كلية الكيمياء اللحيوية ^_*

[قلبي مملكه]

طيب واحنا البنات نروح لكلية الملك فهد الامنية مثلاً
طيب والي ماعندها محرم كيف تبتعث؟
خلاص معاد يرضو بالبكلريوس
انا لماتدربت في المستشفى كانوبعض الموضفات كيمياء حيوية يعني اش فرقنا عنهم ؟

[شذاالورد]

سؤال للي فوق باي مستشفى اللي تتكلمي عنها ..؟ وانتي وش لقيتيهم يشتغلون ..؟
ايه غريبه ليش اهم والباقي لا ..؟ ماجا ع بالي غير الواسطه .. والله نحنا برقبتهم يوم القيامه ومانسامح اللي خطا بحقنا الله لا يهنيه بحياته الله خطا هالخطوه واقترحها ونفذها ،، امييين

[قلبي مملكه]

مستشفى العزيزية

يشتغلون اخصائيين مختبر ..احنا حتى لو اتوظفنا حنشتغل فنيين مختبر
بس طبعا هما اشتغلو قبل القرار حق الوزارة ماينزل

[Aziza Yahya]

برضو في الطبي الدولي شوفت بنات بايوكمستري .. بس يا في استقبال عينات

او سحب دم -_-

[دافئ الإحساس]

المشاركة الأصلية كتبت بواسطة azoooz~ برضو في الطبي الدولي شوفت بنات بايوكمستري .. بس يا في استقبال عينات او سحب دم -_-

والله يا حسيت بتحطيم من دا الكلام اللي قولتيه

بس في نفس الوقت عندي امل كبير انها حتفرج إن شاء الله

حسبي الله ونعم الوكيل

[دافئ الإحساس]

المشاركة الأصلية كتبت بواسطة dunhill.1990 والله ياجماعة اللي يقول مافي وظايف :) مستحيل تبا وظيفة ومعدلك مو مرتفع كيف كدا ؟؟؟ جيب معدل حلو يمديك تكمل درسة لو تبا جيب معدل حلو تتوظف إن شاء الله كيف بتتوظف ومعدل 3 او 2 من جد حرام يوظفوك وفي عالم 4 و 4.5 و 5 ترا الموضوع كلو في المعدل مرررررررررة مرررررررررة قفلت في وجهك اله يخلي الابتعاث ماتبا مادك الا كلية الملك فهد الامنية :) بس

شكلك ماقريت المقالات اللي في الجريدة

و ع فكرة في بنات معدلاتهم عاليه واخرتها

يشتغلو اداريات

وفي وحده معدلها 4.98

وقاعده في البيت

يعني الهرجة مو هرجة معدل الهرجة هرجة واسطة وبالقوة نتوظف او نطق في البيت وبس

يااارب افررررجها

[دافئ الإحساس]

وفي واحد اشتغل في البلدية

وبراتب 3 الاف او 4 الاف

يعني مايفتح بيت حتى

[Aziza Yahya]

المشاركة الأصلية كتبت بواسطة دافئ الإحساس والله يا حسيت بتحطيم من دا الكلام اللي قولتيه بس في نفس الوقت عندي امل كبير انها حتفرج إن شاء الله حسبي الله ونعم الوكيل

لا للتحطيم -_-

بس كنت اقولهم ع اللي شوفتو =)

أنا دايماً اقول إنها في النهاية اجتهادات شخصية ، حسب تميزك وقدراتك الناس حتشغلك

و بالنسبة للي يقول وظايف وما وظايف ..مش هادي مشكلتنا الأساسية

المشكلة إنو مو معترفه فينا وزارة الصحة ..؟! + ليس لنا مسمى وظيفي .

يعني خريج الهندس اسمو مهندس و يشتغل ع اساس إنو مهندس

خريج الكيمياء الحيوي اسمو ... حيّوكيمائي ، بيوكيميائى ، وت ايفر .. بس يشتغل فني مختبر ، يسحب دم ، استقبال عينات ..


كل شي حيتغير بإذن الله =)

[لوفه]

لا تتحطمو اذا يأسنا رح نفضل زي مانحنا نتخرج وفي البيت
يمدينا نغير القرار بس يبيلنا نكون يد وحدة ونوصل الكلام لابو متعب ورح يعترفو فينا غصب عنهم

[Dynamite Girl]

سسللاام ..
كنت بارسل الرسالة ع الخاص ..
بس جاني انو ما اقدر :(
لازم مشاركاتي تكون اكثر من 100 -__-
سوو .. بنزلهاا هناا .. زي ما كتبتها للاخ دافئ ..


سسلام اخووي ..
كيف حالك ؟ ان شاء الله تماام ,,

مممممم ..
حادخل في الموضووع على طول ..
انا ششفت موضوعك عن مستقبل طلبة الكيمياحيوي ..
مرررة انصدمت انا لما عرفت القرار ..
النااس برا يدورو على البايوكمستريين ويوظفوهم برواتب ككويسسة ..
تخصصهم مرة مهمم ...
بس .. هنا ما حدحيقدر..
انا ما حاقولك عشان تتحطم ..
الناس اللي ماسكة المناصب دحين ..
ما تعترف الا بالواسطة .. والمسمى العالي كالطبيب والمهندس ..
بس لماا احنااا .. نمسك المنااصب .. حنرجع مكانة العالم زي ماكانت أول ان شاء اللله ..
موضووعنا لازم تتساولو تغطية اعلامية ..
طبعن في دا الموضوع رح نضطر اننا نستعين بالاعلام القديم ..
لعل وعسسى يوصل صوتناا ..
اول شي عن طريق الجرايد ..
في حركة بجريدة عكاظ عاملينها ..
عبارة عن صورة يحطوها لخطأ من البلدية .. او عامود مكانو خطر .. او استفسار من مواطن لمسؤول عن شغلة ..
ويخلوها لحدددد ما يرد أحد ويصحح الوضع ..
نقدر نتواصل مع الجريدة .. ونخليهم يحطون موضوعنا كنوع من الاستفسارات .. وانا اخترت عكاظ لانها تخلي الاستفسار ان شاللهه لوو مليوون يووم .. لحدما يرد علييه مسؤول ..
دا من ناحية المسؤولين ..
كيف نوصل الموضووع للناس .. او للي قدناا ..
الاعلام الجديد ..
في البرامج المنتشرة ع اليوتيوب .. مثل " لايكثر " و " على الطاير " ..
لوتكلمنامع المنتجين وخليناهم يتكلمون عن موضوعنا .. رح يوصل لشريحة أكبر كماان ..
لما يوصصل صوتنا .. من طلبة جامعة المؤسس مع طلبة جامعة سسعود ..
ان شاء الله رح يحسون النااس المسؤولين ..
دا كان اللي عندي ..
رح احاول اساعد بأي شي جديد ..
الله يوفقنا في اللي نسويه ..
واسفة ع الاطاله ..

سسلااام


-----------------------------
ان شاء الله وصلت المعلومة للجميع
اللي عندواي افكار ثانية يساعدناا