||[ يوميآتك حول مآحدث اثنآآء المٌـرآجعه + البث المبآشر لأحداث القبول لدفعه 12 ]||

[شذاووي]

^^^^^

ماعليك لاتخافي لسه مانزلوا حاجه واعتقد ماراح يفتح اليوم استني عليه كم يوم

<<< تذكرت نفسي كنت خايفه انوو ماعندي جدوول << مخ هههههههههههههههههههه

[جنون أطفال]

أنا أساسا حتى إسمي ما نزل ؟؟

[ǁ غــلأآإ ، رٍوٍحــي ǁ]

هذي الاسسمآإء للي يسجلون الآآآآن
إنتو اساميكم طلعت بس كنتو في الجآمعه

[Ma3QoLa!]

ايوا وتذكرت حاجه

اختبار تحديد المستوى حددوه ليا بكره

واتوقع كل اللي اليوم بكره،، واللي بكره بعد بكره وكدا

ض1

[وليد المشاعر]

ادعوووووووووووووووووووووولي انقبل في الفرع الرئيسي
يااااااارب يا كرييييم
الحين بسئلكم
الحين بجدول النسب حاطين اقل نسبة ممكن يقبلوها في الفرع الرئيسي اللي 82 وشوية
انا الحمد لله نسبتي 84 وشويتين مراجعتي الثلاثاء
يعني ان شااااااااء الله انا انقبل بالمقر الرئيسي
دعووووااااااااااااااااااتكم

[ǁ غــلأآإ ، رٍوٍحــي ǁ]

^^

وليد حط ببطنك بطيخه صيفي
إن شاء الله بالرئيسي

[جنون أطفال]

والله أنا روحت وأنا طفشآآآآآآآنة سارلي كدا موضوع عكرلي مزااجي ,,

الموهيم روحت و إحنا فمبنى 29 فكان المكان واضح علطوول نزلت وطبعا لاآآآآآزم معايا ماما <<< يقولو إنو هادي البنت (( جنون أطفال )) حتجلس فالسكن السؤال هنا كيف حتصرف نفسها من دون ماما ؟؟؟ الله أعلم ,,
الموهيم ما دخلت على طول لأنو كاان مررررررررررة زحمة عند البوابة عشان في بنات مو منقبلين ونسبهم واطية وجايين يستفسرو أو شي زي كدا ’’

بعدينا حقت الأمن قالت كلكم بعدو وإللي فإيدها ورقة الترشيح توريني هيا وتخش ’’ والحمد لله خشيت وطبعا معايا ماما ’’

ماما استنتني فمكان مخصص للمرافقات وخشيت أنا وكاان كوول شي واضح ,, أنا روحت شويه بدري رغم إنو موعدي كان 10 بس عادي مشوني ,,

والأستاذت <<<< تعديل لعيون غلاآآ روحي <<< هناك مررة طيوبات ومتعاونيين ’’

و بعدين أخذت بطاقتي و دقيت على مامتي وقلتلها إنو أنا خلصت وطلعنا ’’

ولمن ركبت السيارة بابا يقولي مبروك وزي كدا وماما كماان ’’

بس أنا وقتها مزااجي كاان مررررة مو كويس فكان بااين عليا إني مو مررة مبسووطه ,,

ولو تدرو أنا صاحية ليا يومين كلو من موضوع الجامعة هادا مو راضي يجيني نوم ’’

الموهيم الحمدلله عدت على خيييير ’’

ويآآآآآآرب يسهلي أمر السكن ,,


كدا كويس يا غلاآآ ,,’, حكيتلكم بالتفصيل إللي يطفش ,, انبسطي عآآد

[جنون أطفال]

إيوا وأنا كمان اختباري بكرا ’’

ربنا يسهل إن شاء الله .,’,.

[ǁ غــلأآإ ، رٍوٍحــي ǁ]

المشاركة الأصلية كتبت بواسطة ma3qola! ايوا وتذكرت حاجه اختبار تحديد المستوى حددوه ليا بكره واتوقع كل اللي اليوم بكره،، واللي بكره بعد بكره وكدا ض1

غريبه ليه مستعجلين
بس افضل لكم عشان يرتبوآ جدآولكم على حسب مستوآكم بالانقلش
وماتجلسسوآإ بالهم لين العيد

المشاركة الأصلية كتبت بواسطة جنون أطفال والأبلات هناك مررة طيوبات ومتعاونيين ’’ بس أنا وقتها مزااجي كاان مررررة مو كويس فكان بااين عليا إني مو مررة مبسووطه ,, ولو تدرو أنا صاحية ليا يومين كلو من موضوع الجامعة هادا مو راضي يجيني نوم ’’ الموهيم الحمدلله عدت على خيييير ’’ ويآآآآآآرب يسهلي أمر السكن ,,

جنون قلبي
اسسمهم استآذات ،، ابلآت ايآم الثانوي

ترى الدنيآ حلوة ، ليه المزآج مو رآيق ، ولآتعكري يومك وفرحه قبولك بإشياء مالها داعي

[Deev]

امم
اول مادخلت طلبو ورقة المراجعه والهويه

بعدين دخلونا قاعه كبيره هيا نفسها اللي اختبرت فيها القدرات يعني الجو مألوف

ويحكم اني جيت قبل موعدي هووا انا كان من 10/11 انا جيت من 8

جلسونا وزبطو اوراقنا وطلعو ملتزمين بالمستندات المطلوبه لاني انا خفت وزودت من عندي نسخ واشياء غير ضروريه

بعدين سارو يودونامن قاعه لقاعه وفي وحده مسكينه ضيعت بطاقة الاحوال بعدين الحمد لله لقتها ،،

طبعا الدنيا ثلللللج وانا مزكمه رحت فيها واتخيلو خلصت المناديل وخشمي ماسكت ×_× حوسه وربي

المهم الحمد لله طلعنا ورحنا على الاجهزه واخترنا المسارات
وبعدين اخدت البطاقه والصورة معفنه مهم مزبطينها

افتكر اني لمن جيت اختار المقر سرت حايسه مني عارفه اختار فين بالرغم من اني محدده انو بالسليمانيه علمي
جلست اقولها دقيقه خليني اقرر وربي حسيت اني كانني بقرر ع موتي ( من جد كان شعور غريب )

واللي ضحكني جلست اسألها كدا مرا انو قصدهم السليمانيه الفرع الرئيسي حتى لدرجه قالتلي خدي نفس حبيبتي وع مسؤوليتي انك في الجامعه الاساسيه
وكل مااروح مكان اللي يشتغلو هناك يقولو مبروك عاد انا من كتر البسطه جالسه مبتسمه للكل>> فرحانه بنفسي ^^

بعدين بدأ اسوق الحراج يشتغل عند بوابه الخروج
انا تقريبا خرجت ع 10
الدنيا كانت زحححححمه في بنات جايين نسبهم 80 ويبغو يدخلو للعماده والسيكيورتي مهم راضيين واللي وحده تقلها انا عندي وااااسطه خدي كلميها بالجوال ومهي راضيه وربي حاله كانو يعني كان من جد زحمممممه


وبــس الحمد لله اول ماخرجت بشرت اهلي وصحباتي

ولو عليا كان علقت البطاقه ع عبايتي ^^

سوري طولت بالكلام

^^