~||$ كَلِــــــــمَةٌ ,, فِــــي ,, البَـآل .. وَ نَظَرهةٍ إلَــىَ آلْسَـــمَآءِ $||~

[دافئ الإحساس]

[دافئ الإحساس]

[دافئ الإحساس]

.


.


.



.

[دافئ الإحساس]

ههههههههههههههههههه


زكريآآآآآآآآآآآآآآآآآآآآآآآآت





وريتها لامي قاعدهـ تضحك


تقولي من فين جبتها !!



هوا دا الآدمي عايش ولا ميت


ههههههههههههههه

[دافئ الإحساس]

يآآآآآآآآلبى ..

الفرآآآآولهـ ,,

[دافئ الإحساس]

كآآآآآآآآآآآآآآآآآآآآآي ..



هههههههههههههههههه ..




*_*

[دافئ الإحساس]

الاعلاميآت ..

هادي النقطة من ناحيتي جدآ مضايق منها ... وباتنرفز نرفزة مو طبيعية لمن

اشوف بنت سعودية في التلفزيون

اكيد الاكتر يقولي يبويا لا تدقق

يبويا لا تكون متعقد

او اللي يقولي لا تكون متشدد

او اللي يقولي خليك متفتح لا تكون مره مضيق ع البنات

او اللي يقولي خليهم يآخدو راحتهم

لا تكون عاد انتا كمان مررررررررررره !!

او ترا لو اتكلمت عن دا الشي ترا البنات حيزعلو منك وحيكرهوك

ومو بعيد يحقدو عليك كمان

تعليقي ع هادا الكلام

صحيح اني اكون متفتح واكون عآآآآدي ومني متشدد

لدرجة انهم المفروووض يطلعو ع التلفزيون بدون حجاب

مو لازم حجاب يبويا ولي اكون ملتزم ومن دا الكلام

!!

اخلي الكل ياخد راحتو وخلاص

عشين لا يكرهوني وما يحقدو عليا واهم شي لحد يزعل مني

هادا الكلام حلو دحين !!

مرضي الجميع اكيد صح !!

واااو !!

اهم شي نسوي اللي في راسنا ونرضي نفسناااا وبس صح!

اما او نرضي ربنا مو لازم صح !!

عادي طبعا .. يقولولي ربنا غفور رحيم !!

يعني نسوي اللي نبا صح !!

..........

زي ما ربنا غفور رحيم .. فعلى فكره ربنا شديد عقاب>>معلومة بسيطة بلكن تفيد

ضعاف العقول ^_^

انا انسان ابداً مني متشدد ومني متعقد وبنفس الوقت متفتح وفاهم كمان

ابداً كلام مو عقلاني البنت تتحنطر قدام القناة الاولى

وسعودية يعني تعرف الصح والغلط >> يبئا ابلني

انها تطلع قدام الخلق بمكيآآآجهآآآ الكامل

وتقول الاخبار

او تستضيف ضيوف ..

والله مو باقيلها المكياج دا الا يدوها فستان وتروح اقرب فرح

ماشاء مجهزززة نفسها من .. الى ..

المرآة صوتها لحالو فتنة

فما بالكم انها تطلع بكامل زينتها قدام الخلق في التلفزيون

والاغلب يقولي المشكلة عآآآآآآدي !!

لا معليش مو عادي

ولا يمكن يكون عادي

و ع فكره أي انسان يشوفها بتكسب ذنبو..

فما بالكم كممممممم عددددد اللي بيشوفو التلفزيون

!!!!

يعني كم عدد الذنوووب اللي بتاخدها

!!!!

اش الداعي انها تحوج نفسها لعقاب من رب العالمين بسبب شغله زي كده

!!

يقولولي بعضهم مستقبلها

!!

اول مره اعرف انو مستقبل يكون بكسب ذنوب الخلق

وسبب للدخول للنار والعياذ بالله

كل شي له حدود .. والتربية لها دور ..

والبعض يقولو انها حرية !!

من حقها تسوي اللي تبا

الحرية مو هنا .. الحرية لو طلعت بره تسوي اللي تبا

اما بدامتها سعودية معناتها متربية ببيت مسلمين وعايشة

ولله الحمد بدولة مسلمة .. فحرام تسوي زي كده ..

ماحب اسوي اني شيخ وافتي

لكن الحق ينقال

وماعليا ابداً في أي انسان بيزعل مني ازا كنت بأقول الحق ..

وبالزات لو شي يغضب رب العالمين..

والمشكلة قسم الاعلام يتفلل ع طول

ونفسي اعرف السبب !!

عن نفسي لو كنت مدير الجامعة ..

قسم الاعلام بالنسبة للبنات اخليه فقط .. للي تبا تسير صحفية ..

فقط

اما راديو واذاعه او اعلامية تتنحنطر بالتلفزيون وكده .. يتقفل ..

اللي يقولو هادا مستقبلنا وهادا وهادا وهادا ..

