::] ظهور عَلني [::

[Fatema Alshareef]

تركي شكراً .. هل من مزيد ؟؟
وبالنسبه للرعب لاعليك .. مادام أني تحررت من السكن وبين أحضان أسرتي

[Fatema Alshareef]

جاري البحث عن الافلام

[بداياتي نهايات]

يمممممه

Fright Night

هي اسمعوا عاد..

في احدى الليالي القرويه الهادئه,اجتمعنا في بيت جدي الله يرحمه..

جلسنا جلسه تشبه جلستكم هذه بس ف الحوش ,قصص وروايات عن الجن,قررنا نسوي أكشن ونتحدى

بعض نشوف من الأشجع..


تحدوني أفتح البوابه,وأروح أمشي لين نص الطريق الوعر المظلم قبلت التحدي بس بشرط

مايقفلون البوابه عشان ضو الحوش يونسني..قالوا ولا يهمك مابنقفلها

وأصدقهم الحقيرين وأروح افتح البوابه وأمشي وأبعد ..أبعد

يوم بعدت بمافيه الكفايه,يجي ولد خالي ويطلق تلك الضحكه المدويه التي أزعجت شيبان القريه

ويقفل البوابه!

واذا بي وحيده في طريق مظلم ووعر,وأصوات الكلاب من كل حدب وصوب

والله واستجمع قوتي

ومشيت بهدوء وأنا اسمي..زي الموون ووك تبع جاكسون بس على قدام وحافظت على رباطة جأشي

مع ان قلبي شويه ويطير ويسبقني ع البوابه

يوم وصلت البوابه انهرت..أدق بأقوى ماعندي أفتحوا الباااااااب

انتهى الموقف وهم يضحكون..وأنا لا زلت شاحبة اللون..

ولد خالي هذا طاغيه..تخيلوا كان ياخذ الخنافس ويحطها ف علب كبريت فاضيه

ويرميها ف طريق السيارات عشان تدعسها

هههههههه مشكور تركي ع الموضوع

[TURKI ALharbi]

لا طلعه الشاشه هع

بنت خدي الفيلم دا The Orphanage
انصحك تشوفي Trailer تبعو
فيلم خرافي

[Fatema Alshareef]

فيلم طارد الارواح لم يروق لي ..
انا لا اريد وجوه مشوهه ودمآء .. واشعر بالسخف عندما أشاهد مثل هذه الافلام
ومن يعرف فيلم دريم هاوس يفهم مطلبي ..

هناك فلم لفتاه انتقلت من منطقتها للدراسه وسكنت في سكن للطالبات مهجور ومسكون
وعندما تشير عقارب الساعه إلى الثالثه ليلاً تستيقظ من النوم مفجوعه ويتكرر معها
هذا الموقف باستمرار وفي الاخير يكتشف اهلها أنها ممسوسه وتقتل على يد الجان لأنها أرادت خلع الصليب
وهو لا يريدها أن تخلعه أو العكس لا أذكر ..
من يعرف اسم هذا الفلم فليسعفني به ..
صحيح أن فيه قتل ودم ولكن أحداث القصه تغريني لمشاهدته واحداث القتل فيه قليله ..

[حبي نفسي]

اللي عندنا في الديره فيهم ذرابه لا ازعاج ولا شيء بس يرمون عليك حجارة

ياااااسااااااااااااااااااااااااااااتر






صصراحة مو الوقت المناااسسب اللي اقرا فيه المووضوع

البيت كككله نااايم




ان هذا المسستخخدم بداء يوسووس

[Fatema Alshareef]

تركي ..
سبق أن شاهدت فيلم paranormal activity

سأشاهده مره أخرى .. يا للمتعه

[أسماء بنت الزهراني]

