لطلآب التحضيري أي سؤآل أو استفسار ضعه هنـآ وبإذن الله تجد الإجابة

[asma.]

انا طول عمري فمدرسة اهلية و كانو يعطونا اسئلة الاختبارات و زايد عليها كم سوال بس يعني طول عمري متعودة على كذا و خايفة من الجامعة يعني مو مستوعبة اللي كانو فحكومي كيف يدرسو الكتاب كامل يعني كيف والله احس مستحيل اذاكر كتاب بكبرو على اخر السنة انتو كيف تدرسو ؟

[AoDi]

المشاركة الأصلية كتبت بواسطة asma. انا طول عمري فمدرسة اهلية و كانو يعطونا اسئلة الاختبارات و زايد عليها كم سوال بس يعني طول عمري متعودة على كذا و خايفة من الجامعة يعني مو مستوعبة اللي كانو فحكومي كيف يدرسو الكتاب كامل يعني كيف والله احس مستحيل اذاكر كتاب بكبرو على اخر السنة انتو كيف تدرسو ؟

درست زيك في مدرسة خايسة و دخلت الجامعة وكنت اضيع وقتي افكر كيف بنات الحكومي شطار و من دا الكلام

بس بعدين لمن بديت اعتمد على نفسي و اطور جوانب القصور " مش متعودة ادرس لوقت طويل و احتاج مساعدة من الاستاذات ...الخ" الحمدلله مشيت وكانت التحضيري صعبة بس ممتعة

لأني بعد ما اخلص مذاكرة و افهم نفسي بنفسي احس باحساس حلو

احساس الانجاز

راح تمشي زيك زي بنات الحكومي و المدارس الاهلية الانجليزية .. لا تهتمي باللي حولك كتير

[Somaiah Yousef]

المشاركة الأصلية كتبت بواسطة asma. انا طول عمري فمدرسة اهلية و كانو يعطونا اسئلة الاختبارات و زايد عليها كم سوال بس يعني طول عمري متعودة على كذا و خايفة من الجامعة يعني مو مستوعبة اللي كانو فحكومي كيف يدرسو ا لكتاب كامل يعني كيف والله احس مستحيل اذاكر كتاب بكبرو على اخر السنة انتو كيف تدرسو ؟

انا برضه درست في مدرسة حكومية بس كانوا يأشرولنا طبعا واغلب المنهج محذوف وكنت اذاكر في ساعتين بالكثير

بس الجامعة غيرتني وصرت اذاكر بالاياام

راح تتعودي وتشوفي نفسك مغصوبة على المذاكرة في البداية بعدين حتشوفي الوضع عادي وممتع

خاصة لما تحلي اسئلة كثير تحسي انك من جد درستي وان الثانوي كان هبل ولعب بس ☺

ذاكري اول بأول وماراح تحسي ان الكمية كبيرة ابدااا
وثاني شي ترى اغلب اللي ندرسو مسائل وقوانين وتطبيق
مافي شي تحفظيه غير الاحياء

[maram asiri]

عندي استفسار ماأعرف اذا مكرر
انا في المستوى الرابع في الإنجليزي فمتى ابدأ من الترم الاول ولا الثاني ؟
وشكرا

[AoDi]

المشاركة الأصلية كتبت بواسطة maram asiri عندي استفسار ماأعرف اذا مكرر انا في المستوى الرابع في الإنجليزي فمتى ابدأ من الترم الاول ولا الثاني ؟ وشكرا

الترم الاول النص الثاني.. مع اللي خلصوا المستوى الثالث في النص الاول

كذا صار معانا ..

بس اتأكدوا امكن يغيروا النظام وتدرسوا اول الترم

[asma.]

Eli 101 اللغة الانجليزية-1 0 tr
eli 102 اللغة الانجليزية-2 2 tr
eli 103 اللغة الانجليزية-3 2 tr

انا كذا مكتوب عندي فالجدوال مو فاهمة ولا شي دحين انا في ايت مستوى حابداء ؟ و ايش يعني الساعات المعتمدة ؟

[Sheem_]

دخلت الاودس ع المقررات المعادله و طلع لي كذا !
هل يعني انا عديت المستوى الاول و الا كيف ؟
و اذا عديت المستوى الاول ليه حاطين في الجدول مستوى 101 ؟

[نايف العبدلي ^]

المشاركة الأصلية كتبت بواسطة sheem_ دخلت الاودس ع المقررات المعادله و طلع لي كذا ! هل يعني انا عديت المستوى الاول و الا كيف ؟ و اذا عديت المستوى الاول ليه حاطين في الجدول مستوى 101 ؟

يعني أنك راح تدرسي الأنجليزي المستوى 1 .. بالنسبة للإصفار يقصد أنها مالها وحدات ما تدخل في المعدل ..


موفقة

[Sheem_]

المشاركة الأصلية كتبت بواسطة نايف العبدلي ^ يعني أنك راح تدرسي الأنجليزي المستوى 1 .. بالنسبة للإصفار يقصد أنها مالها وحدات ما تدخل في المعدل .. موفقة

يعطيك العافيه :(

طيب و اللي طلع لها في المقررات المعادله " ليس لديك مقررات محوله " ، تبدا كمان من مستوى 1 ؟

[Basma algHamdi]

المشاركة الأصلية كتبت بواسطة sheem_ طيب و اللي طلع لها في المقررات المعادله " ليس لديك مقررات محوله " ، تبدا كمان من مستوى 1 ؟

ايوا تبدأ من أول مستوى و بالتوفيق يارب ()"

+ عذراً للـ أستاذ نايف تدخلت بالجواب