ملتقى طلاب إدارة الأعمال (المجاني)

[كلام كليم]

المشاركة الأصلية كتبت بواسطة نـبض الوفـا جدة تعرفي مين يعطي تحليل كمي

ليش أختي نبض الوفاء مو باين عندك من اللي يعطي المادة

[جدة]

اختي نبض الوفا
اخذت تحليل كمي مع سوزان ابو العينين
يقولوا كويسة
وجدولك نفس جدولي يعني اكيد حنتعرف على بعض

وياليت اللي عندها خبرعن
مو عد استلام البطاقة الجامعية
تنزلوا
والله يعطيكم العافية على هالموضوع القيم
بصراحة استفدت منه كثير
ولي عودة اذا استجد معايا شئ
ان شاء الله

[كلام كليم]

طيب أختي جدة المواد الأخرى من يدرسها

مو باين اسماء الاساتذة والا كيف ؟


الله يوفقك ويسهل أمرك

[م.عمر]

السلام عليكم ورحمة الله
انا طالب جديد معاكم اتمنى تتقبلوني بصدر رحب
تخصصي هندسة حاسب من جامعة أم القرى ودرست سمستر واحد في جامعة الملك سعود لما كان عملي هناك اخذت 3 مواد
السلوك التنظيمي - حلقة دراسية في المحاسبة الادارية-الاحصاء (حسبولي مقابله تحليل كمي من المتطلبات)
مستوى الدراسة في الملك سعود اعتقد كان احسن لانه كل الطلاب كانوا غير متفرغين وكل مادة محاضرة وحده في الاسبوع في المساء واهم شي الدراسة بالانجليزي وماطلبوا مننا اي مواد متطلبة
هنا للاسف الدراسة بالعربي والمواد مقسمه على يومين او 3 ايام وطلبوا مني 7 مواد غير ال48 ساعه في الخطة (الحمد لله على كل حال)
اضفت مبادئ الادارة عند الدكتور حمدي نصار
ادارة العمليات عند محمد يغمور
ادارة الموارد البشرية عند (غير محدد حتى الان بس شفت الدكتور سعود يتكلم مع دكتور مصري يمكن يكون هوا)
مالية شركات عند الدكتور محمد الفضلي

بالنسبة لاختيار الدكاترة بصراحه مااعرف احد فيهم لكن سالت بعض الطلاب القدامى ومانصحوني ببعض الدكاترة فما اضفت موادهم (ماراح اذكرهم حتى لاتكون غيبة) وانا اصلا محكوم بموعد المحاضرة بسبب العمل لازم تكون المحاضرة في المساء
صارت محاضراتي يوميا من 4 الى 7 وثلث مساءا هذا غير العمل واني اداوم نازل طالع من مكه :D

للاسف لما جيت اضيف المواد المتطلبة من الانترنت ماكان يبان معايا الشعب غير مواد الماجستير ورحت الجامعه اكلم الدكتور يقلي كلم السكرتير واكلم السكرتير يقلي مدري ويادوب يطالع في وجهك من الزحمه ورحت عمادة الدراسات العليا برضو يقولوا ماعندنا
في النهاية كلمت صاحبي في العمل وكلم صاحبه واخذ رقم اخوه يدرس بكاليريوس عشان يطبعلي الشعب الدراسية يعني حووووسه (ان شاء الله بحاول انزل الشعب هنا لو قدرت)
اعتذر عن الاطاله واتمنى تكون سنة دراسية موفقة للجميع وعندي اقتراح بسيط
كنا في جامعة الملك سعود عاملين قروب على الgmail للتواصل بخصوص اي موضوع للماستر واتمنى نعمل الشي نفسه في جامعة عزوز بس نجمع الايميلات اول (للطلاب )
بالتوفيق

[جدة]

طيب أختي جدة المواد الأخرى من يدرسها مو باين اسماء الاساتذة والا كيف ؟

لا اخوي مو باين شي
انا اخذت مواعيد المواد والاستاذات
من طالبة بكالوريوس
لان عندنا تطلع شعب الماستر
وانا عندي مواد تكميلية

[كلام كليم]

أخوي الغالي م . عمر هلا وغلا بك معنا ونتشرف بك ومن زمان كان ودي يكون معي طلاب لأني الطالب الوحيد وجالس مثل اليتيم مع البنات الله يعطيهم العافية

انا في الحقيقة خريج بكالوريوس إدارة أعمال من جامعة الملك عبدالعزيز يعني ماراح ادرس تكميلي بس للأسف ما اقدر ادرس هالترم لظروف النقل لأني اعمل خارج جدة عشان كذا عملت تأجيل قبول لهذا الترم

بالنسبة للدراسة مدري كيف بتكون طريقتها مع اني اتمنى انها تكون مسائية لأن دوامي صباحي

عموما اخوي م . عمر اذا تبي اي مساعدة أو استشارة أنا حاضر بحكم لي خبرة في بعض الدكاترة واتمنى من اخوي الكريم اذا بدأت الدراسة انك تطلب من الزملاء اللي معك انه يشاركوا معنا في المنتدى عشان يثوا الموضوع اكثر

مدري اذا كان يسمح لنا ان نضع ايملنا في المنتدى أم لا؟

عموما هذا ايميلي يا سيدي الكريم alhajmh8@hotmail.com

[كلام كليم]

المشاركة الأصلية كتبت بواسطة جدة لا اخوي مو باين شي انا اخذت مواعيد المواد والاستاذات من طالبة بكالوريوس لان عندنا تطلع شعب الماستر وانا عندي مواد تكميلية

اهاااا .. الله يوفقك أختي

للأسف كل اللي معنا تكميلي مافيه ولا واحد ببدأ ماستر هذا الترم

يالله نبدأ مع بعض الماستر ان شاء الله

[brightly hope]

المشاركة الأصلية كتبت بواسطة جدة وياليت اللي عندها خبرعن مو عد استلام البطاقة الجامعية تنزلوا

اختي جدة البطاقة تقدرين تستلمينها من قسم الدراسات العليا المبنى الثالث
كمان حيكون فيه يوم ارشادي اللي هو يوم الأحد 26\10

[المستبدة]

بالله ابغى أسألكم نزلت في جداولكم أماكن المحاضرات يعني رقم المبنى و الغرفة ..
انا مانزلت بجدولي وفي قائمة الشعب كمان مافي .. اش الحوسة دي ماصار جدول

[م.عمر]

طيب اخوي كلام كليم الف شكر على ردك الجميل
طيب ايش رايك في الدكاترة اللي انا ذكرتهم؟
بالاضافة الى سامي بخاري + حبيب الله تركستاني
(سامي يقولوا مو فاهم وحبيب ناس يمدحوا وناس لأ ايش رايك؟)