[ التــرم الصيفي لطالبـات الإنتظـام - قائمـة الشعب الدراسيــة هُنـآ ]

[انا رورو انا]

المشاركة الأصلية كتبت بواسطة dodow يارورو ماشاء الله عليك طيب كيف

المشاركة الأصلية كتبت بواسطة dodow كيف مستقبلك الوظيفي واحكيلنا عن تجربتك في القسم مع كل استاذة الله يسعدك

والله ياعسوله الين دحين مافكرت بالوظيفه اول شي ابغا امسك وثيقتي ان شالله اخدها وقت تسليمها بدايه شعبان ..بالنسبة للاستاذات قبل ماتسجلي في اي مادة لازم تعرفي مين هي دكتورتك عشان من جد مالو داعي تضيعي ترم كامل فدكتورة مزاجيه ولا بخيله فالدرجات انا في البدايات تعبت صراحة لاني ماكنت اسأل وبعدين لمن اتدقدقت منهم سرت اسأل واعرف اخد موادي مع مين عشان اعدي ومااحمل اي ماده اسامي الاستاذات الي انصحك فيهم (د.صفاء منصوري فكشن-ترجمة د.خديجة باوزير-اللغويات اغلبهم كويسات بس في استاذات مادرست معهم زي د.ايمان عبده وابرار مجددي مادرست معهم بس البنات يمدحو مس ابرار مجددي مس ايمان عبده شغها كتير وكل كلاس في واجب ع حسب كلام طالباتها اممممم -أ.ايمان بوترعه في الدراما -أ.نجوى غريبي ريسيرش-د.نجاح الجحدلي سيمانتكس-د.ماثر الراوي سينتاكس-د.ناريمان بويتري-د.عزيزة العيسى سوسيو و سيمنار)

دي اسماء الي درست معهم وعديت معهم ولله الحمد والمنه
ابعدي كل البعد عن نسرين الحربي-افنان فطاني-رندة ال شيخ-شادن-منى البلوي(ممتازة في الشرح بس للامانة اخذت معاها فوناتكس زمان رسبت ثلاث ارباع الكلاس تقريبا مع اني كنت حاله وماتوقعت الرسوب ابدااا فقلت بعدها توبة اضيع ترم معاها بعد كدا )

في اسماء عليها اختلاف بين البنات زي د.منال عني انا كنت احبها بس في كتير بنات مايحبو ياخدو معاها لانها تحط 10 فقرات فراغات وسوال واحد ايسيه فكانو البنات يكرهو سؤال الفراغات مع انو يجي كوبي بيست من البوك بس اذا ماتحبي هالاسيلوب لاتاخدي اي كورس مع منال التاودي لان هذا هو اسلوبها فكل مادة ,,الابلايد مع مس هيفاء الروقي البعض يمدح فيها والبعض لا بس عموما مس هيفاء الروقي عسل عسسسسسسسل واخلاق للامانة اخدت معاها زمان مقدمة في اللغويات اسستني كويسسسسسس فهالمادة بس هو الابلايد اصلا دسم مرا ودمه ثقييييييل جدا .

وفي اسماء استاذة مادرست معاها بس سمعتها طيبة ويحبونها البنات مررررا زي مس اشواق بصنوي يضاربو البنات على شعبها كانت تعطي مقدمة في الادب بس انا اتوقع مجرد توقع انها ممكن تعطي الترم الجاي دراما او فكشن لان في كتير استاذات قالو حيستقيلوا زي مس سهام فطاني و ايمان حمزة وسحر نصيف ودول كانو يدرسو مواد ادبيه فاحتمال يجيبو بدالهم وحدة من الاسماء الي ذكرتهم لكي

والله يوفقك يارب واي سؤال انا حاضرة :)

[naan]

بنات سجلتو ولا لسه انا مو راضي من الموقع ومني عارفه هل هو عشان لسه ما بدأ التسجيل ولا بس انا اللي مو راضي يفتح معايا؟؟؟؟

[انا رورو انا]

