الأسئلة والاستفسارات عن كلية طب الأسنان ..

[_Sora]

اوبسس سوري الرد متاخر شويتين .. اتوقعت اني انطنشت

المشاركة الأصلية كتبت بواسطة محمد عماد وعليكم السلام ورحمة الله وبركاته اذا ما عندك مانع راح اجواب بالعكس عادي مرره خد راحتك بس انا مني في الأسنان انا بشري .. يعني جاركم مو بعيد عنكم لازم تحددي هدفك من الأن .. وحاولي تقرأي عن كل التخصصات عشان يكون لك خلفية عنها وعشان لما تدخلي تخصصك تكوني مقتنعة فيه حاليا .. وقت فراغك في الجامعة استغليه في دراستك لكن بعدين في الإجازات والويك اند ممكن تقرأ او تطلعي على اي شيء له علاقة بالطب مثلا : ممكن تقرأي عن امراض القلب او الفشل الكلوي .. او ممكن تقرأي عن الأناتومي اما بالنسبة لدراسة الطب ترا الطب سهل جدا وممتع بس بشرط واحد : انك تذاكري اول بأول وما تراكم الدروس على بعض لانه اذا تراكمت الدروس الله يعنيك .. الطب حيتحول الى جحيم وطبعا الطب غير كل التخصصات من ناحية التعب والضغط والكرف ولازم تضحي بأشياء من اجله بس قد ما تتعب قد ما تحصل على مراتب اعلى في تخصصك موفقة

شكرا اخ محمد وربي انك صادق .. رح اقرأ زياده و استخير كتير
ومحل ما ربنا يحطني ان شاالله ارضا ..
اختبار الاحصاء اليوم كان جدا ممتع و يبشر بالخير الصراحه :)
الله يسعدك و يوفقك محل ما كنت يآرب و تسير دكتور بشري أد الدونيا

المشاركة الأصلية كتبت بواسطة wajo0odah بصراحه انتي زيي اول ما دخلت الجامعه وكنت محتاره بين البشري والاسنان واستقريت ع الاسنان وجات فتره من الفترات جاني فيها تبلد وصار مايهمني شي لا طموح ولا اي حاجه وع نهايه السنه انتبهت لنفسي بس بعد ايش لما نزلت التخصصات تفاجأت اني تخصصت علوم على ان معدلي حلو كان وقتها لحقت نفسي وتداركت اللي صار وحولت لكليه ابن سينا طب اسنان والحمدلله مرره مبسوطه ومستمتعه بالتخصص نصيحه تغلبي على هذا الشعووور وفكري بطموحك والله بوفقك ويكتب لك اللي فيه الخير بعدين ترا الحاسب صعععب ولاهو سهل زي ما انتي متخيله بس اولا واخيرا استخيري ربي وهو راح ييسر لك امورك

منجد وربي شعور التبلد دا مره مقرف
لكن ان شاالله برجع ازاكر و اجتهد اكتر و اكتر من اول
اختبار الاحصاء اليوم كان مره حلو و حمسني لباقي الاختبارات
الله يوفقك و يسهلك كل امورك ي قلبي مررره شكرا
ان شاالله نتقابل في يوم من الايام في المستشفى
و نحنا نشتغل ف اسنان الناس خخخخخ

[نورا ~]

السلام عليكم ..
اعذروني إذا كان الموضوع مو مكانه هنا , بس مالقيت غيره

مشكلتي في سنوني إنه الصفين كلهم داخلين على جوا
فسويت تقويم عشان أبغاها تبرز شوية يعني تتعدل بس
فأمس ركبت القواعد والحديد , ومن أمس وانا حاسه انه السنين الأمامية يتهزهزوا
لمن أحركهم بلساني أحس فيها ويعوروني أكثر من الأسنان الثانية ..
إيش المشكلة ؟ مرة شايله هم ؟
هل هذا طبيعي ولا سنوني فيها شيء ..

