قـــــــــروب طــــآلــــبـــآت ادآرة أعـــمــــآل الــمسـتوى السـآبع ومـآفـــوق 2012

[BesO]

المشاركة الأصلية كتبت بواسطة خوخه فيها دوخه بنات تكفوووون ابي ماده اختياريه تعبتوانا ادور مليت وهالترم تخرج ان شاء الله ابغا ماده سهللله ومن ملخص غير علوم سياسيه ونظام سعودي مره ماحبيتها ::(

حقيقه حقيقه انا ماناسبني ندمت اني اخدتها اختياريه هيا الماده مو مره صعبه بس المشكله النظريات مسمياتها قريبه من بعض وشويه تلخبط تركزي وتفرقي بينها سهله بس هوا مشكلتوا يحب يلف ويدور السؤال يجيكي مرتين مره اختياري ومره صح وخطاء يلخبط حبتين اما المقالي مو صعب سؤالين تعريف والتاني موفاكره
غير كده مااعرف مااخدت الاعلوم سياسيه وقياده وابتكار بس دحين بفكر في نظام سياسي سعودي

[فلتوكا]

بنات ممكن مساعده ^_^
هادي موادي واحسها مرا تقيله والموشكله عندي تعارض مع المواد لانو الشعب محدوده :(


ادارة اعمال في ثقافات متعدده
ادارة اعمال بالانجليزي
ادارة استراتيجيه
ثقافه3
استثمار
وابى اضيف ماده حره ويكون لها حضور احتاج مساعده يا بنات


شايفين المواد متناسقه لرفع المعدل ؟؟؟؟ ولا كولها دسمه

[BesO]

المشاركة الأصلية كتبت بواسطة فلتوكا بنات ممكن مساعده ^_^ هادي موادي واحسها مرا تقيله والموشكله عندي تعارض مع المواد لانو الشعب محدوده :( ادارة اعمال في ثقافات متعدده معاكي ده الترم في دي الماده مع فهد العيتاني ادارة اعمال بالانجليزي اخدتها من زمان سهله لو في شهيناز بخاري خديها معاها حتت سكره ادارة استراتيجيه ياساتر دسمه الماده كتيره بس قسيميها وذكريها من بدري ثقافه3 سهل طبعا استثمار عمليه بسيطه وسهله وابى اضيف ماده حره ويكون لها حضور احتاج مساعده يا بنات امممم مدري انا اخدت الترم الا راح علاقات عامه مع خديجه الحربي كانت حضور وسهله دحين مدري مع مين واذا حضور ولا سنترا شايفين المواد متناسقه لرفع المعدل ؟؟؟؟ ولا كولها دسمه

حلووجدولك متوازن الله يسهلك وترفعي المعدل لأعلى شي

[فلتوكا]

^^^^^^

يسعدك ربي يا Besoo

الموشكله ادارة علاقات عامه نازله دا الترم مع سناء باناجه والبنات ما يمدحوها ابداااااااا

عندك فكره تانيه عن ماده حره ؟؟؟؟؟


كويس انتي معايا مع فهد العتياني مرا البنات يمدحووووه ومشالله شعبتو قفلت

[BesO]

^^^^^^
ويسعدك يارب
لا مااعرف ماده حره تانيه بس سمعت البنات هنا يقولوا مشروعات عامه بس مااعرف ايش رمزها ولا نازله مع مين ولا عن ايه تتكلم الماده؟؟
بستنا اشوف انا محتاره بين حره ولا اختياريه
فهد العيتاني يب البنات والشباب الكل يمدحه ان شاء الله نتوفق معاه
الله يكتبلنا الطيب

[*flower*]

بنات ماني عارفه دِي المواد بس رموزها bus/311-335-416-436-437
pad/101-201-341
ps/101
بليز الي تعرف توضح لي لاني حابه احذف النظم واخدو الترم الجاي وانزل وحده من المواد الي ماني عارفتها لأني خايفة ع المعدل ينزل ..

