نـصـآئحـكم ~> مآهي أفضل طريقة للمذاكرة والحصول على أعلى الدرجآت !

[برآءة حروف]

المشاركة الأصلية كتبت بواسطة حلاها زايد انا آسفه استاذ حمودي تاخرت عليك اول شي بالنسبه للمواد مهارات اتصال والثقافه التفكير والبحث العلمي تحفظ التعاريف والتعداد والاشياء اللي تحت التعداد افهمها بس ولما اقولك حفظ مو بمعنى حفظ زي ايام الثانويه بس يعني زي القراءه بتركيز مدري والله كيف افهمك وحمودي التفكير حاول تبدأ فيها من بدري المهم دايما لما تختم الكتاب المره الاولى تحس نفسك ناسي كل اللي ذاكرته وهذا الشي تعبني كثير بس بعد التختيمه الثانيه تسسسسسهل كثيييير والثالثه خلاص احسها تثبت المعلومات بالنسبه للاحصاء مررره سهل لاتشيل همه لانه ع الاله تطلع وكمان القوانين تجيك في الاختبار يعني بس تعوض و لما تذاكر ماتحفظ القانون بس اللي عليك تعرف شكل القانون وهو تبع ايش ونفس الشي في المذاكره احفظ التعاريف والتعداد و كل مسأله تطبقها ثلاث مرات ع الاله وراح تجيب الفل ماارك بأذن الله بالنسبه للرياضات في آله مطوره خطييييره تقدر تحل فيها اكثر من نص الكتاب راح ارفقلك الملف حق الاله العربي في شرح لوحده اسمها روز الله يجزاها الف خير ساعدني افهم كنت اقرا الدرس من الكتاب وافتح على شرحها في نفس الوقت راح ارفقلك الملف وبالنسبه للانجلش مرررره سهل كان اسهل كتاب عندي وانا كنت احب اترجم الكلمات الجديده عليه بنفسي واكتبها وبعدين اشوف ترجمة ابي سلف عشان اتاكد ونسيت اقول انه الاحصاء تقدر تفهمه لوحدك ماعدا الباب السابع والثامن الكتاب مافيلو الشرح واضح واناحملت شرح لوحده مرررره حلووو بشوف احد من اللي عندي ينزله لكم وكل المواد لاااااااااااااااازم بعد ماتختم شوف النماذج اللي فاتت وبعدين حمودي احس انك قلقان وخايف زيي اول غرقت كتبي بالدموع وبالاخير جبت درجات ممتازه ترا التحضيريه سهله فوق ماتتصور وراح تتذكر كلامي وانا حاسه انك راح تجيب معدل عالي وممتاز وبس معليش كلامي كله مخربط وكل سنه وانت طيب

يعطيكي ربي العافية على المباردة الطيبة

والله يعيننا جميع

تحيتي

[برآءة حروف]

كأنو الموضوع موضوعي قعدت اردرد عالكل

خخخخخخخخخخخخخ

[ربي معاية =)]

المشاركة الأصلية كتبت بواسطة قـآهرتهمـ كأنو الموضوع موضوعي قعدت اردرد عالكل خخخخخخخخخخخخخ

هههههههههههـ

ياويلك من حمودي

بالنسبه للمخلصات مارديتو علينا يالربع ويــا الربعات

[العواض ظاهر]

أخوي محمد أسعد الله أوقاتكم بكل خير ومسرات

لكل طالب وعه الخاص بالمذاكرة والمراجعه هذا شي

أما الشئ الثاني والاهم هو الرغبة في المذاكرة والعزيمة القوية

وتكون نفسك طموحه لهذا الشي

http://www.skaau.com/vb/showthread.php?t=245945

[برآءة حروف]

المشاركة الأصلية كتبت بواسطة ربي معاية =) هههههههههههـ ياويلك من حمودي بالنسبه للمخلصات مارديتو علينا يالربع ويــا الربعات

