بدء التسجيل في برامج البكالوريوس انتظام

[@اليتييمة@]

طيب ما عندنا استديو نسائي وظروفي صعبه ماقدر اروح اتصور
عادي البس حجاب واتصور بجوالي؟؟؟؟ وقولولي طريقه تصغير
شكلي بتصور بجوالي وصغرها وحطها اهم شي مايروح علي التاكيد

[nsetk]

^
لازم الخلفية بيضا والمقاس 4*6
جربي بكره تروحي من بدري تطلعلك الصوره في وقتها وحطيها

[Silent Beauty]

السلام عليكم .. الله يعافيكم افيدوني انا سحبت من الجامعه سحب نهائي السنه اللي راحت ودحين قدمت من جديد ولما جيت برفق الملفات الموظفه لمن سحبت وقلتلها برجع اقدم قالت خلي ملفك عندنا ودحين مو قادره ارفق الشهاده لانو ماعندي صور لها والاصل عند الجامعه ايش اسوي فيه حل ؟ بكرا بروح العماده بس ما ادري الاقيها مفتوحه او اقدر اخذ الملف او ايش اعمل مرره خايفه يفوتني التسجيل :(

[nsetk]

الموظفه ذي ارفعي عليها شكوه المفروض تاخذي اوراقك

بكره العماده مفتوحه بس حاولي تروحي من بدري عشان تاكدي الطلب يقفل يوم 15
وشفت في المنتدى الرسمي يقفل بكره

دوري اذا لقيتي صوره ارفقيها واذا مافي روحي بكره

بس كملي بياناتك يسير اول ماتاخذيها ترسليها وتاكدي الطلب

[Silent Beauty]

حسبي الله فيها اكدت عليها كتير قالت لا ماتحتاجيه .. طيب لو رحت اقدر اخلص اوراقي من الجامعه نفسها :( دي اخر فرصة تسجيل ليا لو راحت خلاص مستحيل اسجل تاني ، < ابدا مابكيت :(

[nsetk]

استهدي بالله
روحي بكره الجامعه العماده وقوليلهم انا ساحبه ملفي من سنة وابغاه الحين ولاتطلعي الا هوا معاكي
واذا لاسمح الله ماعطوكي هوا ماعرف أكدي الطلب ولايفوتك التسجيل واجلسي وراهم عشان باذن الله لمن تنقبلي تكون معاكي الاصل

طمنيني الله يسعدك ايش يسير معاكي

[Silent Beauty]

بإذن الله بروح بكرا واشوف ايش وضعهم وبسأل عن نفس الموظفه اللي عملتلي السحب النهائي واشوف شغلي معاها .. اهم شي الاقي وقت قبل لايروح التسجيل :( .. الله يسعدك حبيبي جد شكرا وان شاءالله ح ارجع اكتب ايش يسير معايا

[nour al3mr]

المشاركة الأصلية كتبت بواسطة @اليتييمة@ طيب ما عندنا استديو نسائي وظروفي صعبه ماقدر اروح اتصور عادي البس حجاب واتصور بجوالي؟؟؟؟ وقولولي طريقه تصغير شكلي بتصور بجوالي وصغرها وحطها اهم شي مايروح علي التاكيد

أتوكلي على الله و أتصوري بالجوآل
http://www.skaau.com/vb/showthread.php?t=701988

المشاركة الأصلية كتبت بواسطة Silent Beauty السلام عليكم .. الله يعافيكم افيدوني انا سحبت من الجامعه سحب نهائي السنه اللي راحت ودحين قدمت من جديد ولما جيت برفق الملفات الموظفه لمن سحبت وقلتلها برجع اقدم قالت خلي ملفك عندنا ودحين مو قادره ارفق الشهاده لانو ماعندي صور لها والاصل عند الجامعه ايش اسوي فيه حل ؟ بكرا بروح العماده بس ما ادري الاقيها مفتوحه او اقدر اخذ الملف او ايش اعمل مرره خايفه يفوتني التسجيل :(

و عليكم السلام و رحمة الله و بركـآته
كيف انسحاب و طي سجل و يبقى ملفك عندهم ؟؟!
الله يعينك روحي لهم بكـرهـ ضرووووري و المهم حاليًا دوري أي صورة لشهادتك و أرفقيهـآ
و ما تقدري من الجامعة لأنه لازم تصوري الشهادة أو تعمليها بالسكآنـر بعدها ترفقيها و تأكدي الطلب
لو ما حتعرفي لكيفية إدراج المرفقات يصير أي مكتبة مري عليها تعمله لك بدقايق و ترجعي البيت ع طول تدرجيهآ في الموقع ~> هذا في حال ما لقيتي أي صورة لشهادتك + أعطوك إياه بكره

[nsetk]

^^
الله يسعدك ابلتي نور
تطبطي وتهدي الواحد مو زي صرعتهم

[nour al3mr]

المشاركة الأصلية كتبت بواسطة nsetk ^^ الله يسعدك ابلتي نور تطبطي وتهدي الواحد مو زي صرعتهم

و يسعدك يا عيون أبلتك
ههههههههه يسعدلي قلبك .. الجآمعة يبغالها من لحظة دخولها إلى خروجها صبر و طول بـآل