[سهاام الليل]

المشاركة الأصلية كتبت بواسطة gardenia عبق الورد سهآم الليل رقي الأحآسيس جودي الأنس سبأ دآنه رجب Mona ALHarbi تمتم حبيبــــــــــآتي والله إنـي عآجزه عن شكركم ووقفتكم معآيا من جد حسيتكم أخوآتي ربي مآيحرمني منكم ولآيحرمكم الأجـر يآعزيزآتي ماحسيت أبدآ إني لوحدي :) إحتويتوني وخففتو عني زي أخوآتي وأكتر والله :) الله يسعدكم ويوفقكم ويسهل أموركم ويفرج على كل وحده خففت عني وحاولت تفرج عني ولو بكلمه.. وعمري مارح أنسآلكم وقفتكم بجنبي ودعمكم المعنوي اللي رافقني وأعطآني القوه والثقه بعد ثقتي بالله عز وجل أنا الحمدلله رحت اليوم الجآمعه وكلمت أستاذه عبير المسئوله عن الإختبار البديل وإستغرَبَت جدآ لمآ قلتلها إنه عذري ماإنقبل وسألتني عن رقمي الجامعي وإتضح إن عذري مقبول لكن إسمي مانزل! وقآلتلي تعالي إختبري عآاااادي .. قولتلها طيب وإسمي مارح ينزل ؟؟ قالتلي لا مو ضروري ينزل بس أهم شي انك تجي تختبري .. وسألتها طيب الــ DN رح تتغير وتصير AT قالتلي أكيد إنشآلله اللهم لك الحمد كمآينبغي لجلآل وجهك وعظيم سلطآنك أشكركم كلكم حبيبآتي على نصآئحكم الحلوه وقلوبكم الطيبه وروحكم الحلوه Mona ألف شكر ياعزيزتي على الرسآله الحلوه اللي أثلجت صدري وبعثت الرآحه والطمأنينه في قلبي الله يسهل علي الإختبآر ويسهل أموركم جميعآ يـــــآرب

قاردينيا والله مرررررررررررة فرحتلك كنت واثقة في ربي انك مادام انك توكلتي عليه ووثقتي فيه ماحيضيعك سبحانك ربي ما اعظمك
قاردينيا اسال الله العظيم انك تفرحي بa+ يااااااااااااارب
وهذا واجبنا ولو وكل وحدة معرضة انه يحصلها بالضبط نفس اللي حصلك في لحظتها ماتبغى غير دعوة وكلمة تساعدها وتهديها
والله يوفقك ياااااااااااارب

[سهاام الليل]

المشاركة الأصلية كتبت بواسطة حنين الفجر بنااااااااااااااات اش هيا اسهل مواد اختيارية وحرة انا قولت اخذ الترم دا بحوث عمليات مع مين اخذها .............. و مقرر حر ............. مع مين .......... و مقرر اختياري ............. و ادارة اعمال دولية بالانجليزي طبعا مع شاهيناز و ياريت لو كانت رنا افضل و ادارة استراتيجية في البيئة العالمية ياريت تفيدوني

[/quote][/QUOTE]

بحوث مع امل تركستاني
انجليش رانا مررررررررررررة اسعدتنا الترم الماضي الله يسعدها
امممبس هذا اللي اعرفه

[سهاام الليل]

المشاركة الأصلية كتبت بواسطة rubi اهلين سبا الله يعينك ويبعد الحوسة عنك انا حولت لجامعة تانية خلاص وودعت عزوز بس دا القسم واللي فيه وحشوني جيت اسلم عليكم واقلكم ربنا يوفقكم ويبعد عنكم الدرجات الواطية

وربي صدممممممممة متى حولتي
بس عارفة اكيد انك استخرتي
الله يوفقك يااااارب وييسرلك وتنبسطي بدراستك هناااك ياااااااااارب

[عبق الورد~]

المشاركة الأصلية كتبت بواسطة *flower* بنات ماني عارفه دِي المواد بس رموزها bus/311-335-416-436-437 pad/101-201-341 ps/101 بليز الي تعرف توضح لي لاني حابه احذف النظم واخدو الترم الجاي وانزل وحده من المواد الي ماني عارفتها لأني خايفة ع المعدل ينزل ..

bus-311....سلوك مستهلك
bus-335....تخطيط وتنمية الموارد البشرية
bus-416....ادارة المبيعات
bus-436....التطوير التنظيمي
bus-437....القيادة وإدارة الإبتكار

ps-101.....مبادئ علوم سياسيه
pad-101...مبادىء الادارة العامة
pad-201...اخلاقيات العمل
pad-341...إدارة محلية