لننتصر على الكيمياء

[SoOoMa1990]

اخت unknown ..
ما شاء الله عليكي .. شرح ولا احلى .. شرح ولا اروع ..
كفيتي ووفيتي وزيااادة كماااااااان ..
مجهوود جبار تشكرين عليه ..
ربي يوفقك ويسعدك ...
اما انا كالعادة يا سعادة ... ضايع بس دي المرة اقوى واقوى .. الله يستر .. :)

[υикиσωи]

<< لا انا متأكدة انك ما شالله تمام التمام ...

ومدام زاكرت من ديكا الملخصات معناها ان شالله تمااام ...
تتحدانا انك ان شالله تجيب 29 او 30 ..!..;)

[SoOoMa1990]

المشاركة الأصلية كتبت بواسطة υикиσωи << لا انا متأكدة انك ما شالله تمام التمام ... ومدام زاكرت من ديكا الملخصات معناها ان شالله تمااام ... تتحدانا انك ان شالله تجيب 29 او 30 ..!..;)

اي ملخصات تقصدي ؟؟؟
يااااااااااااا ريييييييييييييييييييييييييييييييت .. الله يسمع منك ..
مستحييييييل المستحيل .. لأني من جد مني داري فين محطوط بالاضافة اني اكره الكيمياء .. بالاضافة انه ما بقي وقت ازاكرها .. بالاضافة انه الاحياء برضو طويلة .. بالاضافة انه الاحصاء كمان تلخبط .. بالاضافة انه كل شيء صار ملخبط بالاضافة اهلي راح يجو دا الاسبوع .. بالاضافة انه كل شيء سار ملخبط وشكراااااااااااااا ...

[υикиσωи]

المشاركة الأصلية كتبت بواسطة soooma1990 اي ملخصات تقصدي ؟؟؟ يااااااااااااا ريييييييييييييييييييييييييييييييت .. الله يسمع منك .. مستحييييييل المستحيل .. لأني من جد مني داري فين محطوط بالاضافة اني اكره الكيمياء .. بالاضافة انه ما بقي وقت ازاكرها .. بالاضافة انه الاحياء برضو طويلة .. بالاضافة انه الاحصاء كمان تلخبط .. بالاضافة انه كل شيء صار ملخبط بالاضافة اهلي راح يجو دا الاسبوع .. بالاضافة انه كل شيء سار ملخبط وشكراااااااااااااا ...

مدري المخصات الليكل لناس يزاكروو منها ...
تاني شي..إن شاء الله حتجيبها
تالت شي ...المفروض كنت تزاكرووو من قبل ..
رابع شي ... ازا منتا فاهم شي ... نحاول نفهمك إن شاء الله
خامس شي.. الاحيااااء ازا ما عندك وقت تزاكر السلايدات ...فتقريبا البنك مرتب حسب السلايدات فعشان تفهم شوف السؤال في البنك وارجع للسلايديات حتلاقيه ..بكدا حيوفر عليك وقت وفي نفس الوقت حتفهم ... انا دي الطريقة باسويها في الشباتر الي بقيتلي 18 و 19 ..
سادس شي.. الاحصاااا اتمرن عليه واقرااااا عنوو من خارج الكتاب ... وحتلاقي نفسك تمااام التماام .. وازا احتجت شي ف مواضيع زهرورة
سابع شي ..ما في شي ملخبط ان شالله ..انتا اعمل الليعيك ... وخلي في بال او ل شي سهل
وحتشووو سهل ..اهم شي نظم وقتك
تامن شي ...أحسن شي انو اهلك جايين ..عالاقل تاكل اكل صحي ... ... ونفسيتك ترتاح ..اما ازا عالازعاج من البزورة اللي عندكم فضربتين وخلاص كلو يسير تمام ..
تاسع شي ....معليش الفلسفة الزاايدة ....

[بيو كيميائية ^_^]

أنا متأكدة أنك فاهم كل شيء وعبقري بس ماتبين لأحد حق لاتصاب بالعين
كان بديت في المذاكرة من قبل لايك مي فرحانة ذاكرت
ياريت أهلي يجون لي حق أرتاح نفسياً طبعاً مافيه أمل يجون
صراحة يوم شفت أنك مختفي قلت أكيد أنك تذاكر وفاهم الكيمياء وما عندك مشكلة فيها
أنا صار عندي مشكلة في الكيمياء في شبتر 9 وشوي من 8 يبي لي أركز عليهم أكثر

[υикиσωи]

<< يا قلبي يا زهرة ... اهم شي انك تركي في شكل لويس ..
لانووو هوا سهل ..بسس يبالو مخ صااحي وامتي ما شالله عليكي

[بيو كيميائية ^_^]

شكل لويس أعرفه
هو المخ لسه صاحي بس بعد إذا خلصنا بصير شيء ثاني

[wow.]

