الأسئلة والاستفسارات عن كلية طب الأسنان ..

[Kaira]

المشاركة الأصلية كتبت بواسطة dina-s-b الحمد لله انا جاني اليوم خبر تأكيد القبووول :$ انقبلت اسنان الحمد لله..بس كنت ابغى اسأل دحين صاحبة ماما بتقول انو خلاص مافي شي انو مافي لا اختبار انجليزي ولا مقابلة !! والبنات بيقولو انو في مقابلة :( دحين حيسوولنا احنا الاسنان ولالا؟؟؟؟؟؟؟؟؟؟؟؟

مبروووووك لقبولك في عالمنا طب الأسنان
بالنسة للمقابلة الشخصية ما عندي والله خلفية هن دا الشي لأنو احنا ما سوولنا مقابلة على سنتنا ..
وحتى لو كان في مقابلة لا تخافو منها لأنهم بس حابين يتعرفوا عليكم وعلى شخصيات بنات كليتنا الجدد فما تخافو من دي الناحية أبد .. ^^

[مسيو ماديلاين]

أميرة ..
يعطيكي العافية شكراً لك :)


Dr.nanoOok ~
أشكرك ، بس هو ممنوع حتى ولو نفس التخصص ؟؟
انا لي زيارة على جدة إن شاء الله يوم الاثنين وبمشيئة الله رح أسال ..
عموماً شكراً لكم وما قصرتو ^_^ ..

الله يوفقكم يارب

[Dr~NanoOok]

التحويل يعتمد على توفر المقاعد في التخصص نفسه

والى الآن ما شفت أحد حوّل من جامعة مختلفة إلى كليتنا
لا من جامعة حكومية ولا أهلية

والمناهج تختلف تماما من جامعة للأخرى ..
وما أعرف اذا يمكن معادلة الساعات بينهم

انت روح لعمادة القبول وحيفيدوك باذن لله بكل شي
وبالخبر الأكيد

الله يوفقك

[* رولا *]

قالوا لنا اليوم في الدورة إنهم حيستقبلونا في منتداهم الخاص حتى تترتب دفعتنا ونعمل حقنا الخاص فينا
فهل حقون الأسنان نفس الشيء؟
وهل فيه كمان اللجنة العلمية؟
وشكرًا

[M!Šs JỏJỏ]

مساء الخير ~

اليوم لما حضرت الدورة حقت بنات البشري نصحونا نعمل منتدى خاص بدفعتنا ( بنات و شباب ) وانو حينفعنا كتير في تبادل الخبرات وجمع المعلومات من محضارات وكدا

فقلنا نستفسر ازا في الاسنان في نفس الحاجة وكيف ممكن نعمل منتدى ؟؟
وجزاكم الله كل خير :)

[~RAN~]

^
1+

نبغى نعرف الطريقة الي نعمل بها المنتدى ؟

[Dr~NanoOok]

بالنسبة للمنتدى

كل دفعة ليها منتدى خاص بيها للتواصل مابين دفعة البنات والأولاد
نحط فيه كل شي من معلومات ومحاضرات وتلخيصات ....

وغالبا يكون خاص بينا فقط .. وما نخلي الدكاترة يطلعوا على الأشياء اللي فيها
عشان بعض الدكاترة لما يشوفوا أن الطلبة مركزين على حاجة أو مراجعينها أكثر
ما يجيبوها في الاختبار !!

عشان كده تشوفوا المنتدى هنا فاضي.. ومافي معلومات دراسية
وكل الطلبة بيروحوا منتداهم الخاص
(أضمن وأامن للدفعة )


وإن شاء الله على بداية السنة الدفعات الأكبر منكم حيجوا ويكلموكم ويقولولكم كيف تعملوا منتدى وكل شي

فلا تاخدوا هم .. خلوها مع بداية الدراسة

[M!Šs JỏJỏ]

المشاركة الأصلية كتبت بواسطة dr~nanoook بالنسبة للمنتدى كل دفعة ليها منتدى خاص بيها للتواصل مابين دفعة البنات والأولاد نحط فيه كل شي من معلومات ومحاضرات وتلخيصات .... وغالبا يكون خاص بينا فقط .. وما نخلي الدكاترة يطلعوا على الأشياء اللي فيها عشان بعض الدكاترة لما يشوفوا أن الطلبة مركزين على حاجة أو مراجعينها أكثر ما يجيبوها في الاختبار !! عشان كده تشوفوا المنتدى هنا فاضي.. ومافي معلومات دراسية وكل الطلبة بيروحوا منتداهم الخاص (أضمن وأامن للدفعة ) وإن شاء الله على بداية السنة الدفعات الأكبر منكم حيجوا ويكلموكم ويقولولكم كيف تعملوا منتدى وكل شي فلا تاخدوا هم .. خلوها مع بداية الدراسة

