يابنات هنا تعالوا اسألوا عن الاستاذات تفضلوووووا (واللي عندها خبرة تدخل تجاوب)

[moon]

افيدونا الله يخليكم


ادارةاعمال فى ثقافات متعددة

فايزه ولا هند دمنهوري


القيادة وادارة الابتكار
عائشه الحسيني

ادارة المشاريع الصغيرة
امل تركستاني
عائشه الحسيني
شذى عزي
بثينه جمجوم ... مفروغ منها

[my hero]

طيب بنات ابي رايكم مره ثانية لاني احترات صراحة :(

نظم معلومات منى الرفاعي او سحر امين .. ابي وحده تكون ماخذه معها السمستر الي فات او الي قبله وو تقولي من احسن
بالنسبة لي اهم شي مايكون في شغل قروبات

سحر امين انا ما اعرفها بس يقولوا انها سيئة والله اعلم
انا اخذت مع منى الرفاعي بصراحة شرح مافي كله قراءة من الكتاب وغيابها لاحدث ولا حرج واسئلتها في اجزاء من الصح والخطاء من خارج المنهج او في المنهج بس فصول ما دخلت معانا في الاختبار يعني مثلا الدوري الاول كان في ال4 فصول الاولى بس اتفجأنا انها جابت من الفصل ال5و6 وهو مو معانا وبالنسبة الدوري 2 والنهائي كان حلو بس مو قد المذاكرة الي طلعت روحنا وترى الاشياء الي ما تشرحها ماهي معانا يعني لازم تجيبي الكتاب معاكي وبالنسبة للتكليف حقها تلخصي جزء من الكتاب هي تختاره والبتوفيق ^^
.......................

خديجة ضباب كلامها كثير بس اسئلتها حلوة وتركز اكثر شئ في الاختبار على التمارين الرياضية والامثلة وفي تكليف تطلبه قروب تلخصون فصل من الفصول يعني شئ عادي نصيحة خذي معاها بدون تردد ....

[Mai]

^
^

تسلمين ياقلبي ..معلييش بتعبك شوي .. خديجة لما تطلب التلخيص لازم نقوم نشرحه ولا لا .!

[.,.نيــــــــــــــــــــران.,.]

^
^
لا مانشرحه في ادارة عمليات لكن مبادئ ادارة خلتنا نشرحه :)

[dndn]

يا بنات ابغا اسأل عن أفضل المواد الحره ؟؟؟
كل وحده أخدت ماده حره تفيدنا باسمها ورقمها واسم الدكتوره ؟؟؟
ومشكوووووووورين
وصيام مقبول يا رب

[احساس فنانه]

سلام ياحلوين

المهم يابنوتات حبيت اسألكم عن المادتين هذي مافي غير نسرين خياط هي الي تدرسه صراحه انا خايفه اخذ معه المادتين واتورط اولها نظريه تنظيم والثانيه ادراه الخدمه المدنيه يعني وش تنصحوني اخذ المادتين معها اتوكل وله لا

ساعدوني الله يفج همومكم ويسعدكم

[loletaaaaa]

المشاركة الأصلية كتبت بواسطة dndn يا بنات ابغا اسأل عن أفضل المواد الحره ؟؟؟ كل وحده أخدت ماده حره تفيدنا باسمها ورقمها واسم الدكتوره ؟؟؟ ومشكوووووووورين وصيام مقبول يا رب

خليج عربي معاصرhist 447
خديها وحتدعيلي مع نوال ششه وعموما اي ماده مع نوال ششه مره حماس
الحرمان من 9 غيابات واصلا محد انحرم انا غبت امكن اكتر من كده المشكله هيا تمليكي بس ازا امافيكي تكتبي خدي من اي بنت وصوري عاتي بنات الاداب مره يناسو عليهم
واختباراتها صح وغلط واختيارات
وفي مملكه برضو معاها hist448

[loletaaaaa]

المشاركة الأصلية كتبت بواسطة moon افيدونا الله يخليكم ادارةاعمال فى ثقافات متعددة فايزه ولا هند دمنهوري القيادة وادارة الابتكار عائشه الحسيني ادارة المشاريع الصغيرة امل تركستاني عائشه الحسيني شذى عزي بثينه جمجوم ... مفروغ منها

ليش مفروغ منها :s ؟؟
انا مني شايفه احد بيمدح فيها طبعا الافضل معروف انو امل تركستاني
عائشه الحسيني اخدت معاها قبل كده ومره ماحبيتها بس شايفتهم بيمدحوها فالمشاريع
شذى مامدحولي هيا مره

انا مبدئيا ان شالله حنزلها مع بثينه بس يريت تقوليلي عن عيوبها قبل مزاياها ازا درستي معاها قبل كده:d

[M155.m55]

المشاركة الأصلية كتبت بواسطة مشاعر تيب جا دوري أسأل عندي التيرم هدا ان شاء الله محاسبة حكومية اخذتها مع دكتورة اقبال خاطر ... الدكتورة كويسة تهم شيء خليها تعرفك و اهتمي بالدروس و الواجبات و التمارين لانها تحب تقسم المنهج تقسيم ... و المادة اكثرها نظري يعني مي صعبة لكن بسبب النظري تجي اسئلة الصح و الخطأ تقهر بذات لانو دكتورة اقبال تحب الصح و الخطا في المادة ذي مع تصحيح الحطأ مقالي ... محاسبة تكاليف برضوا اخذتها مع دكتورة اقبال ... انصحك تاخذيها مع أ / فاطمة كمال لاني جربتها و كمان استاذة الجوهرة القحطاني شرحهاحلو بس شديدة ... محاسبة متوسطة احذتها مع أ / فاطمة كمال ... مالية شركات خذيها مع أ / سحر مهران ... ثقافة 4 لا تشيلي همها لان امتحانها موحد ... اخذتها مع أ / يمان الطنطاوي الله يرحمها اخر دفعة درستها لنا ... وحأنزل ان شاء الله مادة اختيارية بحوث عمليات ما اعرف عنها شيء... مين أحسن استازات لهدي المواد وكيف طريقة كل وحده منهم مشاعر

مع تمنياتي لك بالتوفيق و النجاح ...

احسن استاذات في قسم المحاسبة اللي جربتهم أ / فاطمة و الجوهرة و سارة بكر ...

و اللي معروفين عندنا في القسم بأنهم الأفضل :
أ/ فاطمة كمال و سارة بكر و ريم صقر و أميمة ...

[احساس فنانه]

اتمنى تردو ع سؤالي الاول ودي اسال عن مواد التاليه من حيت السهوله والصعوبه افضل اخذه مع الدكتوره التالين :

سلوك تنظيمي اخذه مع د/ عنود السبعان او د/بدريه الجهني

تطوير تنظيمي هل اخذه مع د/حياه راجخان

سياسه عامه وصناعه القرار د/خديجه احمد الحربي

وثقافه الاسلاميه 401 مع مين تنصحوني اخذه

كيف جدوالي ثقيل وله احذف ماده واضيف بداله شئ ثاني ساعدوني الله لا يحرمك من الاجر