الأسئلة والاستفسارات عن كلية طب الأسنان ..

[مَـزٍآج ..}..]

المشاركة الأصلية كتبت بواسطة all_femi_9 بسم الله الرحمن الرحيم السلام عليكم لو سمحتو ابا استفسر عن الخطة الدراسية تبعنا انا مكتوب عندي في الجدول مسلن مادة اسمها فيزيا طبية ومواد عربي وثقافة فأنا ابا اعرف هل اقدر اخد هادي المواد ""عربي وثقافة"" في الصيفي الجاي طبعن والغيها من جدولي وكدا ولا لازم اخدها في نفس الترم لاني احسها تسبب ضغط في خضم هادي المواد الاسنانية الكتيرة واتمنى تردو عليا في اقرب وقت واتمنى تفيدونا في مسألة دورة المصطلحات الطبية الي حتقام للبنات بموعدها ورسومها وطريقة التسجيل والموقع وعن مدى اهميتها لطالبات طب الاسنان وجزاكم ربنا كل الخير

ياليت تكتبي الماده فيزيا طبية بالانقلش لاني ما عرفتها

وبالنسبه للعربي والثقافه . . يب تقدري تاخديها في الصيفي

وهوا اريح بكتير لو في الصيفي . . وتقدري برضو تمشي ع الخطه

وهيا مستوين عربي واربعه مستويآت ثقافه اسلاميه

بالنسبه للدوره اسالي عند البشري لانهم هما الي منظمينها .. !!

[all_femi_9]

المشاركة الأصلية كتبت بواسطة مَـزٍآج ..}.. ياليت تكتبي الماده فيزيا طبية بالانقلش لاني ما عرفتها وبالنسبه للعربي والثقافه . . يب تقدري تاخديها في الصيفي وهوا اريح بكتير لو في الصيفي . . وتقدري برضو تمشي ع الخطه وهيا مستوين عربي واربعه مستويآت ثقافه اسلاميه بالنسبه للدوره اسالي عند البشري لانهم هما الي منظمينها .. !!

في هادي المادة medical physics

ودي medical chemistry

وفي مواد برضو موجودة في الخطة واحنا اساسن درسناها زي

دي general biology و الحاسب والانقلش مني فاهمة لي حاطينها في الجدول

وبالنسبة لاني اخد المواد في الصيفي

متى يعني المفروض اني اقرر اخدها في الصيفي وانزلها في الجدول الصيفي بداية الدراسة

مسلن اول يوم ولا متى

وداينفع للبنات كمان ولا لا

ومررا جزاك ربنا كل الخير دكتور مزاج

وسوري ازا كنت طولت عليك

[* رولا *]

المشاركة الأصلية كتبت بواسطة all_femi_9 في هادي المادة medical physics ودي medical chemistry وفي مواد برضو موجودة في الخطة واحنا اساسن درسناها زي دي general biology و الحاسب والانقلش مني فاهمة لي حاطينها في الجدول وبالنسبة لاني اخد المواد في الصيفي متى يعني المفروض اني اقرر اخدها في الصيفي وانزلها في الجدول الصيفي بداية الدراسة مسلن اول يوم ولا متى وداينفع للبنات كمان ولا لا ومررا جزاك ربنا كل الخير دكتور مزاج وسوري ازا كنت طولت عليك

الموجود في الأودس هي الخطة القديمة قبل التحضيري
ودا الموضوع فيه نبذة عن مواد سنة ثانية
http://www.skaau.com/vb/showthread.php?t=94958

[goodone]

المشاركة الأصلية كتبت بواسطة PuRpLe_BoXeR دكتور قود انا اللي مسويه انو في كتابين دكتورة نانوك منزلتهم في موضوعها عن المصطلحات الطبية يعني لمن اكون فاضي اقرا فيهم صح انو شويا ملخبط بس اسمني قاعد احاول افهم عشان السمستر الجي ما اتعب كتير من ناحية المصطلحات إن شاء الله كمانا تستفيد منها لانها منجد مفيدة

المصطلحات الطبية حركز في اهمها وهي الملخصات اللي انت ذكرتها ، صح انه غير مفهوم بالكامل (واعتقد انه شيء طبيعي بحكم اننا ماتعودنا عليه) لكن قراءته ومحاولة حفظه قبل الدراسة تعتبر انجاز ، وبكذا حيخفف علينا التعب اللي حنواجه في بداية دراستنا .


يعطيك العافية يا دكتور PuRpLe_BoXeR ، وأسأل الله ان يوفقنا ويكتب لنا الخير ونكون سبب في تغيير هذا العالم الى الافضل .

