ملينا وطفشنا متى تثبيت المتعاونات:(

[حنين2008]

يابنات لازم نسأل ونعرف اذا راح نترسم او لا
مانجلس كذا ونستنى لما يخلص رمضان وبقفل البرنامج ...
عشان اذا تاكدنا انهم ماراح يثبتونا نرفع برقيات للملك
وانا متاكدة انه ماراح يقصر معانا لو عرف
وكلام الجامعة عن التثبيت في الجريدة
اوي اي مكان مايجيبوا غير سيرة بند التمويل وغيره ماسمعت

[جوريـة]

أوكي نرسل خلاص يابنات لأن للأسف
موضوعنا في آخر اهتمامات الجامعة
لازم نتحرك وبأسرع وقت والله ييسرلنا

لكن أيش الأفضل هل قسم يرسل لوحده ؟

[miss _dede]

اخواتي ممكن اسالكم سؤال . انتم ويين قدمتم على وظائف المتعاوناات ؟؟ في الشؤون مبنى 13؟؟؟ الله يسعدكم ويثبتكم كلكم يااااااااااااااااارب

[احساس ورده]

لا يــاقمر..التقديم على وظيفة متعاونة يكون عند قسمك أنا قدمت في قسمي وهما يتصلوا عليك..

تحطي عندهم الــc.v والوثيقة وكشف الدرجات والهوية وشهادة حسن سيرة وسلوك طبعا كلها صور..

وهما وثت الإحتياج يتصلوا عليك..

قدمي عند قسمك والله يكتب لك الخير..

[اللمار]

السلام عليكم

ارفقت لكم صور التعاميم المتعلقة بالتثبيت في المرفقات
لأن في ناس ماهي عارفة اذا راح ينطبق عليها التثبيت او لا؟

وبالتوفيق

[فنية معمل]

لاتقل عن ساعات العمل الرسمية
طيب هما دايما يحسبولنا نصف الساعات
يعني أكيد حتجي أقل

[جوريـة]

طيب اللي عندها 15 ساعة تدريس
من غير الساعات المكتبية أكيد حتتثبت ؟؟
لأن الجامعة مارفعت الأوراق للخدمة المدنية

السؤال اللي يطرح نفسه
مدام عندهم دا القرار ليه مايرفعوا أوراقنا
ياريت أحد يقولنا


ياااااااارب نتثبت ونوقع المباشرة في شوال

[فنية معمل]

بس ساعات العمل الرسمية كل يوم 6ساعات
يعني 30 ساعة في الأسبوع

أنا اول مااشتغلت كان في جدولي المفترض أشتغل الساعات الفعلية 16 ساعة في الأسبوع
بس همكا يحسبولنا دايما النص يعني 8ساعات

والترم الي بعده كان تقريبا 32 ساعة
يعني نها 16

والترم الي بعده 39ساعة
يعني 18

والترم الأخير كان 10 ساعات
علشانن باكمل ماجستير



بس ترا الفعل غير الواقع
في الواقع إنا باشتغل أكتر من الدوام الرسمي والمكتوب في الجدول
لأن دايما أدوام من 8-3ومرات 4 وقد تصل ل5
بس المشكلة ماعندي اثبات

[فنية معمل]

المشاركة الأصلية كتبت بواسطة جوريـة طيب اللي عندها 15 ساعة تدريس من غير الساعات المكتبية أكيد حتتثبت ؟؟ لأن الجامعة مارفعت الأوراق للخدمة المدنية السؤال اللي يطرح نفسه مدام عندهم دا القرار ليه مايرفعوا أوراقنا ياريت أحد يقولنا ياااااااارب نتثبت ونوقع المباشرة في شوال

كيف عرفتي غنو الجامعة مارفعت الأوراق

[جوريـة]

لما نسأل في الجامعة يقولوا ننتظر توجيهات الخدمة المدنية