تجمع طالبات الدراسات الاسلاميه جميع المستويات

[العلم جنة]

المشاركة الأصلية كتبت بواسطة أنثى لاتجيد لبس الاقنعة اما اسمـاء العلواني >> ما انصحكم فيهاا اعررف بناات درسوا عندهاا الترم هذا مذاهب فكريه ما يمدحونهاا سيئه ونزلت حرمااان كثير لييش > لان الي تدخل بعدهاا ع طوول غياااب وماتقبل اي عـذر

الحرمان أكيد نزل بسبب الدرجات الجميلة
أما بالنسبة للغياب أنا كان عندي أكثر من 10 غيابات ولاحرمتني !
إذا كان وقت محاضرتها بدري 8 مثلا والوحدة عارفة إنها مو كل مرة توصل بدري تكنسل بعد الإستخارة طبعا لأنو إحنا ما نعرف فين الخير ولا نعلم الغيب
أما إذا كان وقت محاضرتها متأخر فمحاضراتها ممتعة جدا
ود. أسماء محترمة جدا جدااا , ومنظمة جدا , وخطابها غالبا للطالبات( أخواتي ).
* تكاليفها طول الترم ممكن تعطيكي 4 أو 5 تكاليف وتسلميها آخر الترم كلها سوا , وتعرضلك الأجوبة بعد طرح التكليف بمحاضرة أو إثنين يعني خلاص تعرفي إش حتكتبي فيه
* عدد الساعات الي ماحضرناها إلي كانت بسبب عدم الحضور في المحاضرة خلتنا نعوضها في المكتبة .
* إختباراتها الأول مقالي أغلبه عددي وكم صح وخطأ والثاني والنهائي موضوعي .

[العلم جنة]

المشاركة الأصلية كتبت بواسطة شريفة الغامدي كيف أستاذة فاطمة الشهري في الدرجات والاسئلة ؟؟؟؟ بلييييز ضرورري

بإذن الله ماراح تندم إلي حتاخذ معاها
درجاتنا كانت في الثمانينات أغلبنا رفعت درجاتنا للتسعينات تزدوك إلين 7 و8 درجات في الآخر ويمكن أكثر
هذا غير أسلوبها غير القيم إلي تحاول تزرعها فيكي غير إحترامها للطالبات غير أخلاقها غير تواضعها إنسانة تنحب , أخذت معها تدريب 1 وأول مرة في حياتي أدرس عند إنسانة زيها
الله يحفظها ويسعدها ويرزقنا من واسع فضله , خرجت من آخر محاضرة كانت وأنا أقول لصحبتي اللهم أجرنا في مصيبتنا وأخلف لنا خيرا منها .
محاضراتها ممتعة قيمة تحفزك للعبادة لإقامة الصلاة , حتى في الموية أستفدت منها واتنبهت لإسرافنا في الموية سواءا في الوضوء في الغسيل كانت تنصحنا بإنتظار الصلاة بعد الصلاة خلتنا نحفظ أحاديث عن البر والصلاة وحسن الخلق وعن العلم والقرآن وغيرها عشان نعرف نرد وننصح الناس بما قاله الرسول صلى الله عليه وسلم ( الأحاديث ورقة بوجهين فقط تسمعها طول الترم وتدخلها في الإختبارات عشان ترسخ )
وبهذي الأحاديث تقدري تطبقي الدعوة إلى الله لأن عندك مادة - الأحاديث - مو بس مادة نظرية وماندري وين راسنا من رجولنا .
يابنات الي عندها فقة السيرة النبوية .. لاتفوتي د. فاطمة وأكاد أن أجزم بأنكم حتشوفوا دموع د. فاطمة في محاضراتها وحتدعولي إن شاء الله ,.
وفي المقابل د. نوال باسعد في نفس المادة راائعة .
وهذا وأنا لاأزكيهم على الله

[العلم جنة]