جزاك الله خير :)
قمورة مو مرة شايلين هم بس اشوف احسن انو من دحين نعملوا وكدا
انو نبدا دراسة واحنا مرتبين ومنظمين كل شي
انا عن نفسي ما اعرف اعمل منتدى وفي نفس الوقت ما ابغاا اشغل غيري انو يعملو وعندو مزاكرة

ويسلموووو

[M!Šs JỏJỏ]

سوري ع كتر الاسئلة s:

* في الاختبارات اسئلة الاولاد والبنات موحدة ؟
* ايش افضل جهاز لتسجيل المحاضرات ؟
* ايش فايدة اللجنة العلمية وموجودة في طب الاسنان ولا بس البشري ؟

جزاكم الله كل خير واتمنالكم الخير في الدنيا وآخرة

[Dr~NanoOok]

المشاركة الأصلية كتبت بواسطة M!Šs JỏJỏ جزاك الله خير :) قمورة مو مرة شايلين هم بس اشوف احسن انو من دحين نعملوا وكدا انو نبدا دراسة واحنا مرتبين ومنظمين كل شي انا عن نفسي ما اعرف اعمل منتدى وفي نفس الوقت ما ابغاا اشغل غيري انو يعملو وعندو مزاكرة ويسلموووو

طيب كيف حتجمعوا كل أفراد الدفعة وتخبروه على المنتدى
وايش ممكن تحطوا في المنتدى قبل ما تدرسوا او تاخدوا شي ؟

فلا تستعجلوا

المشاركة الأصلية كتبت بواسطة M!Šs JỏJỏ سوري ع كتر الاسئلة s: * في الاختبارات اسئلة الاولاد والبنات موحدة ؟ * ايش افضل جهاز لتسجيل المحاضرات ؟ * ايش فايدة اللجنة العلمية وموجودة في طب الاسنان ولا بس البشري ؟ جزاكم الله كل خير واتمنالكم الخير في الدنيا وآخرة

ولا يهمك يا عسل .. اسألي زي ما تبغي وخدي راحتك =)

الاختبارات دايما تكون موحدة ما بين البنات والأولاد
وممكن نفس الدكاترة بيدرسوكم

وعلى سنة ثالث ورابع وما بعدها
كل الدكاترة يكونوا مشتركين ما بينكم انتوا و الأولاد

~

سجلوه بجهاز التسجيل الخاص .. ويكون mp3
حتى الأنواع الرخيصة اللي بحدود 100 ريال تعتبر جيدة
بس حطوها في مكان قدام و الصوت واضح

بس لا يشوفوها الدكاترة لأنهم ينزعجوا .. وبعضهم يمنع التسجيل

~

احنا بالأسنان عاملين نظام ثاني لينا
( ودفعتنا اللي اخترعت هذا الشي ^_^ )

وهو تقسيم مجموعات لكل مادة دراسية
وكل مجموعة عبارة عن 2-5 أو أكثر من الطلبة

شغلهم هو كتابة الملاحظات من المحاضرة.. واعادة تنسيقها وانزالها بشكل رسمي للدفعة كلها
و يروحوا للدكاترة ياخدوا الشيتات منهم عشان تنطبع للدفعة
أي أسئلة اختبارتا ساققة.. تلخيصات وأشياء مهمة يدوروا عليها ويعطوها للدفعة

وهكذا

ومن جد الموضوع بكده صار مررره مرتب.. والناس اللي بالجروبات يعتمد عليها وبتنتج عمل رائع
وماشالله دفعتنا أغلبها درجاتها عالية دايمة << ما انكر انهم مررره دوافير "^^
لكن للتعاون و حب المساعدة ومشاركة المعلومات ليها أثر كبييير

ماشالله بسنة ثالث وهي أصعب السنين
أغلب درجات الدفعة عالية .. وفقط اثنين من الدفعة رسبوا
مع ان كل سنة تقريبا 5-10 طلبة على الأقل رسوب !

وبسنة رابع اتعاونا أكثر .. حتى ما بيننا ودفعة الأولاد
من جد كل لما يزيد التعاون.. يزيد العطاء.. والنتائج المبهرة !
والحمدلله أفضل النتايج كانت بنهاية هذه السنة ^_^


زي ما قلت من قبل ..

اتعاااااونوا وخلوا قلوبكم على بعض
وربي حيعطيكم على قد نيتكم و حيرضيكم