك دائماً مايقع اللوم على الجهة الأضعف ومن لاناصر له إلا الله ( لا أتحدث عن هذة الواقعة فقط فالشواهد كثيرة ) سيد مجبور صحصح وعيش الواقع وأنظر من حولك جيداً لترى الحياة بمنظورها الواقعي والحقيقي حتى وإن ساءت الصورة فتقبلها فأنت مجبور لتقبلها واحس انكم تحملوا العميد المسؤولية وانه هو الغلطان وانه يستاهل ما جاهـ !! اكيد .. لأنه أفتقد الأسلوب الأمثل لإقناع الطالب وأوصله لهذه الحال فكان الأجدر به أن يكون قدوة وأن يطبق مايتم تعليمه للطلاب ومايناشدون ويُنظّرون به من حسن الخلق وكيفية التعمل والتواصل برجاحة عقل من جميع الأنماط الفكرية .. كان يجب عليه كمسؤول متعلم كما يدعي أن يمتص غضب الطالب ويعرف كيف يحتظنه ويتعامل معه حتى وإن كان هذا الطالب غطلان أوليس المعلم مربي ومؤدب ويقوم بدور الأب لأبنائه الطلاب ( وإن كنت أجزم ومتأكد بأن العميد هو من أوصل هذا الطالب لهذا الفعل لأي سبب من الأسباب ) عاد اذا كان هناك سوء تعامل من العميد فلنا كلام اخر لكن التصاريح تبين خطأ الطالب من رأسه وحتى اخمص قدميه تتكلم أخي مجبور وكأنك لاتعلم عن مدى الإستحقار والتعالي والظلم الذي يعانية الطلاب خصوصاً في المستويات الجامعية ..!!! وبالنسبة للتصاريح فقد أجبت عليها مسبقاً .. دائماً مايود ويسعى ويدلس ويقاتل المسؤول أو الجهة المسؤول للظهور بمنظار الحق والعدل والإنصاف قي نظر العامة خصوصاً في حال ظهور أي مشكلة للرأي العالم القصة التي ذكرت معاك حق فيها وحتى تصرفك كان حضاري وما طلبت منهم ان يهبدوه ويكفخوه وطلبت منهم التصرف بعقلانيه وحكمه وان يرفعوزا عليه قضيه هنا تختلف النظرة من شخص لشخص في التعامل مع مشاكلة وكيفية آخذ الحقوق والدفاع عن مقدراته الإنسانية والحقوقية .. ولكن نتفق جميعاً على أن كل شخص يقوم بعمل معين سواء كان قانونياً أو همجياً كما وصفتم هذا الطالب بأن هذه طريقته المثلى في الحفاظ على مقدراته لأسبابه الخاصة فإن كان ظالماً سيعاقب وإن كان مظلوماً فقد أخذ حقه وإن كان سيدفع الثمن ولكن سيدفعه وهو على الأقل يرى بأنه إنتصف لكرمته ( كلامي هذا ينطبق حتى على المجرمين المخطئين عند قيامهم بإرتكاب جرائمهم فما أن يفعلون فعلتهم إلا وقد أحسوا بالرضا الكامل نفسياً وبدنياً لذلك كان هناك قاتل وضحية ) << لا زلنا نريد معرفة اي تشتغل لان كل ما صارت هوشة ولا قلنا شي قلت ارفعوا قضية هههههههههههههههه أشتغل كل شي فعلاً أخوي مجبور بجد الناس في مجتمعنا إلا الآن ماهي عارفه حقوقها وهذا اللي يخليني عند أي شي أقول إرفع قضية لأنه ضروري الناس تعمل على تثقيف أنفسها بكيفية الحفاظ على حقوقها وعدم السكوت أو التهاون في إحقاق حق مستحق .. لأنه بصراحة هذا التهاون هو من أضاع الحقوق لكثير من الأجيال السابقة عندما الوكاد ان تصرف خوينا الطالب ليس فيه من العقلانية شيء وانما هو للهمجية وعيال الشوارع اقرب و جمعنا الله واياك في جنات النعيم يا عمو ابا فاتن وفتك بالعافيــــة

أما بالنسبة للوكاد اللي أنت أطلعت عليه صفت التأكيد بأن هذا الطالب ولد شوارع فــ إسمحلي لي أرد عليك أخوي مجبور مثل مارديت على أحد الأخوات اللي قالت نفس الوصف

بطرح عليك هذا السؤال ويعلم الله ما أقصد فيه شي إلا أن عشان تراجع نفسك وهل ترتضي بأن يقال عنك مثل ماقلت أو لا


تخيل أخوي مجبور إنك كنت مكان هذا الطالب وقاعد تتكلم مع العميد بحق من حقوقك وشوي يطمر بحلق هالعميد أو غيره بكلمة مال أمها داعي مثال مثال إن يقول لك : خلاص إطلع برا يا ...... ( وتكون هذي الكلمة بذيئة جداً جداً ) وش بتكون ردة فعلك ؟
بتاكلها وتسكت وتقول أبشر ياطويل العمر وتعطيه ظهرك وتطلع ..؟
عطنا ردك عشان نعرف شخصيتك

عني أنا بقولك ردة فعلي وأنا اللي أعرف شلون آخذ حقي بالنظام وغير النظام .. قسم بالله لو قال لي كلمة بذيئة إني لغير أخليه .... بترفع عن قول بعض الكلام ههههههههههههههه

عشان كذا تقدر تحط بذمتك وتحلف إن هالطالب فعلاً تربية شوارع ؟
وتقدر تحط هالعميد أو أي مسؤول بذمتك وتحمل وزره إنه ماغلط ولا قال شي كبير إستوجب ردة هالفعل ؟



أعتذر منك ومن الجميع على الإطالة أخوي مجبور ولكن اعجابي بردوك هو من يجبر أحرفي


شاكر لك ومقدر