وبسألكم عن أستاده وفاء هوساوي كيف هيا ؟ كويسه ولا لا

أعسل عسولة وأخلااااااااااااااااااااااااااااق وتواضع مررة تنحب الله يسعدها
ويفرحها يارب والمادة إلي ماسكتها ممتعة

[العلم جنة]

عزيزة الشهري

أخلاق ومحترمة وتشرح الخاطر أول دوري زودتنا فيه 5 درجات , والنهائي درجتين طبعا ذاكري عشان تجاوبي

[*{سيموو]

يا بنات الحقوني جيت أبغى أضيف مادة ( قواعد ونظريات فقهية ) و مو راضيه تنزل عندي في الحذف والإضافة وأنا الترم اللي فات حملتها وبرضه مع سناء عبده! ايش أسوي ؟! وحابه أسأل عن استاذه ( رؤى سندي << أصول فقه 2) و ( ساميه محمود حنبظاظه << مـــواريث ) من حيث : الأسلــــــــــــــــــــــــوب الشـــــــــــــــــــــــــــرح تقسيـــــــــــــــــــــــــــــــــــــــم الدرجات والبونـــــــــــــــــــــــس الحضـــــــــــــــــــور والغيـــــــــــــــــــــــــــــاب التكـــــــــــــــــــــــــــــاليف والواجبـــــــــــــــــــــــات هذا علمي وسلامتــــــــكم *_^

آيسكريم توفي

غريبة حملتي المادة مع د. سناء ... حاولي تشدين حيلك قلبو .. لانو اعتقد القواعد الفقهيه متطلب لمواد ثانية..

بالنسبة لد. سامية حنبظاظة .. الله يذكرها بالخير... اخذت نفس المادة معاها .. بجد اللي حببني ف المواريث هيه.. مع انو كثير خوفوني منها.. لكن الحمدلله .. انتي رككزي معاها واكتبي كل المسائل اللي تحلها في المحاضرة وابشري بالخير.

عندها عرض بور عليه 20 تشرحين فيه المواريث بإسلوبك .. تطلبو نهاية الترم
واختبارات صغيرة عشان تتأكد انو المعلومه وصلة من 5 درجات
واختبار دوري أو اختبارين.. ناسية

آما البونس .. لا عبدو ولا حنبظاظة عندهم بونس
بالتوفيق يارب


أعتذر للبنات اللي مارديت عليهم .. لان اغلب الاستاذات جداد ما مرو علي

الله يكتبلكم اللي فيه الخير يآرب

[شقآوه بدلع]

بنات الله يسعدكم ويسهل عليكم

عربي 2 نازل معا .. عائشه المطيري / ناديه كحفوظ / سلوى منديلي / مها الخطيب

شباب وقيم المواطنه نازل معا .. عفاف زيدان / سعاد عفيف

اخد دي المواد معا مين احسن من ناحية اسلوب وشرح وتعامل وتقسيم الدرجات لي الاستاده

[ملاك الارض]

بنات مادة الفكر الفلسفي اجباريه لبنات الدراسات ولا لا؟

وكيف الاستاذة فوزيه الحترشي في هذي المادة

[شقآوه بدلع]

^^
درستها عند فوزيه خياط ومره حلوه الماده وهيا الاستاذه عسل وماعليها كلام

وفوزيه حتريشي درسو عندها صحباتي يقولو انها تمام

[مريم سعيد]

الله يسعدك يا اختي العلم جنة ويسخر لك كل مافي خاطرك يارررب ويوفقك ربي لكل خير

[Asmaa Alshehri]

المشاركة الأصلية كتبت بواسطة شقآوه بدلع بنات الله يسعدكم ويسهل عليكم عربي 2 نازل معا .. عائشه المطيري / ناديه كحفوظ / سلوى منديلي / مها الخطيب عائشه المطيري عسسسل .. شباب وقيم المواطنه نازل معا .. عفاف زيدان / سعاد عفيف اخد دي المواد معا مين احسن من ناحية اسلوب وشرح وتعامل وتقسيم الدرجات لي الاستاده

الشباب م آخذتها ..