✿!{.. آراءكم في الدكاترة |{للطلاب}ﾟ¨ﾟ*

[a.5]

الله يعطيك العافية اخووووي

ماقصرتــ ..

[MohPro]

اول دفعة عند هالدكتور جابت العيد ونصهم اخذو f والبقية تحت الـ 70 .. وقليل جداً فوق الـ 70

وانا كنت من ضمن اللي رسبوا

وعدت المادة عنده واخذت 88

لأن الدكتور خف علينا شوي ثاني ترم وسهل الأسئلة

[محمديكو]

انا اخذت معه 75 واتفق مع الشباب كان شديد اول ترم بس بعدين تغير

[girl.k.s.a]

المشاركة الأصلية كتبت بواسطة kapitano اخت قيرل كيف الجميح معاكم بالشرح والدرجات والاخلاق والاسئلة والطلبات بالتفصيل ابغى اعرف عن هذا الدكتور

اهلا اخوي . .
الجميح نحنا ما كنا راضيين ابدا ندرس معاه شي بحكم اننا بنات وكان يسحب علينا كتير ولا يرد على اسئلتنا
لكن اشوفو افضل من غيرو في الدرجات
اولا ما يدخل الشباب بعد 11 لو ايش إلا اذا كان رايق + غياباتو كتيرة تقريبا + الكلاس حق نص ساعة وينتهي وينتهي معاه الشابتر والشابتر كلو ادا مرا كثر 19 سلايد
بالنسبة للاخلاق كويس يعني مع الطلاب وشبه مقبول معانا
الشرح طبعا قراءة واحيانا يشرح كم معلومة والمادة مافيها شي صعب
الأسئلة من التست بانك لكن للاسف تجي بعض الاسئلة من التست لكن ما نكون اخدناها في المنهج
يعني تبا تجيب الفل مارك ذاكر التست بانك كاإاإاإامل وكان يقولنا الاسئلة من التست وتجي فعلا
وكان يعطينا في الكلاس كم سؤال بس ما اتذكر تجي وإلا لا

انا كنت اشوف الاولاد مبسوطين معاه عكسنا لكن ما اعرف كيف درجاتهم
كان اختبار واحد عليه 20
ومشروع عليه 20
20 شكلها حضور ومشاركة وكدا يعني

انا شكلي اخدتها كاملة في الحضور والمشروع كان التقييم من الطلاب في نفس الكلاس
ومن الطالبات في نفس الكلاس والدكتور ما كان يجي إلا كم مرا بس والباقي الليدر هوا اللي يقيم
هوا والطلاب الباقيين يعني باختصار وناسه
يعني الطالبات لهم ليدر والشباب لهم ليدر وكل واحد يعمل قدام ليدرو والبقية عشان التقييم
من الدرجة اللي اخدتها حسيت انو اعطانا 20 والباقي من المجهودات والله اعلم

طبعا فيه واجبات ولازم تسلمها بالوقت واليوم وكل شي والدكتور دقيق جدا فيها
ولو ما سلمت انسى انو يقبل منك شي مرا بدون نقاش
والاختبارات كانت دوري واحد فقط وكان في سؤالين مقالي نفسها اللي اعطانا هيا هوم ورك

الهوم وركز تافهه جدا بس تحتاج انك تدور عليها في قوقل وهوا حيقولك الطريقة
اما المشروع كلها مجهودات شخصية صراحة ما اعطانا ولا شرح غير انو من فين نعمل موقع وبس

طبعا المشروع هوا انك تفكر في مشروع حقيقي وتعملو موقع مثلا بيع كتب او سيارات او اي شي
وطبعا تحط صور واشياء كأنو موقع حقيقي وفيه متطلبات ممكن تعملها عن طريق البحث في قوقل
ولا تنسى ممنوع النسخ واللصق من قوقل بالحرف

امممم تقريبا هادا كل شي
وانتبه خليك مركز متى يقول اخر كلمة في السلايدر لانك حتشوف غبارو ما شاء الله
مرا ما يجلس بعد الكلاس

اتمنى شرحي يفيدك ويفيدك اخواني واخواتي هنا
واخيرا اقول الله يسعدوو الدكتور هادا برغم المعاناة اللي شويا كنت اعانيها بس يفضل احسن من غيرو

[the candle]

^
قيرل قصدك التجارة الالكترونية ؟

[girl.k.s.a]

ايوا :) مع د. خالد الجميح

[Kapitano]

الف شكر قيرل ما قصرتي ويعطيكي الف عافية يارب
شرح كافي ووافي :))

[عندليب الريال]

طيب ممكن أحد يفيدني عن الدكتور حماد أكبر دكتور ادارة العمليات .. وشكرا

[noor404]

الدكتور خوش نور خ. غل بازخان تعرفوه في احصاء الاعمال

[co0olboy]

السلام عليكم ورحمة الله وبركاته

كيفكم ان شاء الله تمام

ياليت اللي عنده اي معلومه عن الدكتور موهد ز. بن محمد (تحليل كمي الاعمال) يفيدني

من ناحية الشرح والاسئلة والتحضير

وشكراااا