تفاصيل دورة Teach Me Medicine .. لجميع الطلاب والطالبات المستجدين في الكليات الصحية

[mo3tz_bam]

المشاركة الأصلية كتبت بواسطة abood1995 اخي معتز اناا دفعت الفلوس و ابغا الغي التسجيل علما انكم عطتوني البطاقة والسند لان حصل لي ظرف ماراح اقدر احضر متى يمكن اجي اقدر اخذ فلوسي وارجع البطاقة لان 29 شعباان مسافر وراجع على الدراسة ان شاء الله جات السفرة فجأة

مو مشكلة حبيبي تجي بكرة من 5-6 و معاك البطاقة و الايصال و نرجعلك الرسوم

المشاركة الأصلية كتبت بواسطة no0od السلام عليكم انا بسال عن وقت التسجيل بالنسبه للبنات يوم الاربعاء لو سمحتو ردو ضروي عليا

وعليكم السلام و رحمة الله
الربوع حيكون وقت التسجيل للبنات الساعة 9 الصباح لين 10

المشاركة الأصلية كتبت بواسطة Rof1967 مافي ايميلات ولا ارقام في الموضوع ياليت تفيدوني بسرعة قبل ينتهي التسجيل وياليت لو تمددون التسجيل ليوم الاحد (خميس وجمعة اجازة )

هنا موجودة الارقام و الايميل
وبالنسبة للتمديد اذا في مجال نحاول ان شاء الله

[ζ ـــږۉف الـتـ’ـمـيـــزْ]

لو سمحتم

اليوم صاحبتي راحت للجامعه مالقت احد

واليوم اخر يوم في التسجيل

اش الحل ؟؟!!!

[no0od]

السلام عليكم انا راح عليا التسجيل عادي اسجل في نفس يوم الدورة ؟؟؟

[ابتسمي]

فيه تسجيل اول يوم بالدورة 7 شوال

بالتوفيق للجميع ^^

العنود نواف

Med11

[mo3tz_bam]

التسجيل حاليا خلاص اتقفل
بإذن الله حيكون في تسجيل متأخر اول يوم في الدورة
تفاصيل التسجيل المتأخر حننزلها قريب ان شاء الله

[بنووتة غنووجة]

كيف بالنسبة لنا أحنا البنات يعني حنكون بالعبايات ولا نلبس لاب كوت ؟؟
كيف بيكون الوضع وهل حيكون في اختلاط ؟؟
يالييت تفيدونا ومشكوووورين (:

[mo3tz_bam]

المشاركة الأصلية كتبت بواسطة بنووتة غنووجة كيف بالنسبة لنا أحنا البنات يعني حنكون بالعبايات ولا نلبس لاب كوت ؟؟ كيف بيكون الوضع وهل حيكون في اختلاط ؟؟ يالييت تفيدونا ومشكوووورين (:

بالنسبة لعباية ولا لاب كوت ماعندي فكرة والله
انتي تعالي اول يوم بعباية و شوفي الوضع كيف
و بالنسبة للاختلاط
لا مافي اختلاط البنات في مبنى و الاولاد في مبنى ثاني

[*سلفادوره*]

ياعسل اتمنى تنزلين لنا تفاصيل التسجيل المتأخر لأنه وقت التسجيل ماكنت موجوده ف جده ولك ودي

[دره جده]

السلام عليكم

لو سمحتو بسألكم بالنبسه لموقع البنات .. صح انه جمب و في نفس الخط بكليه طب الاسنان؟؟
بلا وضحولنا بالزبط جمب مبنى ايش ورقم كم .. المعذره لاني كنت بالشرفيه وم اعرف

[تهاني ماجد]

جزاك الله خير