تجمع طالبات الانتساب المستوى الخامس --اخبار الدورة فقط

[SσσσMαα]

ايوه على فكره سويت التعاريف مع امثله للغويات اتمنى تستفيدون منها عباره عن 19 صفحه اقل من الملخص اللي حطه الاخ فهد يعني للي يبغى مراجعه على السريع للتعاريف فقط
اتمنى تستفيدون منها

[ام حمدان]

ايوه غلطت ورجعت انتبهت لغطلتها وي مو بشر هي طبيعي تغلط

عموما انا ماقريت الشروحات لسى واتوقع الي ذكرتيه صحيح عن الconfict
بس راح تتأكدي من قراءتك للشروحات لكل قصه

وشكرا جزيلا على ملف اللغويات الله يجعله ثقيل في ميزان حسناتك

شكرا الهام ايوه لقيت الي ابغاه في ملفك الله يسعدك


بنات شعبة مس سهام فطاني

ايش قالت لكم على تعاريف العناصر راح تجي على شكل تعريف او فراغات ولا لا
لانه مس نجوى اول قالت لنا مستحيل تجي وعلى اخر محاضره مااعطتنا اجابه شافيه
قالت مو لو طلبنا منكم الثيم ولا البوينت اوف فيو ولا اي عنصر للقصص او المسرحيه او القصايد تتكلموا عنه انتوا فاهمين ايش المطلوب اذا خلاص تقدروا تعملوا له تعريف في حال طلب منكم

لاحظت كانت حريصه مايزل لسانها معنا هههههه مسكينه عملنا لها استجواب في اخر محاضره
الله يسعدها ياناس حبيتها بشكل وإن شاء الله مانندم اننا اخذنا معاها الكورس يارب خارجنا من موادنا على خير

[white rose]

ام حمدان يعطيك العافية ومشكورة يا عسولة على الشرح والرابط الحلو وفعلا انا ما سمعتها لمن قالت انو فيرست بيرسن..
والهام الله يوفقك يارب من جد ملفك روعة
وسومة يا قلبي لا تشيلي هم بالنسبة للتعاريف راح تلاقي في اخر الملزمة تبعت الادب (اللي فيها القصص والشعر والمسرحية ) ورقتين تقريبا او ثلاث فيها تعاريف مرة مبسطة يمكن سطر او اقل احفظيها من هناك اسهل لكي من باب الاحتياط..او زي ما قالت ام حمدان بسطي التعاريف بأسلوبك لو حبيتي تحفظيها من السلايدات تبعتها ومشكورة على الملف تبع اللغويات حملته وجاري الاطلاع عليه يا عسل

[إلهام]

ملفآتـ مفيدهـ للفصول الأولى لـمآدة اللغويآت ( طريقة الأسئلة )
مآ أدري إذآ أعطوكم هيه أو لآ

Answer Sheet for Mock Test.docx
revision-Sample exam questions.doc
Worksheet 1 Intro Class.docx
Worksheet 2.docx

موفقين ,,,

[إلهام]

طبعآ ركزوووآ على الأسئله آخر كل فصل .. والأجوبه موجودهـ في آخر الكتآبــ للي حآبهـ تعرف هل إجآبآتهآ صح أو لآ ...

[SσσσMαα]

ام حمدان وايت روز العفو ما سوينا الا الواجب
وخلاص باعتمد على السلايدات وان شاء الله ما يطلع شي عنها

عندي سؤال كيف اقدر اطبع السلايدات من غير الصور والحاجات الزايده اللي فيها

يسلمووو الهام على الملفات ويعطيك الف عافيه

[ѕυрзя пıdσ]

سلاف الشخصيات توصفيهم ابتداء من الشكل وايش لابسين
وكيف طبيعة شخصيتهم من ناحية شريرين طيبين وتجيبي دليل من كلام قالوة في القصة خلاكي تستنتجي الشي دا
ومن موقف مع شخصيات اخرى ,, هادي فايدة الشخصيات التانية تقدري تحكمي عليهم من كلامهم وتحكمي على
الاخرين من طريقة كلام الشخصيات الاخرى عن نفس الشخصية ..

