الاستفسار عن مسار الفسيولوجي او الاجنه بالنسبه لعل

[never hide]

المشاركة الأصلية كتبت بواسطة لولــــــــــــو عفوا اخت (ادعولي اكون معيدة ) ارجو مساعدتي انا اول مرة ادرس في الجامعة لاني من كلية التربية واحس الانظمة معقدة انا وراثة ...ونفسي ادرس مناعة هل هو متوفر وإذا الإجابة بنعم تعرفي دكاترة فيه ...ومساري الان وراثة وقلت للاخت الحلوة تنزل مادتي احصاء حيوي ومواضيع ...ما هذه المادة (مواضيع) ومن يدرسها ؟؟وماعندي اي فكرة عن المسارات وكيف ومن اين اجمع اسئلة السنوات الي راحت وللدكاترة الي راح اختارهم . ولك جزيل الشكر على سعة صدرك وكرم اخلاقك بإفادتك لنا في مثل هذه المواضيع وجزاك الله خير الجزاء وإن شاء الله تتحقق جميع احلامك ...واتمنى اقابلك . سبحان الله وبحمده سبحان الله العظيم

يا عسولات يابنات و الله اني حبيت تجمعكم هذا و ان شاء الله بأفيدكم باللي اعرفه و نشوفكم يوم ياحلوات في الجامعة

على العموم

يالولو اذا بتعرفي التخصصات عندك هالملف



فاصل و نواصل

[hadole]

حياتي لولو كيف الصحه بالنسبه للمواضيع كانت عن المجاهر وزراعه الانسجه و التكنولوجيا الحيويه مع د/ فتوح ومع د/ على الرباعي عن العضلات والهيكل الخلوي يعني تشمل كل الاحياء وبجد مره يساعدوا في الدرجات اما الاحصاء كان مع د/ سيده وكانت اول مره تعطي الماده وكانت جيده وتاخذ من اسئله د/ جنات لكن انتهى عقدها
ود/ جنات كانت مبدعه في الماده واسئلتها كمان مو هينه بس خلاص عقدهم انتهى لكن مين يعطي الماده ماعندي خبر


وبالنسبه للاسئله و الملخصات ابشرررررررررررررري ياعسل كلها بأذن الله اوفرها لك حتى عروض البور ح نزلها لك لان ح تتعبي وانت تطلبيها

[hadole]

صباح الخير never hide كيف الصحه

لو مافيها ثقاله ممكن اعرف تخصصك

[أدعولي حلمي أكون معيد ه..]

المشاركة الأصلية كتبت بواسطة never hide يا عسولات يابنات و الله اني حبيت تجمعكم هذا و ان شاء الله بأفيدكم باللي اعرفه و نشوفكم يوم ياحلوات في الجامعة على العموم يالولو اذا بتعرفي التخصصات عندك هالملف فاصل و نواصل

جزاك الله خير
والله كنا محتاجين لهذا الملف
علشان البنات يعرفو المسارات تبع كل تخصص
شكررررررررررررررررررررررررا

[أدعولي حلمي أكون معيد ه..]

hadole
معليش انا اتاخرت عليكي
اتصلت علي زميلتي تخصصها اجنه ما ردت علي متي ماردت علي طول اديك خبر ان شاء الله

[never hide]

المشاركة الأصلية كتبت بواسطة hadole صباح الخير never hide كيف الصحه لو مافيها ثقاله ممكن اعرف تخصصك

باك معلش رحت خلعت ضرسي و دوبني رجعت

عادي يا قلبي مافيها ثقالة

انا تخصصي ميكروبيولوجي و البنات اللي في هالتخصص عددهم قليل مقارنة مع بنات قسم الحيوان ماشاء الله عليهم ...

بالنسبة للي كانت تسأل عن المناعة اللي اعرفو انو مافي مسار اسمو مناعة لكن اللي اعرفو ان فيه بنات كانو ياخذو المناعة مع د عالية الدهلوي لكن مشكلتها انو كلو بالانقلش و تسوي معاكي انترفيو بالانقلش و ما تقبل اي احد و يمكن تخليكي تاخذي مواد تكلميلي ...

ما أدري اسألي في قسم البنين يمكن تلاقي احد تخصصة مناعة و تقدري تكمل معاه لكن في كل الاحوال المناعة مش مسار مستقل ...

و الله هذا كل اللي اعرفه .....

و يصراحة شخصيا ما انصحك بيه لانو مو سهل ابدا ....

