~| أخبــآر الحذف و الإضـآفة و تنظيم الجدآول لطَـآلبـآت الإنتسـآب|~

[nour al3mr]

ماشاء الله افتتاحية خير والله ييسر لك

أما انك تخلصي 9 فالله يعينك

[amal aljasir]

بناااات بليييز ساااعدوني
انا نازل لي 4 مواد وهي :

الثقافه الإسلاميه 3
القراءه 2
مقدمة في اللغويات
مقدمة في الترجمة

ابغى اضيف مادة زيادة بس تكون سهله وترفع المعدل
ايش تنصحوني فية

[ام حمدان]

^
هلا عزيزتي

ممكن تضيفي ماده حره

مثل
psy241 شرط انك تسالي في قسم علم النفس من افضل وحده تعطيه مس عماديه او مس خلود

مع اني اظن انه مس خلود الافضل بحثت عنها ووجدت الكثير يمتدحها

انا اخذت الماده الترم الماضي مع مس ريم الحربي وكانت الاسئله حلوه وكلها اختيار من متعدد
واتوقع النظام هالترم نفس الشي بس تاكدي من طالبات قسم علم النفس اسئلي في قسمهم وإن شاء الله يفيدونك

موفقه

[Nerceyan]

اميييين يا nour al3mr
الله يسمع منك ويعين الجميع...

[Nerceyan]

السلام عليكم
وكل عام وانتو بألف خير يارب
عندي استفساار ياحلوين ماني عارفه اجيب مفردات المواد عشان بشتري الكتب احس مررة اتأخرت ودورتي تبدأ يوم 23.... تطلعلي صفحة مكتوب (جاري تحديث الصفحه )
ماادري انا فاتحة الصفحة الصح ولا الخطأ ؟؟
الله يسعدكم افيدوني :-)

[nour al3mr]

وعليكِ السلام ورحمة الله و بركـآته

و أنتِ بصحــة وسلامة يـارب

||خُـلاصـة الدورة التأهيلية لِـ طُلاب الإنتسـاب عام 1432-1433/2012 [الفصل الأول]||

[fofo_27]

سؤال
دحين اذا حذفت الكتابة دا الترم
اقدر اخد الترم الي بعدو كتابه 1 و2 مع بعض ولا مايجي
وكمان سؤال
بكم ماده تنصحوني دا الترم 5 او 6 لانو احس مافي وقت وانا لسا بالريدنق
انا طموحي معدل عالي استوعب تمام الي ادرسو ماابغا اضغط على نفسي

[ام حمدان]

^

لا ياعسل

ماينفع تدرسي رايتق 1و2 مع بعض لازم تخلصي 1 اول

بس لو حاسه نفسك مو قادره على 6 مواد فلا تضغطي نفسك

ممكن تاجلي الكتابه بما انها المواد الي بعدها مو كثير بس مادتين او 3 يعني مابتاخرك في الخطه إن شاء الله

وعادة اغلبنا يضطر يزيد ترم على الاربع سنوات حتى نخفف الضغط على انفسنا في بعض الاترام خاصه اترام التخرج

موفقه

[fofo_27]

شكرا ام حمدان عالرد
طيب معليش حطفشك في سؤال كمان
اذا قررت اخلي ماده الكتابه ون
كيف يكون اختبارها مقال من خمسه براقرافات ولا براقراف واحد
يريت توضيحلي دي النقطه لاني شفت مواضيع كتير واحترت

[fofo_27]

ام حمدان نور اي احد يرد عليا فينكم