ههههههههههههههههههههههههه

يازينك انتي واغلاطك الاملائيه

تحيتي

[برآءة حروف]

المشاركة الأصلية كتبت بواسطة العواض ظاهر أخوي محمد أسعد الله أوقاتكم بكل خير ومسرات لكل طالب وعه الخاص بالمذاكرة والمراجعه هذا شي أما الشئ الثاني والاهم هو الرغبة في المذاكرة والعزيمة القوية وتكون نفسك طموحه لهذا الشي نبارك لكم بقدوم شهر عيد الفطر المبارك

لا وحتى انته كمان غلط املائي

ههههههههههه

انتو تحف

[أ.حمودي]

للأهميه تم رفـع الموضوع من جديد

وخصوصاَ أنه قرب وقـت الجـــد

^_^

ونطمع بالمزيد من النصآيح

:

[كيوت~]

الله يوفقكم ويسعدكم ^_^

استفدت من الموضوع ..

[Dody.1]

السلام عليكم ..
هذه 5 نصايح اذا سويتوها باذن الله المعدل ما يقل عن 4 ..

1- طاعة ربك ووالدينك :
صلاتك والبعد عن الاغاني لان تضيق الصدر وربي ..

2- رتب يومك مثلا :
تنام 12 تصحى 8 الصباح تفطر وتصحصح شويه لما 9 وتذاكر لما صلاه الظهر يعني مثلا نقول 12 ونص
تاخذ بريك الصلاه ساعه وتشرب مويه وتاكلك حاجه وتتغدى ..
الساعه 1 ونص نرجع مذاكره تذاكر لما اذان العصر يعني تقريبا 4 وتقفل الكتاب ..
بعد العصر عندك من 5 العصر لما 12 بالليل هذا الوقت لك اخرج العب اجلس عالنت براحتك ..

3- تقسيم المواد وقرايه محتواها :
مثلا عدد المواد 4 او 5 ..!
تاخذ فكره عالكتب بقرايه سريعه حتى لو كان فصل واحد ..
المهم تعرف هو كتاب كله تعاريف وحفظ ولا فهم ولافيه ربط للمواضيع ولخبطه ..
ايش المواد اللي تحس نفسك ما تمشي فيها مثلا لو كنت ادبي بيكون عندك الرياضيات والاحصاء ..
او انك ميح بالانجليزي ... وكذا ..
تاخذ المواد الاسهل بالنسبه لك مثلا ثقافه وعربي وحاسب - اتصال و تفكير ... ايش ما تكون المواد
تبدأ تقسم موادك كم قسم للماده والقسم الواحد تخلصه بيوم واحد ولا ما تقدر يصير تقسم على يومين وكذا ..
يصير مثلا الكتاب الواحد ياخذ اسبوع .. اخر يوم يكون مراجعه للمنهج كله ..
مثلا : كتاب الثقافه الاسلاميه فليكن 300 صفحه ..
مقسم لـ 4 اقسام كل قسم مقسم لـ 4 وحدات ..
تاخذ كل وحدتين بيوم .. ويصير كذا تختم الكتاب بـ 8 ايام واليوم التاسع بتكون مراجعه لكل المنهج ..

