قروب طالبات حمديه مهران بحث وتدريب

[شجرة التوت]

حاولت ارسلكم رقم الدكتوره خاص مقفله عندكم الرسايل الخاصه

[روعة الكون]

تسلمي ربي يسعدك شجرة التوت ممكن ترسليلي الرقم تاني رحت للرسايل الخاصة وعدلت الخيارات

طيب كم تكون مدة التدريب والبحث لازم كل ما اكتب جزئية اروح واسأل الدكتورة واناقشها وانتي انتهيتي ولا لسه

اسفة ازعجتك بلأسئلة بس والله تعبت نفسياً ابغى اتخرج واخلص على فكرة لو انا حابة اعرف كم ساعة باقيتلي وايش
الي انتهيت منه وايش الي باقي فين اروح اروح لكليتي واعمل برنت لساعاتي وموادي او لعمادة الشؤون لأنو
ساعات التخرج 128 ومكتوب اني خلصت 122 وباقيلي مادتين اختيارية مدري حرة والله مو متأكدة وماني عارفة ايت
مواد انزل ادري ازعجتك وحكيتلك قصة حياتي

[روعة الكون]

بنات بليز من فين اطبع ورقة التدريب ومن فين اختمها وهل اعبيها او لا

طيب لو الورقة موجودة في النت ممكن الرابط ؟؟

انا حروح الأسبوع دا الجامعة إن شالله وابغى ارتب اموري

[شجرة التوت]

المشاركة الأصلية كتبت بواسطة روعة الكون تسلمي ربي يسعدك شجرة التوت ممكن ترسليلي الرقم تاني رحت للرسايل الخاصة وعدلت الخيارات طيب كم تكون مدة التدريب والبحث لازم كل ما اكتب جزئية اروح واسأل الدكتورة واناقشها وانتي انتهيتي ولا لسه اسفة ازعجتك بلأسئلة بس والله تعبت نفسياً ابغى اتخرج واخلص على فكرة لو انا حابة اعرف كم ساعة باقيتلي وايش الي انتهيت منه وايش الي باقي فين اروح اروح لكليتي واعمل برنت لساعاتي وموادي او لعمادة الشؤون لأنو ساعات التخرج 128 ومكتوب اني خلصت 122 وباقيلي مادتين اختيارية مدري حرة والله مو متأكدة وماني عارفة ايت مواد انزل ادري ازعجتك وحكيتلك قصة حياتي

لا عادي خذي راحتك بالاسئلة كلنا كنا حايسن في البداية

# مدة التدريب 60 ساعه والبحث اول شي توافق الدكتوره ع الموضوع بعدين تسوين خطة البحث وتورينها لمن توافق تبدئين البحث

#اطبعي من عند عبير المطيري دراسة حاله اللي هي الخطه وفي اوراق تعبينها تلاقينها في مبنى العماده عند الدعم الشامل لو عندك جواز سفر صوريه لو ماعندك تاخذين نسخه من التعهد وتكتبين اسمك بالانجلش وكمان صوره من كرت العائلة او بطاقة الاحوال
وبس هذي الاوراق المطلوبه توديها عند عبير بعد ماتعبينها

#وساعات التخرج 131 ساعه لو انتي تخصص تنظيم وتطوير اداري

#المواد الاختياريه تضيفينها من الاودس بس الحره لازم تروحين الجامعه

انتي لازم تاخذي 3 اختياري و2حره اتاكدي شوفي قبل كذا اخذتي حر واختياري او لا وشوفي كم باقيلك


ربي يوفقك

[روعة الكون]

تسلم حبيبتي شجرة التوت ربي يوفقك يارب ماقصرتي نخدمك في الأفراح :)

طيب ايش تقترحي عليا مواضيع سهلة عشان تختار منها الدكتورة

[زمرده *]

توت فين مكتب حمديه باروح لها

[روعة الكون]

يابنات مين فيكم الدكتورة حمدية طلعت عينها ؟؟؟

ياريتني ما اخدت المادة معاها والله بهدلتني واختارت لي اصعب موضوع بحث حسبب تخصصها وغير كدا كل ما اكتب

شي موعاجبها وتبغاني كل يوم انط عندها وانا والله مع الدوام والمواصلات زحمة وهيا ماتراعي ابداً

[شجرة التوت]

المشاركة الأصلية كتبت بواسطة زمرده * توت فين مكتب حمديه باروح لها

اسفه ياقمر دوبي شفت سؤالك

مكتبها في مبنى الاقتصاد والاداره -نفس المبنى اللي فيه الحذف والاضافه - الدور الثاني ع اليمين تقريبا 3 مكتب

[شجرة التوت]

المشاركة الأصلية كتبت بواسطة روعة الكون يابنات مين فيكم الدكتورة حمدية طلعت عينها ؟؟؟ ياريتني ما اخدت المادة معاها والله بهدلتني واختارت لي اصعب موضوع بحث حسبب تخصصها وغير كدا كل ما اكتب شي موعاجبها وتبغاني كل يوم انط عندها وانا والله مع الدوام والمواصلات زحمة وهيا ماتراعي ابداً

الله يعينك يارب تعوضك بدرجه حلوه تحلل التعب هذا

والله ياقمر انا زيك رايحه جايه عليها ومشكلتها ماتعطيكي نتيجه بالايميل بس الله يسهلها

[روعة الكون]

توت مررة ماتراعي وفوق كدا عليها اسلوب تهزيء والله عيب تخيلي تقولي مستحيل اعطيكي درجة كاملة انتي جيتيني متأخرة قلتلها والله عندي ظروف وماقدرت اجي من بدري لكن اوعدك بإذن الله اسلمك البحث بدري كل دا ولافرق معاها
ولا عاجبها كمان واحسها مستقعدتلي اليوم حروح لها وربك يسهل تخيلي للان لسى في خطة البحث كل ماعملت وحدة ماعجبتها والله تعبت ما ادري متى تقتنع عشان ابداء بحث لا ورايا تدريب كمان وتقرير اخ بس الشكوى لله