|| تجمـع طـآلبـآت الإنتظـآم : جدآول - حذف و إضـآفة - أستاذات و مــوآد : حيـآكُــن ||

[انا رورو انا]

المشاركة الأصلية كتبت بواسطة اللهم عونك بنات أبغى أسأل عن بعض الأستاذات إذا سمحتم أفيدوني : منال التاودي في السوسيو والأبلايد والسيمانتكس ليلى الشرقي نهى الشرفا في النحو ( السنتاكس) منى البلوي في النحو أو الصرف نجاح الجحدلي في السوسيو والسيمانتكس أفنان فطاني في السيمانتكس سؤال إضافي إذا سمحتم : مين أفضل بالدراما إيمان بوترعة ولا إيمان حمزة؟؟؟؟ بالتوفيق يارب للجميع..

سوسيو وا بلايد مع دكتورة منال انسسسسسسي متعب متعب متتتتتتتتتعب لان اسلوب الدكتورة بالاسئلة فراغات وسؤال واحد مقالي والسوسيو والبلايد مواد دسمة جدا ودكتورة منال تدريسها من البوك وماتحذف اي معلومة اما الاستاذات التانيات يعملوا سلايدات للبنات تسهل عليهم المادتين دي ..اما السيمانتكس خذيه معاها في حال ان شعب دكتورة نجاح صارت فل صراحة السيمانتكس مع دكتورة نجاح الجحدلي ممتع وسهل جداا بس اذا قفلت شعبها لا تاخذيه مع افنان فطاني خديه مع منال التاودي

ومس نجاح الجحدلي عموما اسئلتها ماتخرج من سلايداتها ابد واسئلتها سهلللللله حتى ماتخرج عن امثلة الكتاب في اختباراتها

دكتورة ليلى الشرقي تعطي مودرن امممم اسئلتها فيها فلسفه شويتين و منهجها كله ناس مرضى نفسيين ومضطهدين وتعطي بالكورس روايتين ومسرحيتين و6 شورت ستوري وطبعا تعطي تكاليف تساعد على رفع درجاتك و اخر الترم تطلب من البنات بروجكت اي مشروع يكون له علاقه بمادة المودرن مثلا تترجمي احد القصص الي درستيها معها او اي مسرحية من الي درستيها معها او تعملي اي فكرة جديدة ومفيده وحلوه لها علاقه بمادة المودرن اسئلتها مااقدر اقلك سهله ولا صعبة مستحيله بس اسئلتها قليله مثلا الدوري الاول 5 اسئله مقاليه وكل سؤال صفحة او صفحة ونص تحب البنت الي تتفلسف معاها وتكتب وتعبي الورق ماتدقق كثير بالاخطاء الاملائية وتتجاوز عنها كثير بس اهم شي عندها تكتبي كتير والي تكتبيه يبين انك فاهمه سؤالها كويس ويبين انك فعلا ذاكرتي وقراتي النوفل او البلاي

والاغلب يمدح دكتورة سوزان فكهاني في مادة المودرن

دكتورة افنان في السيمانتكس ما افضلها صراحة اختاري اما دكتورة نجاح او منال

مادة الدراما ايمان حمزة وايمان بو ترعه كلهم كويسات بس احس اسئلة مس ايمان بوترعه اسهل ولو تفتحي اذانيكي معاها كويس بكلاساتها وتحضريلها اووووووول بأوول تدخلي اختبارك وانتي تكوني تقريبا متوقعه اسئلتها لانها لمن تقول السيمبولز مهم يعني مهم وحيجي ولمن تقلك المسرحية دي كلها ثيمز يعن يحيجي سؤال في المسرحية دي عن الثيمز(المس مزاجيه حبتين بس طيبة وممنوع تغيبي لازم تكوني مجتهدة وتحسسيها باهتمامك بمادتها لان لو حست منك عدم اهتمام وغيابك كتير فحتعطي f وانتي مغمضة بس لو حسستيها باجتهادك وحضورككويس حتى لو كنتي محتاجة كم درجة عشان تعدي المادة حتعطيكي هي )

مس ايمان حمزة ممتازة ومجتهدة بس شخصيتها قوية حبتين يعني ممنوع تدخلي بعدها ياويل الكلاس اذا ماكان محضر وقارى البلاي قبل لايجي تبغا اجتهاد وتاخدي حقك ع قد ماتعبتي بس شغلها كتير حبتين يعني ومااشاء الله تحفظ وتعرف بنات الكلاس وحدة وحدة الاثنين كويسات سواء حمزة او بوترعه انتي استخيري وشوفي نفسك تميل اكتر لمين

[انا رورو انا]

المشاركة الأصلية كتبت بواسطة the heaven بنات احد يعرف مواد حره سهله ترفع المعدل

سيرة نبوية وخلفاء راشدين مع دكتورة سمر (قسم تاريخ)
مؤسسات معلومات مع سوزان افغاني (مكتبات)
نصوص سياحية باللغه الانجليزيه وصال ابو العلم (تاريخ قسم سياحه)(دقيقه في الحضور والغياب وعليه درجات بس المنهج تااااااااااافه تااااااااااااااااااااااااافه)

[lady tulip]

بنات كيف أسلوب الدكتورة ليلى الشرقي (كريتسزم) في التدريس؟ التكاليف؟ الاسئلة؟
أهم الشي يكون الكلاس ممتع
و لو أحد معاه خبرة مع دكتورة سعاد العبسي في الفلسفة بس حبيت اعرف لو هي تدي تكاليف كثيرة؟ و طريقة اسئلتها؟

[mml]

اللهم عونك
انا اخذت دراما مع ايمان حمزة الترم الي فات
زي ماقالت اختي رورو لازم تكونين محضرة
بس لو عرفتك والله تحطك على راسها وتراعيك
الكورس كان مرة حلو معها
وتكاليفها اسهل من تكاليف بنات ايمان بوترعه :/ كانت وحدة من صحباتي معها
وقالت لي وش كان التكليف بصراحه انفجعت
مس ايمان حمزة تدقق بالحضور يعني اذا تأخرتي 5 دقايق بعدها انسي تدخلين
بس مرة طيبة واسئلتها مرة سهلة ومن شرحها بالكلاس
يعني ياليت تكتبين معها نوتس
+ قبل كل اختبار تسوي كلاس مراجعة فيه نقاط منها ويجي منها اغلب الاختبار
زي ماقالت رورو استخيري وشوفي

قود لك

[Lo_OLy]

صبايا نزلت الجداول و الا لا ؟؟

انا شيكت و ما لقيت شي .. و لسى ما اخترت المسار

ممكن علشان كذآآ ما نزلت ؟؟؟!!

[Lo_OLy]

كماان سؤال .. انا جدولي حيكون مقدمه في الأدب و فونتكس و فكر فلسفي

أبغى مادتين كمان ..إيش تكون ؟؟

[mml]

لولي
لسه مانزلت الجداول
خذي مورفولوجي ،، تعتبر من اسهل مواد القسم

[Lo_OLy]

mml

الله يسعدك طمنتيني ..
طيب مين احسن استاذه للمورفولوجي ؟؟

[فكتوريا]

احسن استاذه للمورفولوجي أ/ هند بن فريج
الله يسعدها حبوبه ومررررررره متعاونه
و بالتوفيق يارب

[ريم17]

بنوتات كيف ارسل معامله تمديد فتره ؟؟

بليز قولولي الطريقه كيف في الاوديس الجديد ؟ ضروري

انا بروح الجامعه يمكن على يومة الربوع بس بدي ارسلها من البيت بعدين اتابعها ع النت ..