المشاركة الأصلية كتبت بواسطة naan بنات سجلتو ولا لسه انا مو راضي من الموقع ومني عارفه هل هو عشان لسه ما بدأ التسجيل ولا بس انا اللي مو راضي يفتح معايا؟؟؟؟

اعتقد لسا ما بدأ التسجيل لاني فتحت التقويم حق الصيفي مكتب فيه قريبا

http://admission.kau.edu.sa/AccessPa...ng=AR&SYS_ID=7

[Raan]

انا دخلت اليوم لقيتهم شايلين الترم الصيفي

اللي كان موجود ..بلكن يعدلوا فيه

في موقع الجامعة كاتبين انه الصيفي يبدأ

7/26 يعني مو السبت دا اللي بعده

[Zooni]

فين بالزبط ألقى الشعب الدراسية ؟
فتحت قائمة الشعب مافيها شي

[Raan]

^

هاي zooni

تفتحي الطالب و بعدين التسجيل وبعدها البحث عن الشعب الدراسية

وحينقلك لصفحة بحث حسب الفصل الدراسي ومفروض تختاري الفصل الدراسي الصيفي 2012

بس زي ماقلت انه كان موجود خيار الفصل الدراسي الصيفي 2012 بس الان انحذف

[Raan]

رجعت مواد الصيفي

انحذف المودرن وانضاف مناهج بحث مع دكتورة سوزان

للاسف مااضافوا كرتسزم مع انه احنا خريجات وخليناه لانه كل صيف ينزل

بالتوفيق للجميع

[أنا الحزينه بنت همي وغمي]

صباح الخير

الله يعطيكم العافيه جميعا

عندي كم سؤال

- اقدر اخليهم يفتحون شعبه ماده عامه ليا لوحدي , لانه في 3 شعب على مدى ايام الاسبوع بس متعارضه مع مواد التخصص ؟ وش الحل ؟

- متى موعد تسليم وثائق التخرج , لخريجات الصيفي بإذن الله ؟

- مين فيكم تدرب بالاذاعه في حي النزله , وكيف الوضع هناك .. عندي تدريب هناك بالصيفي والله يعين

[nour al3mr]

المشاركة الأصلية كتبت بواسطة Raan رجعت مواد الصيفي انحذف المودرن وانضاف مناهج بحث مع دكتورة سوزان للاسف مااضافوا كرتسزم مع انه احنا خريجات وخليناه لانه كل صيف ينزل بالتوفيق للجميع

للآسف المودرن كان مهم ..
الكريتسزم مس سهـام من الترم الماضي قالت ما بتعطيه في الصيف و إن شاء الله تعطيه الترم الجـآي و ماتروح من القسم :|

الله يهون عليكم ..

المشاركة الأصلية كتبت بواسطة dodow hi my dear nour al3omr can you please tell me about your experience in the english department and with the instructors & who is the best insructor for you thanks a lot.

حيـآك الله ..

أسـألي عن اللي حابه تستفسري عنها و نفيدك عن الأسـلوب في نمط التدريس بإذن لله

المشاركة الأصلية كتبت بواسطة أنا الحزينه بنت همي وغمي صباح الخير الله يعطيكم العافيه جميعا عندي كم سؤال - اقدر اخليهم يفتحون شعبه ماده عامه ليا لوحدي , لانه في 3 شعب على مدى ايام الاسبوع بس متعارضه مع مواد التخصص ؟ وش الحل ؟ - متى موعد تسليم وثائق التخرج , لخريجات الصيفي بإذن الله ؟ - مين فيكم تدرب بالاذاعه في حي النزله , وكيف الوضع هناك .. عندي تدريب هناك بالصيفي والله يعين

ما أعتقد أبداً لأنك انتظـآم لازم تحضري لو انتساب كان ممكن
بس أسـألي في القسم ممكن في تغيير هذا الترم
الوثائق منزلينها هنا ..

مواعيد استلام وثائق التخرج للانتساب والانتظام الفصل الثاني..


ما جربتها فاعتذر منك ما أقدر أفيدك ..

ربي يوفقك ..

[dodow]

بنات ايش رايكم في افنان فطاني