{.. استفسـآرات الـرآغبين في التخصص بقسم اللغـآت الأوربيـــــة..} ::تفضـلوآ هنــــآ ::

[nour al3mr]

^
أعتقد أن الموعد انقضى حيث أنه كان يوم الثلاثـآء ..

وقد أعلن عن الموعد هنــــآ ..وكان الموضوع مثبت ..

عوضك الله خيراً ..

[لل لل]

يعني مافي امل مررررررة ادخل انجليزي...؟؟؟

جايبة في elca101 100وفي elca 102 86

مايؤضو ابدا؟؟؟؟؟

[nour al3mr]

^
لا تقطعي الأمـل وحاولي و أسـآلي ..

لأنهم عقدوا اختبار من قبل للي درجاتهم أقل من 80 ..

عشـآن كذه إن شاء الله يكون في مجال تنقبلي ..

[ام راما]

السلام عليكم ورحمة الله وبركاته
ومازالت المعاناه مستمره الله يعيننا على الجامعه وانظمتها عموما انا رحت الجامعه كنت انوي احول تعليم عن بعد علشان اكمل في تخصص الانقلش وللاسف قالو لي انتهى التحويل قالت لي وحده من الاستاذات كملي هذا الترم بأي تخصص ونزلي بجدولك مواد حره ومواد عامه والسنه الجديده حولي سؤالي هو المواد اللي بنزلها الحين وبختبرها ان شاء الله اذا نجحت فيها بتحسب لي لما احول تعليم عن بعد ولا ابدء من جديد وايش ممكن احط مواد عامه هذا الترم وعذرا على الاطاله

[ام حمدان]

وعليكم السلام ورحمة الله وبركاته

لا انتبهي لاتحولي لاي تخصص خليكي زي ماانتي انقلش(اصلا مايحتاج تحولي ماادري ليه اقترحت عليكي هالاستاذه هالشي ؟) عموما خليكي انقلش وادرسي مواد عامه وحره وراح تحسب لك لكن لو حولتي لتخصص ثاني ماراح تنحسب لك مواده الا لو كانت مدرجه عندنا في لستة المواد الحره

عموما عندك في الاودس اللسته وتقدري تضيفي الي يعجبك
البنات يمدحوا السيره النبويه hist221 مع عائشة القيسي المنهج كتابين ودسم حبتين بس يقولوا سهل وكله معلومات قديمه
وكمان يمدحوا علم نفس نمو psy241 لكن مااعرف مين افضل وحده تعطيها بأمكانك سؤال بنات علم النفس في قسمهم
وهالمادتين كلهم سنترا
وبأمكانك تآخذي ثقافه 3 لو كنتي اخذتي ثقافه 2
وكمان ممكن تآخذي عربي 201 لو مااخذتيه وايضا مبادئ ادارة عامه 101 لو كنتي مادرستيها (لكنها حضور مو سنترا وبتكون محاضراتها ابتداً من 19/5)

ولا تآخذي شي من التخصص لو كنتي خايفه ينزل معدلك
لكن لو ماعندك مانع تىخذي مواد التخصص فخذي الاسهل بينهم فرنسي2 وليسننق2 او وحده منهم

فكري واختاري الي يناسبك وربي يكتبلك التوفيق فيما اخترتي

[ام راما]

يعطيك العافيه ام حمدان اصلا هم محوليني لتخصص ثاني لأني قبول مشروط حاطين تخصصي علم نفس
كفيتي ووفيتي يعني لما احول تعليم عن بعد راح تنحسب لي المواد اللي درستها ماراح ابدء من جديد
على بالهم بيجبروني اتنازل عن التخصص بس وراهم وراهم

[مروره]

http://www.skaau.com/vb/showthread.php?t=355825

[Miss louda]

بالنسبة للتخصص في اللغات الاوروبيه هما طالبين نسبة
ومسلن كانت درجاتي اقل من المطلوب
وانا سمعت انو في اختبار للتحديد وهادا الاختبار
متى حيكون قبل التخصص ولا بعد؟؟

[يفتح الله]

السلام عليكم

انا سنة تحضيرية مستوى تاني وحابة اتخصص انقلش

كان نفسي احول انتظام ومع الانظام والممارسة في الجامعة احس الأستفادة تكون اكتر

لكن عرفت اني ما اقدر احول انتظام لأن مر على ثانويتي اكتر من ست سنين

عشان كدا كيف دراسة الانجليزي انتساب؟؟

انا بابا يقولي اجيب لك مدرسة في البيت تمسكك من بداية الترم .. لكن هل هدا يكفي؟

او لازم اروح معهد؟

وسؤال تاني في اي مستوى بالضبط ابداء اتقن اللغة وافهم الكلام إللي اسمعة في الافلام او الاخبار الانجليزية

والكتابة والقراءة .. متى ابداء اكتب واقراء ويكون نطقي صحيح وكتابتي صحيحة

[MOFY]

المشاركة الأصلية كتبت بواسطة يفتح الله السلام عليكم انا سنة تحضيرية مستوى تاني وحابة اتخصص انقلش كان نفسي احول انتظام ومع الانظام والممارسة في الجامعة احس الأستفادة تكون اكتر لكن عرفت اني ما اقدر احول انتظام لأن مر على ثانويتي اكتر من ست سنين عشان كدا كيف دراسة الانجليزي انتساب؟؟ طبعا الانتظام افضل لنو تمارسيه كل يوم وماتقدري تاخذي شهر اجازه مثلا زي حالتي الحلو انو كلو بوقته انا بابا يقولي اجيب لك مدرسة في البيت تمسكك من بداية الترم .. لكن هل هدا يكفي؟ او لازم اروح معهد؟ عن نفسي مو شرط تروحي معهد ولا تجيبي مدرسه اذا عندك رغبة وعزيمة قويه حتقدري تعدي ذا الشيء لوحدك ماشاء الله في مواضيع مميزه هنا ومواقع كثيره تعطيك استراتيجيات بسيطه تقدري من ظمنها تنمي مهاراتك بانتظام وسؤال تاني في اي مستوى بالضبط ابداء اتقن اللغة وافهم الكلام إللي اسمعة في الافلام او الاخبار الانجليزية بصراحه لازم تكوني تقدري من قبل ماتخشي القسم لنو ما حتبدأي تتعلمي من البدايه يعني لو يكون عندك خلفيه في اللغه حتمشي تمام بس بروضو الناس قدرات وبعزيمتك حتقدري تعديه لنو مو شيء مستحيل و المستوى الثاالث والرابع كلو يعتمد على المهارات الاربع اللي هيه القراءه والكتابة واللاستماع والتحدث وياحبذا لو تشتغلي على نفسك من قبل لنو يخش في العميق على طول يعني يعاملوك كدارسة لغة مو طالبه في معهد والفرق كبييييير والكتابة والقراءة .. متى ابداء اكتب واقراء ويكون نطقي صحيح وكتابتي صحيحة

النطق يعتمد عليك انتي لنو الانتساب مافي احد يقرا لهم ووو الخ والكتابه قد ماتعودي نفسك وتكتبي كثير بإختصار دراسته ممارسه"" يعني لما تجي تقري اقراي بصوت عالي عشان تعودي لسانك عالنطق ’ ولما تتفرجي افلام شيلي الترجمه عشان ما تشتتك وتركزي في طريقة النطق والكلمات الجديده وصدقيني القسم روعه والدراسه فيه ممتعه للي يبغى يمشي فيه بجد

والله يوفقك