لاني اخذت المادة في البكالوريوس و عانيت لانها ماده دسمة و صعبة و بالانقلش

[never hide]

المشاركة الأصلية كتبت بواسطة أدعولي حلمي أكون معيد ه.. hadole معليش انا اتاخرت عليكي اتصلت علي زميلتي تخصصها اجنه ما ردت علي متي ماردت علي طول اديك خبر ان شاء الله

الله يسعدك و يوفقك ... و تكوني معيده

انتي متعاونة مع البنات و نستاهلي كل خير

[never hide]

المشاركة الأصلية كتبت بواسطة hadole حياتي لولو كيف الصحه بالنسبه للمواضيع كانت عن المجاهر وزراعه الانسجه و التكنولوجيا الحيويه مع د/ فتوح ومع د/ على الرباعي عن العضلات والهيكل الخلوي يعني تشمل كل الاحياء وبجد مره يساعدوا في الدرجات اما الاحصاء كان مع د/ سيده وكانت اول مره تعطي الماده وكانت جيده وتاخذ من اسئله د/ جنات لكن انتهى عقدها ود/ جنات كانت مبدعه في الماده واسئلتها كمان مو هينه بس خلاص عقدهم انتهى لكن مين يعطي الماده ماعندي خبر وبالنسبه للاسئله و الملخصات ابشرررررررررررررري ياعسل كلها بأذن الله اوفرها لك حتى عروض البور ح نزلها لك لان ح تتعبي وانت تطلبيها

انا اخذت هاذي المادتين

ترى لا تتهورو و تضيفو مواد ثانية بالكاد يكفي الوقت للمذاكرة

الاحصاء اخذته مع جنات لكنها سافرت و بالنسبة للمواضيع اخذتها مع الدكتورين الرباعي و فتوح كل واحد يدرسكم فتره و للحق مره يساعدو في الدرجات بس هو التعب في المذاكره لان المنهج دسم دسم وكامل الدسم كمان ...

الدكتور الرباعي اول ما يبدا معاكم راح ياخذ ايملاتكم و يرسل لكم المحاضرات و يطلب منكم بعض الواجبات لازم ترسلوها له على الايميل ...

بالنسبة للدكتور فتوح اكتبو معاه و ذاكرو من اللي تكتبوه + راح ينزل لكم ملازم في المكتبة خذوها و ادرسو منها

لكن للاسف و الله الملازم ماهي عندي انتو اكتبو معاه و ذاكرو من اللي كتبتوه

و اي استفسار عن هاذي المادتين انا حاضره

[لولــــــــــــو]

كل الشكر للاخوات الاكثرمن رائعين ومشكورة الاخت هدول بجد احرجتيني بكرمك الله يرضى عليك دنيا واخرة ويفرح قلبك ولا يحوجك لغير وجهه الكريم .
لكن في سؤال متى اقابلك واين ؟؟لان اتمنى تكون عندي اي حاجة لهذه المادتين اتمنى عيوني تجمعيها من الان فضلا يا عيوني عسى ما يأمر عليك عدو يا كريم .
ويوم السبت او الاربعاء الاخير من هذا الاسبوع إذا عندك الاستطاعة اقابلك واعزمك على الغداء انت وجميع الاخوات الكريمات لان انا والحلوة صاحبة الوفاء والاحساس تحف لا نعرف الجامعة وكي نصل للقاعات الف حكاية وحكاية .

ما اقصده لا نخرج من هذا التجمع الطيب جزا الله خير الجزاء من قامت بتجميع اناس جميلين امثالكم إلا وقد اتقفنا على موعد وساعة محددة ومبنى نتقابل فيه .
وتسلمي هدول بجد فرحتي قلبي الله يفرح قلبك احس حمل ثقيل انزاح عن قلبي ومرة انا ممتنة لك يا عسل اتمنى تضعي لي موعد لقائي بك بحسب ما يريحك ومشكورة مرة اخرى .
وسلامات على الاخت (never hide)واجر وعافية ولا بأس عليك يا قلبي وربي يسعدك ويفرج لك ويفتح لك ابواب الرزق كلها انت واخواتنا الحلوين وجميع المسلمين .

سبحان الله وبحمده سبحان الله العظيم

[أدعولي حلمي أكون معيد ه..]

hadole
باقي مواد الاجنه
زراعة الانسجه والاعضاء
الدكتور صالح كريم
المنهج
كتاب علم اجنه مقارن ولازم لازم تكتبي معاه
نظام الاختبارات
حلو اختبارين الجزء دخل في الاختبار الاول ما يرجع يدخل في الاختبار الثاني بس لازم تركزي معاه علشان تعرفي تجاوبي زين وتجيبي Aبلس الاختبار عربي
النشاط
ابحاث تترجميها من english لعربي
الماده مش شبكه لا تروحي انت وزميلاتك اذا كان معاك احد عند الدكتور في مركز الملك فهد للابحاث الطبيه