فأحسسلهم يشوفو اقسام غيرها لو ما عجبهم القرآر

قال تعالى:{زين للناس حب الشهوات من النساء والبنين والقناطير المقنطرة من الذهب والفضة والخيل المسومة والأنعام والحرث ذلك متاع الحياة الدنيا والله عنده حسن المآب}.سورة آل عمران. آية: 14

قال القرطبى: قوله تعالى: "من النساء" بدأ بهن لكثرة تشوف النفوس إليهن؛ لأنهن حبائل الشيطان وفتنة الرجال. قال رسول الله صلى الله عليه وسلم: (ما تركت بعدي فتنة أشد على الرجال من النساء) أخرجه البخاري ومسلم

والمشكلة صوووتها لحالو المرآة فتنة

فما بالكم تطلع بشكلها وجسمها ومكيآآج ع كيف كيفك ..

!!

متى يكون عادي صوتها وكده

أن تكون بدون تمطيط ولا تليين ولا تميّع ولا رفع الصوت

ياحسررررررررره

لو فعلا زي كده كان ما قلت دا الكلام كلو

كلامهم في الاذاعه او اي مكان كلو بمياعه وقلة ادب

والضححححكة ديكا اللي تبا تموت ع نفسها كمان

واللي برضو شايف كلامي خطآ بعد الدليل والحديث

فلا تعليق بجددددد ^_^

وكلن يعود لأصله ومرباه


وبعض يقولو بيتزوجو عادي وبيجيهم عرسان

فحقولو اوكيشن ..

لكن انا باسمع كتيررر وامي بتقولي كتيييررر

ع بنات في القسم دا وبيتعينوا خلاص ..ع اساس انهم يسيرو اعلاميات

>>لو صحفيات مافرقت عادي

انهم بيعنسو

ولمن يقولوهم ازواجهم يتركو الشي دا وما يبو المشكلة

فا ايش اللي حاوجهم باللهي


!!!

لكن اللي اقولو

قليل العقل داريه لا تبيعه ولا تشاريه

وفي مثل يقول اللي ما ربوه اهله الناس تربيه

[دافئ الإحساس]

تصبحوووون ع خير

[دافئ الإحساس]

الله يرحمكـ .. يا نواف

:(

[دافئ الإحساس]

اول يوم ليا بالسكن سارلي مقلب عمري ما انساه بحياتي




المقلب كالتالي



اول شي من قبل لا ابدأ حقول كيف كانت طريقتنا بالسكن


فالبداية ما كان عندي ولا مكان ليا هناك


يعني كان فلللل .. لكن ولد خالي فالسكن كان وصاحبو خرج فحطني مكانو ع طول


واعرف واحد في صندوق الجامعة فزبطني


المهم


طبعا الغرفة الوحده تكفي لنفرين بس


فاللي سار اصحاب ولد خالي وولد خالي متفقين يخلوو دي الغرفة غرفه للنوم

والغرفه اللي مقابلنا اللي هيا حقت اصحابو


للفله فيها تلفزيون وادوات الطبخ وكده وسوني تو .. واكس بوكس كمان

واللي يبا يدخن فيها ونجتمع فيها ونلعب بلوت فيها وكده


>>خربوني خلوني اتعلم بلوت ههههههه


المهم


وبيجونا اصحابهم من غرفة فوقنا من الدور اللي فوقنا يعني


وكمان من مبنى تاني



فاللي سار كنت جالس في غرفه الفله وباتفرج عليهم وهما يلعبو اكس بوكس

وباتفرج ع التلفزيون


فجآة اشوفهم بيتسحبو وبيخرجو واحد واحد


انا استغربت الصراحة وقلبي دقني انو في شي


بس ما اهتمت وطنشت الموضوع




فجآة بدأو يدخلو واحد واحد


ومحد يتكللممم مررررررررررره



سويت اني مني منتبه








وبدآ يكلمني واحد من الشباب ويقولي في خبر يا عزام بس ممممم



قلتلو اش في !!


يقولي محنا عارفين نقولك



وفجآة يقول لواحد تاني انتا قولي انا مني قادر اقولو


ودموعو تنزل



قلتلهم اش في !!


والتاني يقول لالا انتا قولو .. وكلي واحد يرمي ع التاني





انا انخرط الصرحة وقلقت مررره


سرت ازعق واقلهم واحد منكم يقول ويخلصني

اش في !!




سار يقولي امسك اعصابك .. وهوا يبكي ..


ولازم تعرف ان الدنيا محد يعيش فيها اكتر من نصيبو ..


قولتلو مييين مآآآآت ..


>>آآآتآآآآخرررر في الردددد ويتكلم ع مهلوووووو مرررررررررره



سرت اقولو اهرررج مين ماااات ..




لا يكون خالي سارلو شي >>عشين ولد خالي معايا في السكن فشكيت في كده


المهم


سار يقولي لا


اجل اش فيه طيييييب




امك ..


امي !!! اشبها !!! ماآآآآتت ..!!






اهررررج




يقولي ايوآآ >>


فجآآة نقزت من مكاني زي المجنون والله


ومني حاسس بشي .. حسيت اني تآيه ..


وحسيت اتشنجت ..



ومني عارف اش اقول .. لساني تقيل .. ومني قادر اتكلم

وبآتآتآ >>يعني ماقدر انطق الحرف بسرعه



اللي قدرت اقولو بس ..