ياليت أهل الخبرة يفيدوني جزآهم الله خير ..
شكراً ..

[bebo boy]

ادري الموضوع شوي غريب بس حبيت اساعدكم وتساعدوني .. يعني تبادل مصالح خخ واشوفكم تدورون ورا المرضى وحق حشوات ومدري ايه قلت انا اجيلكم بنفسي واي وحده محتاجة او محتاج يطبق على اسناني . خلع حشوات تنظيف كلله موجود خخ وانا اثق فيكم ويكون استفدت وقدمت خدمة للمجتمع >> تجمل الموضوع
فاي احد حاب يشتغل على اسناني انا هوونا و اكون شاكرة لكم وبالتوفيق :)

[مَـزٍآج ..}..]

هههههه

اذا عندك ملف في العيادات وحالتك يحتاجوها الطالبات راح يتصلوا عليك

من غير ما تدوري وراهم اما من ناحيه الشباب النظام ما يسمح تعالج بنت

الا لو كانت كبيره في السن ومحتاجه طقم اسنان ..

واذا ما عندك مـلف وحابه تفتحي الملف وتسوي تشخيص كامل لحالتك . . ممكن اساعدك
واحولك على طالبه . . اختاري الطريقه الي تناسبك للتواصل . .

او انك تفتحي الملف بنفسسكـ وتنتظري .. بالتوفـيق .. !!

[bebo boy]

يب انا فاتحة ملف ولسا الربوع اللي فات خلت سن ولسا باقي لي واحد وعندي open bite ومسبب لي ضغط على سن ومررره مألمني واحتاج حشوات وتقويم في النهايه :( والبنات ما قصروا بس ما ادوني موعد ولا اي شي. حتى السن مو هما خلعوه خلو الدكتور المشرف .. قلت يمكن ماهم مستعدين لحالتي وقلت اشوف اي احد بجد محتاجني ويساعدني بنفس الوقت وشكرا التعقيب

[خلابة]

ههههههه

[رؤوف]

السلام عليكم..

انا ادرس بكلية اهليه طب اسنان ..
سؤالي هل يمكن التحويل ومعادله المواد في الملك عبد العزيز واكمل بنفس المستوى والمرحله ؟

انا بالمستوى الثالث طب اسنان

علما بأنو انا اخذت منحه سنتين العام الماضي وهاذي السنه من وزاره التعليم ..ومواد الكليه نفس مواد جامعة الملك عبد العزيز "نفس الخطه تقريبا "
وتقريبا 60% من الدكاتره عندنا يدرسو بالملك عبد العزيز


ارجوا جواب اكيد .. واذا ماحد يعرف
ياليت حد يديني ايميل العميد او اسم شخص ممكن يفيدني بهذا الموضوع

شكرا لكم

[jumana aman]

uppppppp

[basimjo]

السلام عليكم
إخواني جلست أيام أدورعن أفضل العيادات بجدة
وبصراحة أكثر المواضيع بالانترنت محيرة ناس تمدح عيادة وناس تذم نفس العيادة
طبعاً غير اللي أهل الردود القليلة بكل منتدى يمدح ويسوق لعيادة معينة
مافي أحسن من طلاب كلية طب الأسنان بتقييم العيادات
ياليت تدلونا على عيادات أسنان ممتازة
أكيد في أكثر من عيادة بس تدلونا أنتم لأن هذا تخصصكم ومافي أحد أدرى فيه منكم
آسف إذا الموضوع ضد سياسة المنتدى بس للأسف مافي أي مصدر موثوق عن عيادات الأسنان
وأتمنى أنكم تبادرون بمساعدة اهل جدة عن أفضل العيادات وبالمناسبة اقتبست الفكرة من جامعة سعود
مسوين موضوع عن العيادات وشيء جميل لأن مثل ماقلت لكم مافي من هو أحسن منكم يتكلم بهالموضوع

شكراً جزيلاً

[ليدي اوسكار]

نفس الاستفسار