فتح التقديم على الدبلوم التربوي في جامعة جدة + تجمع للمتقدمين

[hanan 510]

باركولي طلعت لي نجمة
المهم مدري ليش جامعة جدة ما عجبها اللي ارفقته

[فطفوطة]

السلام عليكم

قدمت في جامعة الملك عبدالعزيز وحابه ايضا اقدم في جامعة جدة
اخاف يتم رفضي لان قدمت في جامعتين .. عادري اقدر اقدم ع الجامعتين ؟

[moo0oon]

المشاركة الأصلية كتبت بواسطة فطفوطة السلام عليكم قدمت في جامعة الملك عبدالعزيز وحابه ايضا اقدم في جامعة جدة اخاف يتم رفضي لان قدمت في جامعتين .. عادري اقدر اقدم ع الجامعتين ؟

أختي خريجة ثانوي وقدمت ع جدة وعبد العزيز وانقبلت فيهم كلهم
أنا عن نفسي قدمت ع الجامعتين
ف توكلي ع الله وقدمي

[ورد الورود]

المشاركة الأصلية كتبت بواسطة hanan 510 الرد اللي فوق للاخ 7mood76 المهم سمعت ماتقدر تختبر قدرات جامعيين مرتين في نفس الفترة لكن انا عن نفسي ماجربت فما اعرف اذا صح ولا والمطلوب في الدبلوم قدرات جامعيين ان شاء الله احد يفيدك

لاعادي تستطيع اختبار قدرات الجامعين تختبره في اي وقت
ع حسب جدولهم اللي يطرحونها من خلال موقعهم في قياس او صفحتهم الرسميه في تويتر
و الاختبار الواحد مدة صلاحيته 5 سنين
ادا مرت الفتره لازم تعيد الاختبار مره تانيه
اللي يفوتها التسجيل لاتقلق و تعتبره فرصه وتحجز للاختبار بعد ان تجهز له تماما
هو اختبار ويحتاج لمذاكره جادة للوصول لدرجه افضل

موفقين

[غيم تايه]

المشاركة الأصلية كتبت بواسطة hanan 510 باركولي طلعت لي نجمة المهم مدري ليش جامعة جدة ما عجبها اللي ارفقته

اي نجمة؟!

[الجازززي]

اللحين عندي سؤال اتمنى تفهمون علي 🙊 لو مثلا انقبلت في جامعة جده لازم اروح وألغي تقديمي بجامعة الملك عبدالعزيز ولا وش اسوي ؟ اكمل الإجراءات واترك الجامعه الثانيه كذا؟!

[غيم تايه]

المشاركة الأصلية كتبت بواسطة الجازززي اللحين عندي سؤال اتمنى تفهمون علي 🙊 لو مثلا انقبلت في جامعة جده لازم اروح وألغي تقديمي بجامعة الملك عبدالعزيز ولا وش اسوي ؟ اكمل الإجراءات واترك الجامعه الثانيه كذا؟!

ان شاء الله تنقبلين في جامعة جدة عادي وتكملي اوراقك .. وجامعة عبدالعزيز لا تراجعي ولا تلغي لأنه فيه وقت محدد لمراجعتهم إذا ما راجع المتقدم يلغي طلبه تلقائيا ويتم استدعاء آخرين من الاحتياط ..


بالتوفيق""

[hanan 510]

تحت اسمي في منتدى سكاو (شطحة خارج موضوع الدبلوم )
المهم جامعة الملك عبد العزيز ارسلت لي مستوفي الشروط اما جامعة جدة اللي ارفقته مدري مو واضح ولا شالسالفة المهم رجعت قدمت
والله يوفق الجميع :)

[moo0oon]

المشاركة الأصلية كتبت بواسطة hanan 510 تحت اسمي في منتدى سكاو (شطحة خارج موضوع الدبلوم ) المهم جامعة الملك عبد العزيز ارسلت لي مستوفي الشروط اما جامعة جدة اللي ارفقته مدري مو واضح ولا شالسالفة المهم رجعت قدمت والله يوفق الجميع :)

أنا دخلت ع جامعة جدة ولقيت كاتبين "الطلب مستوفي الشروط"
المهم تكوني متأكدة من ملفاتك وبياناتك قبل تأكيد الطلب

[شيري 1398]

السلام عليكم ورحمة الله وبركاته

الله يخليكم ويسعدكم اللي عنده خلفية يساعدني

أنا اول ما فتح التسجيل في جامعة جدة .. دخلت البيانات الأولية ولما ضغطت استمرار جاتني صفحة انه في خطأ ورجعني على صفحة التسجيل المبدئية لما دخلت بياناتي م جديد وضغطت استمرار يقولي البيانات مستخدمة ,, مع العلم اني ما سجلت ابد من قبل ولا جاني رقم طلب ولا شي ,, تكفووووووون ربي يفرج همكم ساعدوني ما ابغي يفوتني التسجيل