~| أخبــآر الحذف و الإضـآفة و تنظيم الجدآول لطَـآلبـآت الإنتسـآب|~

[ام حمدان]

^
ياعسل

حسب علمي يطلب منكم كتابه مقال وليس براقراف
و
عدد البراقرافات يختلف حسب النوع لكل مقال وصراحه ماعندي فكره عن منهجكم مادرسته بس في الغالب 5 براقرافات

بس لاتشيلي هم ترى مو كثير

لكن عندك اكيد في الكتاب موضح هالشي لابد يشرح لك كل نوع كم براقراف وكل براقراف عن ايش مفروض تتكلمي فيه غير انه الاستاذه في الدورة بتشرح لكم تركيب كل مقال فلا تشيلي هم بتفهمي إن شاء الله

موفقه

[t0ffee]

سلام عليكم..
بنات اش تنصحوني ابغا احذف الرايتيق تنصوحي احذفه ولا لا واذا حذفته اش اضيف
انا موادي ريدنق رايتيق ليسيننج وثقافة وعربي

[little Angel]

جدولي
نحو-صرف-صوتيات-ترجمة-دراما

طبعأ للآن مافي أي سيرة عن الصرف ومابقي وقت... أفكر أني أحذفة وأضيف سيمنار لأن فرصة كتاب واحد ومافي بحث فأيش رأيكم وعن أيش تتكلم هالمادة؟؟
ربي يوفقكم..

[ام حمدان]

المشاركة الأصلية كتبت بواسطة t0ffee سلام عليكم.. بنات اش تنصحوني ابغا احذف الرايتيق تنصوحي احذفه ولا لا واذا حذفته اش اضيف انا موادي ريدنق رايتيق ليسيننج وثقافة وعربي

وعليكم السلام ورحمة الله
ليه بتحذفيه ؟

اذا مستواكي في الكتابه كويس فلا تخافي بس افهمي كل نوع مقال كيف واتدربي على كتابه مواضيع لكل نوع

واذا حاسه انه كتابتك ضعيفه او ماعندك وقت تتدربي ممكن تبدليها بحره زي علم نفس نمو psy241 بس تكون مع استاذه تمام
اسالي في قسم علم النفس من افضل وحده تعطيها هالترم وان كان اختبارها زي العام اختيار من متعدد فتوكلي على الله استخيري وخذيها
موفقه

المشاركة الأصلية كتبت بواسطة little Angel جدولي نحو-صرف-صوتيات-ترجمة-دراما طبعأ للآن مافي أي سيرة عن الصرف ومابقي وقت... أفكر أني أحذفة وأضيف سيمنار لأن فرصة كتاب واحد ومافي بحث فأيش رأيكم وعن أيش تتكلم هالمادة؟؟ ربي يوفقكم..

عزيزتي
نحو وصرف وصوتيات كلها
صدقيني ماتحتاجي احد يقولك شي عنها المواد هذي تشرح نفسها بنفسها

هي مواد سهله بس تحتاج منك تركيز وفهم وشويه حفظ وتعديها بامتياز إن شاء الله

الصوتيات والصرف مدام مع مس ليلى لا تخافي اسئلتها واضحه وماهي معقده ابدا
وتجيب فقرات كثير حتى ماتنقصي درجات كبيره في حال اخطاتي
يعني شدي حيلك ولاتخافي تعبك في هالمواد ماراح يضيع ابدا

اما السيمنار ماينفع ابدا تضيفيها لانها ماده تخرج ولها متطلبات

يعني لازم تكوني درستي قبلها على الاقل نحو وسوسيو لانها عباره عن كتابين واحد سوسيو وواحد نحو وانتي لسى مادرستيهم فمستحيل يوافقوا يضيفوها لك

موفقه

[Be or not to Be]

السلام عليكم ورحمة الله
استفسار الله يجزاكم خيررررر
انا حذفت الترم اللي فات وناويه كمان احذف هالترم بسبب ظروفي
سؤالي هو لو حذفت هالترم راح يتحول السداد للترم الجاي والا بتروح علي بما اني حاذفه ترمين ورا بعض ..؟

[nour al3mr]

^
أعتقد تحول :)

[t0ffee]

تسلمي يا ام حمدان انا في الكتابة مو مره فعشان كدا ابغا ااجلها للترم الجاي
طيب احذفها واضيف فرنسي كيف الفرنسي سهل ولا كيف
ولا اخليه 4 مواد بس يعني 11 ساعة

[^زحمة حكي ^..!]

المشاركة الأصلية كتبت بواسطة t0ffee تسلمي يا ام حمدان انا في الكتابة مو مره فعشان كدا ابغا ااجلها للترم الجاي طيب احذفها واضيف فرنسي كيف الفرنسي سهل ولا كيف ولا اخليه 4 مواد بس يعني 11 ساعة

هلا اخت توفي ..



أنا جدولي نفس جدولكـ ,, كنت برضو حاذفة الرايتنق بس رجعت نزلتوا عشان عدد ساعاتي لا يقل مرره واتاخر في التخخرج ..
بالنسبة للفرنسي شي جديد يحتاج بعض الوقت فيع افعال وكلمات جديدة عشان كذا ما انصحك تاخديه انا نصحتني مدرسة انقلش بعدم اخدو واني اخليه للسمستر الجاي ..

انا احس انو الرايتنق والليسننق والريدنق مرتبطة ببعض وان شاء الله تككون سهلة مع السنترا .
أنا والله خايفة اككتر منك وكنت حابة احذف وحدة منهم هالسمستر بس استخرت واستشرت وان شاء الله تككون سهلة " كل شي في بدايتو يككون صعب ونتخوف منو ".

انا مثل ما قلتلكـ جدولي مثل جدولكـ يعني لو حابة نتواصل ونعين ونعاون بعض

.. الله يكتبلكـ اللي فيه الخير حبيت اشاركك بس ..

دمتي بووود ,,

[t0ffee]

المشاركة الأصلية كتبت بواسطة ^زحمة حكي ^..! هلا اخت توفي .. أنا جدولي نفس جدولكـ ,, كنت برضو حاذفة الرايتنق بس رجعت نزلتوا عشان عدد ساعاتي لا يقل مرره واتاخر في التخخرج .. بالنسبة للفرنسي شي جديد يحتاج بعض الوقت فيع افعال وكلمات جديدة عشان كذا ما انصحك تاخديه انا نصحتني مدرسة انقلش بعدم اخدو واني اخليه للسمستر الجاي .. انا احس انو الرايتنق والليسننق والريدنق مرتبطة ببعض وان شاء الله تككون سهلة مع السنترا . أنا والله خايفة اككتر منك وكنت حابة احذف وحدة منهم هالسمستر بس استخرت واستشرت وان شاء الله تككون سهلة " كل شي في بدايتو يككون صعب ونتخوف منو ". انا مثل ما قلتلكـ جدولي مثل جدولكـ يعني لو حابة نتواصل ونعين ونعاون بعض .. الله يكتبلكـ اللي فيه الخير حبيت اشاركك بس .. دمتي بووود ,,

تسلمي الله يخليك
بس انا خايفه من الرايتيق عشان انا ضعيفه في الكتابة وماعندي كلمات كتير اني اقدر اكتب براقراف فعشان كدا فكرت اني احذفها وان شاء الله السمستر الجاي اخده يعني حيكون عندي كلمات واكون اتدرب ع الكتابة اكتر

طيب تق
ري ترسليلي ايميلك انا ما اقدر ارسل

[little Angel]

مشكورة أم حمدان الله يوفقك ويسعدك..