تركي سامحك الله يا أخي صحيت من حلم جان قبل نص ساعه ..
ولو تدري وش الحلم !!
حلمت أن أبوي وأخوي يقولون في عرضه رايحين لها ..
وهو مافي عرضه بس عرضة جن ..
وأنا الجني بالحلم جاني يضايقني وأنا تعبانه في الحقيقه .. وبالحلم كنت لا أستطيع ان افتح الا عين واحده وماكنت خايفه من الجني ..
بس كنت احس بثقاله ومو قادره انهر الجني واخاصمه ..
وصحيت وانا اناظر بجهة العاب أختي الصغيره
شكلها سبب في هذي الرؤيا ..
المهم قمت صليت الليل والحين ماعاد فيه نووم .. هع
......................................
في موقف حصل لي قبل ثلاث اشهر ...
كان الوقت متاخرا فتحت شباك الدرج ونظرت الى الشارع وكان خاليا ..
تفاجأت بقطه حالكة السواد ولكنها تنظر باتجاهي @_@
استمريت بالنظر لوهلة قصيره وتعوذت بالله من الشيطان الرجيم .
وقرأت اية الكرسسي .. بس مافيه أمل القطه تناظرني بنفس النظره ..
وماقدرت اتحرك ولا اقفل الشباك ..
فسويت اصوات غريبه ابيها تروح واقوول مياو ومياو واعععععع
بس مو راضيه تتحرك ..
اخر شئ عصبت وقلت لعنك الله ياشيطان روحي من هنا واصيح عليها ..
والله خفت الجيران يصحون .. لكن اللي حصل انها استجابت لصياحي ..
وتحركت لفت لورا ورجعت شوي بخطواتها وجلست ع الارض وكملت التأمل في الشباك باتجاهي ..
قفلت الشباك وانتهى ذاك اليوم ..
علما باني كنت مو ذاك الالتزام بالصلوات والسنن بشكل عام ..
وقبل يومين بتوقيت مقارب لذلك التوقيت ..
طبعا انا لي شهر والله يثبتني ملتزمه ولله الحمد بكل خير ..
قمت صليت الليل ..
وكان الشباك مفتووح ..
ألقيت بنظره .. !!
تفاجأت بنفس تلك القطه وبنفس الموضع ..
ونفس النظره ..
بصراحه خفت انها تطير باتجاه الشباك قريت اية الكرسي وانا اناظرها وهي تناظرني والله ماقدرت اكمل
قفلت الشباك وكنت اتمتم بيني وبين نفسي ..
اقول ياربي الهمني قوة الايمان .. كيف انا تحملت بالمرة الاولى ..
كانت ليله مرعبه ..
نزلت اغسل ملابس اخوي طبعا الغساله بالدور الاسفل ..
وانا قاعده اغسسل احس بخيالات وكل ما التفت ما الاقي شئ ..
اخر مره التفت شفت خيال اسود عاد لحظتها تجمدت عظامي ..
وقف شعر جسمي ..
قلت بنفسي هذي القطووة !!
وقفت كل شئ ولفيت يمين يسار وسميت بالله واقرا سور
ومالقيت شئ لا بالغرفه ولا بالسيب .. كملت بسرعه واخذت غسييلي ..
اتوووقع اني كنت داعسسسه 180 !!
بجد يوم مرعب ولما قلت لاهلي انفجعوا لاني قد حكيتهم عن القطووة ..
شكلها للحين مايفارقني خصوصا المرة الثانيه ..
والقصص اللي حصلت لي كثيرة مع الجن والحمدلله انها سليمه بكل مرة هع
شكرا اخ تركي مرة اخرى

[حلاي من حلى روحي]

الله يسعدكم ضحكتوني
الله يحمينا واياكم من شرورهم واذاهم يارب
والجن ممكن نشوفهم بصورة اشخاص نعرفهم ^^

وحده من البنات كانت تحكيني انهم يجونها وتسمع اصوات اطفال يبكوا جنبها وتحلم احلام مفزعه بحيوانات وكذا..والخ من الرعب اللي تعيشه
الله يشفي ويعافي كل مبتلى يارب ياكريم
الحمد لله الذي عافانا مما ابتلاهم به وفضلنا على كثيرا ممن خلق تفضيلا

[* تركي *]

/

- نهايات. هههههه ، عَاد صدق لازم من الانهيار عند نقطة الوصول ههههه.

،
- جامعتي ، ما يخطر ببالي هـ الحين أفلام جن صراحة لأني قليل المشاهدة لأفلام الرعب. لكن فلم طارد الأرواح بالعكس مابوه دماء. الفكرة الأساسية تدور حول فتاة تلبسها جني وأهلها يحسبونه مرض أو شيء لين بالنهاية ينادون قسيس مدري وش ويعلمهم بالحقيقة ويحاول يقرا عليها.



::