من يؤيد أن تكون إجازة لنا بسبب تداعيات الفيرس

[A N G E L]

انا صراحة اؤيد تمديد الاجازة
عشان نحتوي المرض
ونعرف على الاقل كيف نقاومو
لانو الآن صراحة المملكة حتواجه اكبر تحدي
وهو موسم الحج
والآن واحنا في رمضان بتتفاقم اعداد المصابين
فلو وزارة الصحة احتوت المشكلة اعتقد ما حنواجه مشكلة بعدين وقت الدراسة
لكن
اذا ما كان في اي احتواء للمرض في المملكة وتوعية اكبر
افضل انو تكون اجازة على الاقل الواحد يسلم من انو يخرج برى البيت وهو مو داري
وللمعلومية
المرض بعض الاحيان يجي لناس
وبعد فترة يروح المرض..لكن نفس المصاب ما يدري انو هذا انفلونزا الخنازير
يحسبها انفلونزا عادية
وعشان كدا في احتمال انو يعدي غيري
وبعضهم حتكون مناعتهم ضعيفة
ولو ما كان في اجازة على الاقل تكون اجازة للصغار
لانو الصغار هم اكبر فئة ممكن تصاب بهذا المرض
هما وكبار السن :)
لذا صراحة اؤيد انو الاجازة تطول..وعلى الاقل نبدا زي ما يبو
لكن موسم الحج افضل قبلها باسبوع تكون اجازة وبعدو برضو باسبوع لانو اعداد هائلة حتجي
ومو في يوم وليلة حيقدرو يسوو اشياء كثير :)
وعلى فكرة
الكمامات انا سمعت انو المصابين ياخدوها مو شرط الناس العاديين
ويكفي حبة بنادول :) هع حق ساعة او اتنين عشان ما تمرضو لو تبو تسوو عمرة

وفي الاخير
الله يحمينا ويحمي اهالينا
وان شاء الله تتوصل وزارة الصحة لقرار حول هذا المرض الفتاك اللي محنا عارفين اولو من اخرو
وشوووكرن

[..Strawberry..]

انا ضد الإجآزه بصراحه
ولو فرضا مددوها وأخدنا إجازه فكركم حناخدها لمتى

وإذا مارحنا الجامعه راح نروح لأماكن تانية كتير

والإجآزه ماراح تحل المشكله

واللي ربي يكتبه راح يسير
‏( قل لن يصيبنا إلا ماكتب الله لنا )

ربي يختآر لنا اللي فيه الخير

شكرا أخويا ع الموضوع

[fun]

انا اؤيد الاجازه

لانو ارواح الناس في خطر

[الصـــــــــــــــــامت]

نعم اؤيد اخذ فتره حتى يتم السيطره على المرض عن طريق اللقاح اذي سوف يعرض في المستشفيات عن قريب مع العلم
بأن لايصيبنا الا ماكتب الله لنا ولاكن الحذر واجب وعقلها وتوكل

[romantic_lolo]

مافي داعي للاجازه يعني لحد متى بنجلس في البيت كدا كدا المرض منتشر وربنا الحامي

[ياسر باصرة]

وش اللي اجازه الله يسلمك

لالا مانبي اجازات

4 شهور ماكفتكم ؟

مانبي تدلعونهم

اصلاً هالمرض بالخارج مو معترفين فيه و شالوا كل اجهزة استكشاف المرض بالمطارات
ولا يعترفون بهالمرض والدراسه يدرسون و العمل ويعملون يعني هالشيء المفروض ما يأجلون الدراسه عشانه

بالعكس نبي درااااااااااااااااسه

[الشوق الجارح]

قل لن يصيبنا الا ماكتب الله لنا ..

والله الى ربي كاتبه بيصر حتى لو اخذنا اجازة اكيد راح نروح امكان عامة ..

واولا واخير الحافظ الله ..

[منى عمرين]

من قال ان الاجازه مالها داعي ...
ياأمي هذي مسأله حياه بشر ... [size="7"](أسال الله السلامه للجميع )[/size]

[انسه طفشانه]

انا ضد الاجازه
لان المرض بيظل موجود
حتى لو تاجلت
كمان حرام نضيع وقت من السنه علشان المرض
وكل شي من عند ربي
قل لن يصيبنا الا ماكتب الله لنا

[Jasmine Al-Qahtani]

انا مع الاجازة

وان شاء الله ماراح يفوتنا شي

لان هذي الاجازة هي بديل عن الاجازات اللي بين الاترام واللي وسط الاترام