[PuRpLe_BoXeR]

المشاركة الأصلية كتبت بواسطة goodone المصطلحات الطبية حركز في اهمها وهي الملخصات اللي انت ذكرتها ، صح انه غير مفهوم بالكامل (واعتقد انه شيء طبيعي بحكم اننا ماتعودنا عليه) لكن قراءته ومحاولة حفظه قبل الدراسة تعتبر انجاز ، وبكذا حيخفف علينا التعب اللي حنواجه في بداية دراستنا . يعطيك العافية يا دكتور purple_boxer ، وأسأل الله ان يوفقنا ويكتب لنا الخير ونكون سبب في تغيير هذا العالم الى الافضل .

الله يعافيك دكتور قود وكدا نشوفك استشاري اسنان كبييير قد الدنيا
وبازن الرحمن متفائل انو دفعتنا حيوقفو مع بعض ويساعدو بعض
عشان يخف علينا التعب وكمية المنهج وربنا يعيننا إن شاء الله

[goodone]

المشاركة الأصلية كتبت بواسطة purple_boxer الله يعافيك دكتور قود وكدا نشوفك استشاري اسنان كبييير قد الدنيا وبازن الرحمن متفائل انو دفعتنا حيوقفو مع بعض ويساعدو بعض عشان يخف علينا التعب وكمية المنهج وربنا يعيننا إن شاء الله

روح التعاون والمساندة لازم تكون حاضرة في دفعتنا ، وانا متفائل مثلك .

الله يوفقك ويوفق دفعتنا الذين سيكونون بإذن الله أصدقاء لنا .

[ABU-BAKER]

Glamor Mada أشكر من كل قلبي واعتذر عن سوء الفهم

هوا في سنه تحضيريه خاصه في الطب ..؟
ولا سنه تحضيريه عاامة ..

[* رولا *]

المشاركة الأصلية كتبت بواسطة abu-baker هوا في سنه تحضيريه خاصه في الطب ..؟ ولا سنه تحضيريه عاامة ..

سنة تحضيرية عامة

[محمد عماد]

اولا مبروك للجميع القبول في كلية طب الأسنان

عندي اسئلة بسيطة ..

نظام الدراسة في كلية الطب البشري هو فترات دراسية تسمى بلوكات .. مدة البلوك من 3 الى 12 اسبوع .. في كل بلوك ندرس نظام ( system ) معين

هل انتم ماشين على نفس النظام ؟؟
اذا لا .. ياليت تذكرو نظامك

السؤال الثاني :
الطالب الي يتخرج من كلية طب الأسنان ..
ايش المسمى له بعد التخرج ؟؟ هل يسمى طبيب عام ؟؟
وهل يحتاج انو يتخصص .. ولا يتوظف مباشرة بعد التخرج
وايش هي التخصصات المتاحة امامه

وجزاكم الله خيرا

بالـــتــوفـــيـــق

[~RAN~]

المشاركة الأصلية كتبت بواسطة ريال سعودي اولا مبروك للجميع القبول في كلية طب الأسنان الله يبارك فيك يارب عندي اسئلة بسيطة .. نظام الدراسة في كلية الطب البشري هو فترات دراسية تسمى بلوكات .. مدة البلوك من 3 الى 12 اسبوع .. في كل بلوك ندرس نظام ( system ) معين هل انتم ماشين على نفس النظام ؟؟ لالا اذا لا .. ياليت تذكرو نظامك احنا نظامنا انه طول السنه ندرس ماده ونختبر نهاية السنه في الكتاب كله مو زي البشري مثلا ياخذو الجهاز الهضمي يدرسو كل شئ فيه ويختبرو ولا عاد يرجعوا له لا احنا ندرس طول السنه وفي الاخير نختبر في كل الي درسناه السؤال الثاني : الطالب الي يتخرج من كلية طب الأسنان .. ايش المسمى له بعد التخرج ؟؟ هل يسمى طبيب عام ؟؟ وهل يحتاج انو يتخصص .. ولا يتوظف مباشرة بعد التخرج وايش هي التخصصات المتاحة امامه ايوه يتخرج طبيب عام بعدين يتخصص في التخصصات المتاحه وممكن يتوظف بدون مايتخصص بالنسبه للتخصصات تلقاها هنا في هذا الرابط http://www.skaau.com/vb/showthread.php?t=238371 وجزاكم الله خيرا بالـــتــوفـــيـــق

موفق د. محمــــــــــــد هذا الي فهمته من كلام المشرفة والاعضاء وان شاء الله يجي احد ثاني ويوضح زياده =)