لطلآب التحضيري أي سؤآل أو استفسار ضعه هنـآ وبإذن الله تجد الإجابة

[Somaiah Yousef]

المشاركة الأصلية كتبت بواسطة -ابو فيصل كيف أضيف رقم الايبان للبنك ؟؟ وين الاوديس ولا من عندهم؟؟

مافي داعي تضيف شيء

المكافأة راح تنزل على حساب خاص بالطالب .. هم يعطوك البطاقة جاهزة

وراح يعطوكم بطايق الصراف بعد شهر من بداية الدراسة يمكن .. بيحددوا مواعيد ويبلغوكم

موفقين كلكم يآرب

[asma.]

اليوم رحت الجامعة و استلمت بطاقتي انتظار ساعة و الموضوع خلص في 5 دقايق
المهم وزعو علينا ورق عن البرنامج الارشادي و مكتوب حيكون يوم الاثنين يعني ثاني يوم بعد بداية الدراسة فالسلمانية البرنامج
و انا فالشرفية انقبلت دحين عادي ما اروح اول يوم الشرفية يعني اذا البرنامج ثاني يوم ايش حنسوي اول يوم ؟
و بخصوص بطاقة الصراف حقت المكافات متى يعطونا هي ؟

[ArWaA Banabilah]

المشاركة الأصلية كتبت بواسطة asma. اليوم رحت الجامعة و استلمت بطاقتي انتظار ساعة و الموضوع خلص في 5 دقايق المهم وزعو علينا ورق عن البرنامج الارشادي و مكتوب حيكون يوم الاثنين يعني ثاني يوم بعد بداية الدراسة فالسلمانية البرنامج و انا فالشرفية انقبلت دحين عادي ما اروح اول يوم الشرفية يعني اذا البرنامج ثاني يوم ايش حنسوي اول يوم ؟ و بخصوص بطاقة الصراف حقت المكافات متى يعطونا هي ؟

السنة الماضية كان اليوم الإرشادي رابع يوم يعني يوم الأربعاء ،، أول يوم دخلت علينا أستاذة الانجليزي ومن تاني يوم بدأنا ندرس وأخدنا رياضيات

وبالنسبة لبطاقة الصراف مو دحين يعطوكم هيا،، يمكن بعد شهرين أو أقل بس إنو أول مرة تصرفوها تكون حق شهرين نحنا كدا سوولنا

بالتوفيق ♡

[Asmaa moh]

وش أقرب بوابة لمبني29؟

[Bushra Hg]

المشاركة الأصلية كتبت بواسطة asma. اليوم رحت الجامعة و استلمت بطاقتي انتظار ساعة و الموضوع خلص في 5 دقايق المهم وزعو علينا ورق عن البرنامج الارشادي و مكتوب حيكون يوم الاثنين يعني ثاني يوم بعد بداية الدراسة فالسلمانية البرنامج و انا فالشرفية انقبلت دحين عادي ما اروح اول يوم الشرفية يعني اذا البرنامج ثاني يوم ايش حنسوي اول يوم ؟ و بخصوص بطاقة الصراف حقت المكافات متى يعطونا هي ؟

السليمانية يوم الإثننين ،، والشرفية والسلامة يوم الثلاثاء ،، وكلهم في مركز الملك فيصل للمؤتمرات من الساعة 8:30 إلى 12

[asma.]

ما فهمت عليكي هم كاتبين الثلاثاء فرع كليات البنات يعني يقصدو الشرفية و السلامة ؟
يعني اروح احضر هناك ؟ او ففرع السليمانية ؟

[هتون م.]

في السليمانية بالنسبة للبس كيف الضوابط عادي البس بنطلون وتيشيرت ولا لازم تنورة والعباية عادي افكها ولا لازم اقعد لابستها 😕

[Somaiah Yousef]

المشاركة الأصلية كتبت بواسطة asma. ما فهمت عليكي هم كاتبين الثلاثاء فرع كليات البنات يعني يقصدو الشرفية و السلامة ؟ يعني اروح احضر هناك ؟ او ففرع السليمانية ؟

إيوا بالضبط

وعموما ما ظنيت إنهم يدققوا في الفرع

على دفعتنا افتكر حددوا يوم للعلمي ويوم للإداري ويوم للانتساب وعن بعد

[Somaiah Yousef]

المشاركة الأصلية كتبت بواسطة هتون م. في السليمانية بالنسبة للبس كيف الضوابط عادي البس بنطلون وتيشيرت ولا لازم تنورة والعباية عادي افكها ولا لازم اقعد لابستها 😕

عادي تلبسي اللي يريحك حبيبتي

البناطيل مسموحة بشكل عام

بس المهم مايكون لقنز + بلوزة قصيرة

والعباية على راحتك طبعا

لكن في محاضرات الانجليزي الدكتورات غالبا مايسمحولك تلبسيها وقت المحاضرة

[هتون م.]

المشاركة الأصلية كتبت بواسطة فيونكـه عادي تلبسي اللي يريحك حبيبتي البناطيل مسموحة بشكل عام بس المهم مايكون لقنز + بلوزة قصيرة والعباية على راحتك طبعا لكن في محاضرات الانجليزي الدكتورات غالبا مايسمحولك تلبسيها وقت المحاضرة

شكرا حبيبتي
كويس اجل، عموما ماحأدرس انجليزي الحمدلله ❤