ان شاء الله وضحت الصورة لانو احس كلامي مو مفهوم ههههه
واذا اي بنت حابة تضيف او تصحح كلامي لاني دا الي فهمتو من كلام الاستاذة


تاني حاجة مين بدت في القصايد ؟؟؟

انا واصلة لـ red red rose

وسؤالي هوا ايش الغرص من الريبيتشن في red red ???

الي اعرفو الـ red rose symbol of love or pure love

بس ايش الغرض من تكرار الكلمة ؟؟؟


تاني شي في كلمات مافهمتها في الستانزا الاخير :

And fare thee weel, my only Luve!
And fare thee weel, awhile!
And I will come again, my Luve,
Tho’ it were ten thousand mile!

بليييييييييز الي عندها ترجمة او معنى لدي الكمات لاتبخل عليا


وبس ...

[ѕυрзя пıdσ]

يعطيكي العافية يااااااااارب

طيب بالنسبة للشرح تتوقعو انها تطلب مننا شرح مفصل ؟؟؟
لاني اذاكر بإيجاز وشرح مختصر للستانزا ككل

مادري هيا حتطلب مننا شرح القصيدة كاملة
او اجزاء معينة

واذا جابت الـ analysis للقصيدة الفلانية
نشرحها من اول كلمة لآخر كلمة ؟؟

[ام حمدان]

والله ياندو مااستبعد

بقولك ايش الطرق الممكنه على جزء الشعر

ممكن تجيب لنا زي ماقالت في المحاضره لو تتذكري قالت ممكن اجيب لكم بيت من القصيده واحط لكم فراغ واطلب منكم تكتبيوا بس اي نوع المحسن البديعي المستخدم هنا
وتكتبي مثلا استعاره او تشبيه
مثال
mylove like ared red rose------
المحسن هو simile

اما الطريقة الي شددت عليها وهي الي المفروض تعلمليها على كل قصيده
anlaysis
زي لمن شرحتلنا البراقراف على قصيده لندن كمثال

روحي ارجعي للصفحات السابقه وكمان لملف وايت روز وراح تلقي الطريقه بالضبط

هيا قالت في لو طلبت التحليل
بس تكتبوا العناصر السته كيف استخدمها
وعلى كل محسن بديعي استخدمه اعطوني على الاقل مثال واحد من القصيده

حكاية شرح الابيات وارده
بس مااذكر انها قالت كيف ممكن تجي :(

لكن اتوقع لو فرضا جانا سؤال مثل كذا راح تطلب منك شرح مقطع معين لان الوقت مايكفي ابدا وماسبق وسمعت انه جا شرح كامل لمقاطع القصيده

عموما احنا المفروض نكون متجهزين وفاهمين شرح كل مقطع
عشان لو طلب مننا نشرح مانواجه مشاكل وبعدين عادي انتي اقري الشرح وبسطيه بأسلوبك لانه صعب تحفظي اهم شي افهمي وارجعي صيغي الي فهمتيه بكلماتك انتي ومس نجوى لو لاحظتي تحب الشرح البسيط ماتستخدم في شرحها كلمات معقده مثل بعض الناس :)

ربك يعين ياندون الماده هذي عيبها دسامتها ولا هي حلوه

بالتوفيق

[ام حمدان]

حاضر ياابله ميمي حولتها لpdf


يابنات مثل ماهو باين في توقيعي انا في اجازه من المراقبه وماراح ادخل مثل اول فلو احد سئلني عن شي او طلبني ومارديت اعذروني لانه مو فاضيه ابدا هالفتره مشغوله بمذاكرتي مثلكم

الله يوفقني ويوفقكم جميع