ياحلوين ابغى شرح لشابتر 5 (5_5)&(6_5)واذا كان في شي بعده
ومشكووووووووووووووووووووووورين

[υикиσωи]

في ( 5-5 )


هوا بسس حاب يربطلك العلاقتين n=m\M مع PV=nRT ببعض ... << اللي حيربطهم هوا عدد المولات

بسس في حالة ازا كانت الشيين اللي نبا نطلع حقتهم ... اتنينهم غازات ... فممكن نعتبر انو الـn هوا الــv << لا تلخبطي شوفي المثال اللي بعدو عشان تفهمي قصدي في دي النقطة ...


مثال 5.11

يبا حجم الأكسجين O2 باللتر ..الازم لكمال لاحتراق 7.64 من الأستيلين C2H2 ... في نفس درجة الحرارة والضغط
من النقطة اللي قبلناها قبل شوية ... يعني الــn = 2 mole = v ... وكمانا n = 5 mole = v
اذن ... عندنا لترين من الاستيلين يتفاعلو مع 5 لترات من الأكسجين <<< الــL هيا وحدة الحجم
فازا كان عندنا 7.64 لتر من الاستيلين فحيتفاعل مع كم من الاكسجين ...!!!

نضرب وسطين في طرفين


2 L5 <------------------- L
7.64L -------------------> ?

V of O2 = 19.1 L

>> دا المثال يوضحلك حالة ازا كانو الاتنين غازين ..اما الأمثلة الباقية عايدي تجيبيها من القانونين اللي قلناهم فوووووق

[υикиσωи]

( 5-6 )


قبل كدا حسبنا ضغط الغاز لما يكون عندنا غاز واحد لحالوو ..
طيب لما يكون عندنا خليط من الغازات في العلبة او القنينة او ايش ما يكون ونبا نحسب ضغطهم ..ايش نعمل ...!!

دالتون الفلة دا جااا وفكالنا الأزمة ...
قال أكيد مجموع ضغط دولي الغازات = ضغط الغاز الاول + ضغط الغاز التاني + ضغط الغاز التالت + .....
P t = P 1 + P2 + P3 + ……etc

طيب عشان نجيب قيمة الضغط للكل غاز على حدة ... حيكون قانونووو ..
مثلا الغاز الاول ...P1= X1 Pt
<<< حيث Pt هوا الضغط الكلي ( يعني مجموع ضغط الغازات ) << Total pressure
أماا بالنسبة لــX1 ... حنجيبها كالتالي ..

X1=n1\nt
حيث n1 عدد مولات الغاز اللي حيدينا هوا ...
و nt حيكون عدد مولات خليط الغازات كلووو ...





طيب نرتب افكارنا ..
اول شي حيكون مدينا اكيد عدد مولات الخليط وعدد مولات كل غاز ع حدة ... والضغط العام لخليط الغازات

فاحنا حنجيب الــmole fraction للغاز اللي نبا نجيب ضغطوو x1 باننا نقسم عدد مولات الغاز اللي نبا نجيب ضغطو ع عدد مولات كل الخليط

كدا سار عندنا الX1 ... نقوم نجيب ضغط الغاز بكل سهولة ..
اننا نضرب الــx1 في ضغط الخليط ...


-----
ازا نبا نجيب ضغط الغاز التاني .. حنسوي نفس الشي ... نجيب الــx2 ...
X2= n2\nt
بعدها ..نطيق عادي ... P2=X2Pt
وكدااا ...الخ

------

طيب في ملاحظة .... ازا مسلا عندنا 4 غازات ... طبعا حيكون لكل واحد من دولي الغازات mole fraction
يعني حيكون عندنا X1 , X2 , X3 , X4 ...
الملاحطة اللي ابا اقولها .انو مجموع دولي الاكسات ... حيكون واحد << انتبهي مو مجموع الضغوط ... قلنا مجموع الــمول فراكشن
يعني بعبارة رياضية ..X1+X2 + X3 + X4 = 1









طيب آخر شي في دا الجزء ... عندنا جهاز يساعدنا في استنتاج ضغط الغاز المحصور فوق الموية ..بمعلومية معرفتنا للضغط الكلي وضغط بخار الموية

اشرحلك هوا ع الماشي .. شفتي انبوبة لاختبار اللي عند اللهب ... هنا حطينا KClO3 على MnO3 وعرضناهم للهب ( حرارة ) فانطلق عندنا غاز الأكسجين .. راح عند الموية وطلعت فقاقيع وطلع فوق ( عند العلبة مدري جزازة ) هناك فوق الموية ... حيكون ضغط الموية ( بخار الماء << يعني في حالتو الغازية ) + ضغط الأوكسجين ...
طيب كيف نطلع ضغط دا الغاز المحصور ... حيستخدمو هنا نفس المعادلة اللي قلنا سابقا ...
Pt = P(O2) + P ( unknown gas)
وبما اننا حنكون عارفين ضغط الغاز الكلي ... وعارفين ضغط الموية ... فخلاص حنطلعو ع طوووول


بكدا خلصنااااااااااااااااااااااا ...