تجمّـــــــــــــع طآلبآت المستوى الثآلث (انتسآب)..... الفصل الأول 2010 م

[ام حمدان]

المشاركة الأصلية كتبت بواسطة مشاعل999 تسلمي ياام حمدان على ردك عسى الله يوفقك ويسهل اختبارك فعلا انا كنت معتذره سنه كامله ماعليكي امر ياام حمدان انا بالمستشفى متنومه عسى ماتشوفي شر لأني حامل وتعبانه شوي وإن شاء الله بطلع ممكن كمان يومين ممكن تساعديني دامك رايحه الجامعه اليوم وتسأليلي متى اخر موعد اقدر اختبر فيه الاورال والله مااعرف احد بشعبتي ولا عندي وسيلة اتصال بأي احد بالجامعه كل اللي اعرفه اني بشعبه 2 وعند الاستاذه ايمان باسلامه الله يوفقك ويكتبها لكي بميزان حسناتك ويفتح عليكي باختبارك حبيبتي

ابشري بعزك إن شاء الله ماانسى وربي يقومك بالسلامه
دعواتكم ياحلوين

موفقين

[my-nana]

أم حمدان صباحك عسل ياليت تقولي ليا كيف كلمتي الأستاذه واخذتي موعد منها

[ام حمدان]

المشاركة الأصلية كتبت بواسطة my-nana أم حمدان صباحك عسل ياليت تقولي ليا كيف كلمتي الأستاذه واخذتي موعد منها

هلا والله
انا اتصلت عليها من الرقم الي حطته روابي نجد في الصفحات السابقة هو رقمها المخصص لطالباتها

اتصلت عليها وماردت لانها كانت مشغوله وبعد كذا عالساعه 9 بالمساء امس اتصلت علي واتفقت معاها عاليوم اقدم البرزنتيشن وبس

استاذتي ريم فطاني للي حاب يعرف

موفقين

[MOFY]

ام حمدان الله يوفقك ويسهل عليك ويارب تاخذي الفل مااارك .. خبرينا اش سويتي لما ترجعي :)
بس انتي ايت ريم فيهم ؟؟ سائحي والا فطاني ؟؟ انا شعبة 1

---------------------

مشاعل ما تشوفي شر وتطلعي بالسلامه ..

---------------------

[إلهام]

رااااااح تختبرين اليوم /////

الله ييسر لك يااارب //
أول ما تدخلي عندها ...قولي :اللهم اجعل من بين أيديهم سدا ومن خلفهم سدا فأغشيناهم فهم لا يبصرون
عشان ماتنتبه لأخطائك....

وربي حااآآسه فيكي""

طمنينا عليكي؛؛؛
""""بالتوفيق ياارب,,وقدامك 20 degree""""

[ملك الروح]

السلام عليكم

كيفكم بنات شواخباركم اتمنى تكونوا بالف خير

كيفك ام حمدان وكيوت سوسو

يالله بنات لازم نشد حيلنا الله يوفقنا ويسهل امورنا

[ام حمدان]

السلام عليكم
ابشركم الحمدلله اختبرت الاورال والحمدلله بس نقصتني درجتين من العشرين لاني كنت متوتره وكمان غلطت بكلمه وحده لمن سألتني سؤال يتعلق بموضوعي

فالبدايه القيت عليها موضوعي وقاطعتني مره وحده عشان تسألني سؤال وبعد ماانتهيت سألتني برضو تقريباً 3 اسئلة حول موضوعي والحمدلله عديت على خير
على فكره استاذه ريم تقول ان الامتحان حيكون فيه كذا سؤال ليسننق مو بس سؤال واحد ومجموع الدرجات عليه 20 درجه فأنتبوا ركزوا مره وانتوا بتذاكروا الليسننق عند سماع المحادثات اتدربوا كويس من الحين



بالنسبه للاخت مشاعل 999
انا حست على مالقيت مكتب الاستاذه ايمان في كلية الاداب وبعد مالقيتها قالتلها وحده صاحبتي من برى جده حابه تعرف متى اخر موعد لتقديم امتحان الاورال عندك
قالتلي خليها تجيني فالاسبوع الي قبل تاريخ 20 يناير بالميلادي لان دوامهم ينتهي على حسب كلامها في تاريخ 20 يناير
وساعاتها المكتبيه من 9-10 ومن 12-1 ايام السبت واثنين واربعاء

موفقين جميعاً يااعزائي

[my-nana]

والله إنك بنت رجال الله يوفقك كل شي يصير لك تقولين لنا عليه وتنبهينا الله يعطيك العافيه والفل مارك بكل المواد

[لوزانا]

السلام عليكم كيفكم إن شاء الله بخير

عفواً يابنات

مين عند الدكتورة ريم سائحي ؟

[ام حمدان]

ملك الروح الله يسلمك حبيبتي انا بخير بس حايسه مع موادنا احس الوقت يمشي بسرعه وانا باقي ماانتهيت منها

ماي نانا ماعليك زود حبيبتي هذا من طيب اصلك ولا انا ماسويت شي يذكر

لوزانا كيفك يابنت من زمان عنك لاب توبي غبر يوم شاف اسمك خخخخ


عموما يابنات انا تعبت من كثر ماادور على الكلمات لشابتر 7و9و10 ووللاسف للحين مالقيتها و صراحه ماعندي وقت اضيعه عالنت كثير
بس بالصدفه لقيت موقع لقاموس انجليزي انجليزي
تكتبون فيه الكلمه ويعطيكم معناها بالانجليزي او تعريفها ونوعها وغالباً يعطيكم جمله عليها وهذي ميزه حلوه فيه

انا الحين واصله بشابتر 6 لو بديت اذاكر 7 ومالقيت الكلمات بضطر اقعد عليه وادور على معنى كل كلمه والله يعيني عالوقت بيروح بس الشكوى لله مافي حل ثاني
وعشان ماراح يكون عندي وقت لو ترجمتها ارجع وانزلها لكم هنا قلت بعطيكم الرابط وكل وحده تترجم لنفسها
والله وقتي ضيق ولا كان من عيوني اكتبها وانزلها لكم بس اكيد انتوا مقدرين وضعي لانكم نفس الشي حايسين مع الكتب

www.ninjawords.com


موفقين