لو سمحتوا إستشاره ...الراسبين في الحاسب كمان أدخلوا

[بائعة الـورد]

المشاركة الأصلية كتبت بواسطة لميس ابو شعر اختي بائعة الورد الله اكبر عليهم قالو لك بعد رمضان من وين اجيب الصبر انا كم يوم مااقدر استحمل هالانتظار تقول لي بعد رمضان بنات اذا بتعلونها حرب عليهم انا وياكم شكاوي احتجاجات بس ماانخلي حقنا يضيع. وعلى فكره عميد جامعه الملك عبد العزيز بتستضيفه بكره جريدة عكاظ وهذا هو الخبر عميد القبول بجامعة الملك عبدالعزيز على هاتف «عكاظ» يستضيف هاتف “عكاظ” بعد غد الاثنين 26/ 6 / 1429هـ من الساعة السابعة الى التاسعة مساء عميد القبول والتسجيل بجامعة الملك عبدالعزيز بجدة الدكتور عبدالفتاح مشاط، وذلك للاجابة على كافة الاستفسارات المتعلقة بالقبول للعام الدراسي المقبل في الكليات النظرية والتطبيقية والعلمية وكليات التربية للبنات وكلية المعلمين والكلية الصحية للبنين والبنات في مدينة جدة والتي سيكون القبول فيها للطلاب والطالبات عن طريق الجامعة. ونسعد باتصالاتكم واستفساراتكم على هاتف (6764021). ايش رايكم بنات انكلمه وانقوله على الا صار لنا؟ انا عن نفسي بحاول اكلمه بكره وإن شاء الله احصله.

لميس ماراح ينفع تتصلي عليه لانه ماله دخل هو تبع القبول والتسجيل وابسط شي يقووله

لك رااجعي الكليه مالي علاقه ماينفع المووضوع صدقووني الاتصال خلاص شيلوووه من بالكم

ماااينفع لازم نعمل شكوووى .

[بائعة الـورد]

المشاركة الأصلية كتبت بواسطة jr7 بسم الله الرحمن الرحيم السلام عليكم ورحمة الله وبركاته الأخوه الاعضاء تفاجأت اليوم بنتيجة اساسيات الحاسب وهي طبعا F وانا متأكد من إجاباتي 100% ولو انعاد هذا الاختبار 100 مره سوف اجيب عن جميع اسئلتة وبدرجة A هل تعلمون لماذا ؟ لأنني أحمل شهادة دبلوم تقنية وبرمجة حاسب وهذا المنهج الذي اختبرونا فيه اقوم بتدريسه في دوراتي التدريبية كامل المنهج واجد نتيجتي F والله هذي المهزلة بعينها والاستخفاف بالطلاب إلى ابعد درجة ممكنه اصبحت سياسة الجامعة ان الطالب لا يعرف خصمه او من يطالب أو من يناقش قطيع يدار من وراء مكاتب فارهة لا يحق لنا السؤال ولا الاتصال ولا حتى النقاش (حاميها حراميها ). لكن لا تحزنوا كل ما في الموضوع ان هناك عجزاَ في رواتب الموظفين وبعض المشاريع داخل الجامعة وسوف يتم تعويضها من الرسوم الاضافيه علينا في حالة تأخرنا في هذا الصرح الشامخ . بحول الله وقوته سوف اذهب للجامعة يوم السبت القادم واطالب بمراجعة ورقتي و اتبع الروتين المعروف وهو انا الطالب دائماَ على خطأو ان لم اجد نتيجة إمارة منطقة مكه على طريق المدينة والأمير خالد الفيصل مايقصر ان شاء الله . حسبي الله ونعم الوكيل

أخي الفاضل كل كلمه قلتها كفووو فيها بصرااحه هم يبغالهم الاماره أو خالد الفيصل

والله ظلم غيررر طبيعي شنو جالس يصيررر لا أولاد ولابنات مرسبين إيش

السالفه يااااااااااااااااااااااااااانااااااااااااااااااااا اااس

[لميس ابو شعر]

اخي jr7 انا مثلك عندي دبلوم حاسب تخصص تقنية برمجه ودرست للطالبات دبلوم ودورات وضامنه النجاح بامتياز ومع كده عطوني f
انا اليوم الظهر كلمت الجامعه وكلمتهم وقلت لهم انا مقدمه على طلب اعادة تصحيح قالت لي نفس الكلام الا قالته لبائعة الورد ان لازم الا يفتح الورق الدكتوره والدكاتره كلهم في اجازه ومافي الا بعد رمضان قلت لها وبالنسبه لدرجاتنا ماتثبت قالت لاتخافي اذا اكتشفنا ان في خطأ نغير الدرجه.
وبعدين اتصلت على مكتب مدير الجامعه طلع لي واحد يشتغل في المكتب وقلت له مشكلتي قالي ارسلي فاكس على رقم الجامعه بطلب التصحيح هذا الا قاله.
وبالنسبه لاتصالي بكره لعميد القبول انا عارفه اني مش حستفيد منه بشي لكن بطلع حرة قلبي واقوله مايحتاج اتسجلو طلاب جدد لانكم ماعندكم حد يصحح اوراقهم ولا تبغون ترسبونهم هم كمان.