4- طريقة المذاكره ..
بعد التقسيم وكله وترتيب الجدول وكل شيء ..
اول حاجه تجيب دفتر كبير مقسم وخلي كل قسم لماده ..
وتذاكر مذاكره بتركيز .. وكل ما تخلص صفحه طلع منها ايش فيها شيء مهم ..!
ايش ممكن تجيك اسأله عليها بالاختبار حتى لو كانت اسأله مقاليه مو مشكله ..
الاسئله تساعد بالتذكير وتركيز المعلومه اكثر ..
واكتب الاشياء المهم واللي استنتجتها بالقسم الخاص بالماده وكذا ..
مثلا قسم الاحصاء : الباب الاول 1-1 مافيه غير مقدمه > قراءه من الكتاب
1-2 الـ .... : قانونه كذا ومثال 4 و5 ... طريقه الحل كذا ..
الرموز الجديده كذا > اسمه كذا > يستخدم لكذا > صفحه كذا ...
وبكذا تقسم المواد وتكون الاشياء المهمه كاتبها ومسوي عليها اسله ومركز عليها ..
وترى الكتابه الطريقه الوحيده بالتركيز انا اذا ابغى اركز اكتب اللي افهمه .. واذا ما افتكرت شيء اعرف اني مو مركزه واحفظه ثاني .. وكذا > بالنسبه للتعاريف ..
..

5- ايام الدوره التأهيليه او محاضرات السنترا + ايام الاختبارات ..:
ايام الدورات خصوصا السنترا ما بيكون فيه وقت للمذاكره لان بعدها باسبوعين اختبارات ..
لما تكون بالدورات التأهيليه مو مشكله بتذاكر مع الدوره وتذاكر ثاني بعد الدوره لان فيه مجال تقريبا 3 شهور
بالنسبه للسنترا تكون قبل ما تبدأ مختم المناهج ان شاء الله والأشياء اللي مافهمتها واللي تصعب عليك اسأل وقت المحاضره ..
وذاكر مع الدوره وبعد ما تخلص وتحس بديت تحفظ المنهج قبل الاختبارات باسبوعين ..
تبدأ المراجعه الكااااااااااامله مراجعه كانك اختبارك بكره تبدأ من الصفر لما اخر الكتاب ..
وقت المراجعه بتكون الايام اقل وضغط نوعا ما ..
مثلا اسبوعين عندك 5 مواد !!
يعني 13 يوم ؟
كل ماده بتكون من يومين لـ 3 ايام !
باختصار المنهج بيكون محفوظ ومذاكر تمام يعني لو يوم واحد بيكفي وقتها ..
تبدأ تذاكر الدفتر الي انت كاتبه والكتاب سوا بس وتجلس تسمع نفسك ..
اذا خلصت من الماده اقرأ اسألة العام وقبله وابدأ حلها ..
....
وبكذا باذن الله يجي يوم الاختبار وانت مو شايل هم شيء ..
تنام واذا صحيت الصباح تبدأ ترجع المنهج كامل وحتلاقي نفسك تسمع المنهج من وحدك ..
وحل باقي الاسئله وشوف المنتدى اذا فيه نماذج ثانيه حلها ..
وروح قبل الاختبار عالاقل بنص ساعه عشان توصل وتجلس تستغفر وتراجع > عبال ما تدور المباني وكذا ..
عشان ما تتوتر وما تعرف تحل ..

الاختباااار :-
طبعا كله تضليل .. كل ما كثرت الاسئله كان احسن عشان توزيع الدرجات ..
ابدأ حل بعد ما تسجل البينات على اقل من مهلك ..لا تستعجل ولا تتوتر ..
ابدأ بالاشياء السهله
حسيت فيه لخبطه معلومه ما مرت عليك شكيت باجابتين خليه على جنب وارجعله اخر شيء ..
وبكذا باذن الله فل مارك ..

بذمه وربي كاتبتها هذا اللي كنت اسويه بالترم الثاني والحمد لله ..
ما شاء الله المعدل جاء على 4.62 .. :)
دعواتكم ليه بكل خير ..
ولا تنسوني باجمل الدعوات ..

تحيـــــــــــــــآتي ..

[صافي ناز]

افضل المذاكرة بعد الدورة التاهيلية عشان اذاكر فقط المطلوب ويكون تركيزي اكبر لان الدروس بتكون اقل .والي ما ترسخ العلومات في راسة بسرعة .يتبع قاعدة التكرار انا اتبعها اذا استصعب علي الحفظ الين ترسخ المعلومات
جربوا