2 >>حنفكر مع بعض كلللنـــا $$$ تابع لـ ليش الوظايف المحترمة اختلاط

[كيميائية مع وقف التنفيذ]

عشان مكتب العقار يدور لنا على مكان للمقهى على شارع عام وسط جدة عشان يكون قريب من الناس

بالنسبة للمكان افضل انو نستشير ناس عارفهـ بالاماكن العامهـ

انا ارشح مكان يكون قريب من سوق تجاري او شارع عام

افضل حي الصفا لانو قريب من الكل او اول التحلية

ومن ناحية لازم نأخذ فسح من البلدية والدفاع المدني و الغرفة التجارية
بالنسبة للغرفة التجارية سهله لو اخذنا المبلغ ووسوينا اوراق المشروع وسوينا دراسة جدوله له
والدفاع المدني برضو سهله
لكن المشكلة اتوقع في البلدية

أنآ عمي يشتغل بالعقآرآت وأبويه أحيآنآ يسآعدو مآ ضمن أنو يسآعدنآ لآن أظن يشتغل بالأرآضي وگذا بس أقدر أسأل عن الشي هذآ من شآن مآينضحگ علينآ على قولتگ

و وهج تقدر تساعدنا علشان محد يضحك علينا

ممكن تسأليه عن الاماكن اللي قلت لك عليها وانتو اقترحوا امكان تعرفوها

كمان نصحتني الحرمة اني اخد راي استاذة جامعية تدرس تخصص ادارة الاعمال او التجارة

صح لازم وما خاب من استشار نخلي وحده تستشير ؟

روبي
في الرد هذا
ما ادري حاسه انك مترددهـ اول كنتي متحمسه
ايش اللي صار:(



جامعيه كوول

اهلا فييييك ورأيك بعين الاعتبار لكن احنا ما انبي شي نكسب فيه ذنوب فوق ذنوبنا
لو راعينا الناس ما راح نستفيد ولا راح نرضيهم نسوي اللي احنا مقتنعين فيه ونجتهد بمشروعنا والتوفيق من الله


بنات وينكم وين حماااااااسكم

[rubi]

اهلااااا كيميائية

حابة اقول شي على اني اخد راي استازة جامعية

ما خاب من استشار وبنفس الوقت انا حاطة ببالي اني حاخد منها نصايح تفيدنا

ـــــ

اليوم قابلت وحدة بالصدفة وجلسنا نهرج وقلتلها اللي ناوية عليه احنا<<مقهى

قالتلي ان الفكرة دي هيا نفس الشي اللي هيا بتحاول تسويه


ابغا اقول كلامها ليكي يا وهج ويا كيميائية عالمسن احسن

لان الكلام حيطول

انا اعتبركم اخواتي من دحين

[rubi]

كيميائية صراحة انا مايئست وباذن واحد احد ما حيئس

بس سمعت كلام يزعل عن مشروع المقهى

ان شا الله لمن نتفاهم ويزيد عددنا يسهل الوضع

والتوفيق من ربنا

[حبي لذاتي قمة أولوياتي ~]

حابة أسأل عن رواتب البيان والفردوس كيف !!

[وهج المشاعر2009]

اوكي ماعندي مااااااااانع واحنا اخوات فديتكم ,,,

[rubi]

بس حابة اقول للبنات كلهم

وهج وكيميائية اضفنا بعض عالايميل

وان شا الله نشوف بنات جادات طموحات


الله يوفقنا في الجاي والله يزيد عددنا بالخير امين

[وهج المشاعر2009]

آمين يارب ,,,

[to0ofy]

صبااااااااح الخيرات والعسلات


ماشاء الله مره حلو حماس البنات ويشجع


روبي من يوم قريت الموضوع لليوم قاعدة افكر واقرأ ردودكم
حلوة فكرة المقهى وبصراحة مره نحتاجها
بس أحس المشروع فوق طاقتنا وأحنا في بداية المشوار
الدعم المادي لازم يكون كبير عشان يطلع المقهى شي مرتب وراقي
كمان غير أن فكرة الاغاني في المقهى غير مرحب بيها عشان ماحد يبغى يكسب ذنب احد
وأنا أحس أغلب البنات يجذبهم اجواء المقاهي ككل

لما قريت فكرة المشروع خطرة ببالي فكرة
انو نسوي قسم ولو بسيط للحفلات ممكن روم واحد بس او مو شرط ممكن يكون جزء من المقهى
زي حفلة تخرج حفلة نجاح وهيك
الحفلات أحس أنها حتجيب مردود كويس للمشروع
والبنات يحتاجو احيانا يعملو حفلات برا مو في بيتهم





........
اقترح لو كان المشروع شي ابسط من كدا
يعني ممكن يكون شي يبدأ بينا أحنا بعدين نوظف احد فيه
مو من الاول يكون في موظفات ورواتب

لحد دحين ما فبالي شي بس برضو بفكر
وليا باك ان شاء الله

[rubi]

اهلييين توفي منووووووورة


انا فعلا فبالي اننا نبدا في مشروع صغير فالبداية

ابسط من فكرة المقهى

ومفيد

وبعد النجاح فيه باذن الله

نبدا نفكر بكلللل تفاصيل مشروع المقهى

والتوفيق من الله

فعلا دا اللي في بالي ,,, وان شاء الله حسوي موضوع جديد

اوضح فيه اننا حنفكر في مشروع

مفيد

بسيط

عششششان
المقهى اللي نحلم فيه

يعني المشروع الصغير فالبداية في سبيل المقهى
وحابة اقول للمتابعات للموضوع
المشاركات معانا من البداية غير اللي تشارك بعد ما هيأنا نفسنا وبدانا



ـــــــــــــــــ

معنى كلامي بالمختصر

حنفكر في مشروع بسيط ومفيد
عشان نقدر نحقق هدفنا اللي هوا المقهى اللي نحلم فيه

[rubi]

فكرتك ياتوفي مررررة ختيرة
وجا في بالي اننا نخلي مكان المقهى كبير

عشان اللي تبغا تستاجرو لحفلة

ملكة صغيرة ـ غمرةـ نجاح ـ تخرج

حاجات زي كدا

واحس اهم شي

الديكور

الله يسهل يااارب يا كريم
امين

نورتي توفي ونورينا كتير


الله يزود عددنا بالخير