[المعتزه]

السلام عليكم ورحمة الله وبركاته

أسفه على التأخير بالرد

وطبعا اختي بائعه الورد اليوم شفت ردها اليوم لما قالت انها كلمت الجامعه على التحويله اللي هي حاطتها وردت عليها انها بتراجع الاوراق في بدايه الترم ........ما انكر اني تفائلت كثير وفرحت مره قلت يالله في امل بس بيني وبينك ماسكت لما شفت ردك اخذت الرقم ورجعت اتصلت مره ثانيه ........... تخيلي طلع لي رد ثااااااااااااااااااااااااااني غير اللي قلتي يا بائعه الورد

قالت لي الموظفه كل البنات اللي خارج منطقه جده راسبات وراجعنا اوراقهم وطلعوا هم ما حلوا شي ..ما عدا طالبه واحده

قلت لها معقوله هالكلام ... وقلت لها اسمحي لي صراحه هي وحده من اثنين يا اننا طالبات ما نفهم شي يا ان الجامعه مدري وش تبي معقوله 90.99 % ... وفي النهايه غلط من الطالبات

على العموم هي تقول انهم راجعوا الاسئله وطلع اننا نستحق الرسوب
واسمحي لي يا اختي بائعه الورد انا كتبت ايميل للدكتور عبد الفتاح اشكي فيه الحال ما عليه منه يرد ما يرد المهم اني اوصل صوتي واخذت الكلام اللي انتي كتبتيه بالردود واضفته على الكلام اللي صار معي


وعشان كذا انا راح اواصل واستمر في المعارضه اللين يوضح لي الموضوع لان التناقض في الردود مو معقوله

لو كان كلامها مثل ما قالت لك يا اختي كان اقول معهم حق بس لما تقولي شي وانتي شي ثاني هذي مشكله

وربي شي يرفع الضغط

اسفه على الاطاله

[لميس ابو شعر]

اختي المعتزه انتي متى كلمتيهم يعني الساعه كم؟
لاني كلمتهم اليوم الساعه وحده ونصف وقالت لي ان مايقدرو يفتحو الاوراق الا بوجود الكتوره ومابيكون التصحيح الا بعد رمضان يعني مالحقو حتى انهم يراجعو الاوراق.

[بائعة الـورد]

المعتزة بصررراحه كلامك جنني أكثر الله لايسامحهم وربي هذا كلامها لي بالحرررف

أنا أتصلت الساعه 9 الصباح ليش التناقض هذا ياناااس بموووت من القهر شنو ماحلينا هذا نفس كلام دكتورة

الماده لما كلمتها تقول لا إنتي ماحليتي كووويس شنو يعني والله لو حتى ماغير لعبنا في الورقه نجيب 60 حتى

يابناات والله تعبت في تناقض بين كلامي وكلام المعتزة شنووو هذاااا بس

[بائعة الـورد]

مين الدكتووور عبدالفتاح وحنا مستعدين نرررسل كمان

[somaa]

السلام عليكم ورحمة الله وبركاته
من جد موضوعكم قهررررررررررني
بالفعل الماده سهله جدا
لكن ليييييييييييش كذا ؟؟؟؟
ياجماعه لاتسكوووون على انفسكم وحاولو بجميع الطرق والله يوفقكم يااااااااارب
موفقين ان شاء الله

[بائعة الـورد]

يابنااااااااااااااااات الي عندها رقمممممممممممممممممم الوكييل او العميد تكتبه لنا لميس ارسلي الرقم

الي اتصلتي عليه مدير الجامعه أو من وووين نطلع أرقاامهم .

[بائعة الـورد]

المشاركة الأصلية كتبت بواسطة somaa السلام عليكم ورحمة الله وبركاته من جد موضوعكم قهررررررررررني بالفعل الماده سهله جدا لكن ليييييييييييش كذا ؟؟؟؟ ياجماعه لاتسكوووون على انفسكم وحاولو بجميع الطرق والله يوفقكم يااااااااارب موفقين ان شاء الله

وعليكم السلام ورحمه الله شاايف ياأخووي إنت قلتها بنفسك الماده سهله ومافيها شي

والله رفعوا ظغطنااااااااااااااااا حسبي الله ونعم الوكيل والله ماأسامحهم لادنيا ولاأخره