اانتا تتكلم من جد .. ؟


ويقولي ايوا



وكلي واحد حاطط يدو ع راسو .. وعيونهم ..


>>انو زعلانين ومهمومين وكده يعني



طبعا هادا اللي قدرت اقولو بس


وبعدها مني قادر انطق ولا بحرف


ماعرف السبب الصراحة




فوقتها عيني تلقائينا تدمع وسرت واللهي العظيم ابكي زي الصغير



الصغير لو حرمتو مني شي يبكي بصوتو كلو .. ومحد يقدر يسكتو


بالزبط هادا اللي حصلي




سرت ابكي من قلبي ..



ومسكت الجوال ودقيت عليها


طبعا ماااااااااادري لي دقيت عليها .. يدي لحالها مسكت الجوال ودقيت عليها

ولا فكرت انو اصلا محا ترد عليا لنها ميته ع كلامهم يعني>> بعد عمرو طويل


ياااااااارب


يومهم قبل يومها ياااااااااااارب


المهم


طلعت برا الغرفة وانا مني عارف طريقي من دربي


زي المجنووون بالزززبط


ودخلت لولد خالي في الغرفة التانية وقلتلو وديني بيتي بسرررعه

وانا بس ابكي


قالي اشبك ياعزام اش فييييييييييييييه والادمي مفجوع



لنو اول مره يشوفني ابكي بالطريقة دي


وادق عليها وما ترد



ولمن دقيت عليها وشافوني سرت زي المجنون ومني قادر انطق حرف انفجعو



سارو فجآآآة يضحكووو .. ويجرري ورايا


لني طلعت واللهي بره السكن فالشارع امشي زي المجنون


ليييش سويت كده مااااااااادري


ماحسيت بنفسي ولا بعقلي ولا حاسس بجسمي كمان


سار يلحقني ويقولي والله نمزح


وامك عايشة ومافيها شي



فجآة وقفت الدموع قلتلو كنتو تمزحو !!


احلف !!


يقولي والله نمزح !!


فجآآة .. هجت عليهم ..


وسرت اضربوو .. يعني مديت يدي عليه


>>اكره طبعا الضرب بس وقتها ماحسيت بنفسي


وسسرت بس اضربوو والشباب يهدوو


ومديت لساني عليه


بسب ماينفع اكتبوو مررره .. سبيت فيه ونزلت فيه


بطريقه محد يتخيلها ..



وانا باضربو بآبكي ..



ودق عليا امي وقتها .. وسرت اقلها مافيكي شي


!!


تقولي مافيا شي


لي !


لا ولا شي


امانة كيف حالك اش اخبارك كيفكم كلكم


اخواني واختي كلكم طيبيبن!


ابويا كويس!!


>>زي المجنون والله


تقولي اشبو صوتك .. قلتلها مافيا شي



بالصدفه دقت بنت خالتي عليا .. بتسآل عني وكده

لني اول سنة بالجامعه وقتها واول ترم كمان



وانا هادي ما اخبي عليها شي .. وما تخبي عني شي هيا كمان


وحست من صوت انو فيا شي

حالت اخبي بس عارفتني كويس


وقلتلها باللي سار



والدموع اقسم بالله مهي راضيه توقف



سارت والله تحاول بكل الطرق تهدي عليا


واتنرفزت بطريقة غريبة وعصبت منهم


ودقت ع ولد خالي وشرشحتلو اكتر شي


هدولا اصحابك فيهم و و و و و و ....


وادتلو ع راسو تمام







والله رجعت البيت لمن جا يوم الربوع


>> كلي ربوع ارجع بيتنا وكلي جمعه ارجع السكن الزفت دا


وسرت احضنها واسلم عليها


وهيا مستغربة وباين عليها .. بس ما سالتني ..




فالنهاية يقولولي الشباب .. انو نمزح وما اتوقعنا ردت فعلك دي



قلتلهم لم تفاجئو واحد بخبر زي دا


تتوقعو يضحك ولا ينكت معاكم ولا ايش بالزبط !!


انتو همج ولا ايش بالزبط !!


لو سمحتو ازا ما تعرفو تمزحو لعد تمزحو مره



ومسوي زعلان مني


قلتلو جمبك في اربعه جدران اصقع راسك في اقرب جدار !!


ولا اقولك بدامتنا في جده عندك البحر روح اشرب منو



لا همني رضاك ولا رضاك يدخلني الجنه







وولد خالي لمن فهم القصة قالي لا تحسبني داخل معاهم في القصة انا زيي زيك


واصحابو التانيين قالولي هوا داكا اللي اتفق وخطط


نحنا مالنا صلاح


قلتلهم اللــــــــــــــه بس اللـــــــه بس

انتو بريئين .. وقلبكم ابيض زي الوردة




مساكين ما سويتو شي



تقتلو الحي وهوا حي وما سويتو شي !!


ووالله سرت حاقد منهم من دا الموقف لهادا اليوم


صحيح عدا ع هادا الكلام سنتين


بس احسو كانو اليوم حصل



والله باكتب هادا الكلام وعيني تدمع



حسبي الله ونعم الوكيل