مكان اختبارات المناطق-الرياض-قاعة رشوش-الثمامة-دوار العويضة-الكروكي بالداخل

[بكالوريوس]

ياجماعة والله قهر ندفع 1000ريال ومكان بعيد حاطينه من دون نفس تحسهم متحسفين، خاصة اني راح اجي من السويدي مشوااااااااااااار يعني كل يوم 100 كلم (سفر) الله يعين والحمد لله أن ماعندي إلا ثلاث اختبارات الله يسهلها علينا ونتخرج هالترم ونفتك من هالجامعة .

[][`SARAB`][]

هههههههههههههههههههه والله كشخه المكان جميل للاحتفال بس اختبار مااتوقع

موفقين

[عبابو]

الله يعين مع اني ساكن بالشرق لكن المكان يعتبر بعيد وانا بروح من طريق خريص وبطلع على طريق البعارين وبطلع من الجنادريه من ورا للموقع وبالليل اختباري والطريق مظلم الله يستر بس

وتخبرون الطريق بعد الجسر اللي انفجر يعني زحمه لين اصل يعني الحال من بعضه لازم اطلع بدري قبل الاختبار بساعه ونص او ساعتين ونص اصل واجلس ارجع شوي

كان موقع المروج كويس طيب وقريب من الكل وكنت مخطط قبل اروح من طريق العروبة الجديد لكن

الله لا يوفقهم وحسبنا الله ونعم الوكيل

[بقايا أنسان]

بما اني من جده والموقع مو معروف بس الكروكي كفى ووفى

ليش ماترسلون لمدير الجامعه وترسلون الموقع ووصفه مزبوط ممكن ماعندهم خلفيه عن الموقع

وجننوه بالايميلات والاتصال والفاكسات لو في وقت ممكن يتبدل

هم على التغير يحبوا المفاجاات

ربي يعيينكم اخواني

بالتوفيق لكم

[Extra11]

حسبنا الله ونعم الوكيل لي كل متسبب في وضع الاختبار بهالمكان
المشكله كل اختباراتي في الليل
من زين الشوف حاطينا في اسوا مكان
لازم نشوف حل معاهم

[abunawaf_4040]

طالعين رحله مو اختبار مشووووور

[h99m]

مهزلة وعدم احترام حاطين اختبار خارج الرياض ومكان والله العاقل مايروح له من...... . وين الجامعة من هذا الموضوع ؟الله لايوفق العالميةالجشعة يااخوان اي واحد يلحقه مضره من الموقع يحمله العالمية والجامعة شرعا واذا كان تريدونا نكلف محامي لمقاضاتهم لان صراحة المضرة لاحقتنا... انت تعرفون الثمامة و,,,

[طالب@2010@]

ماجاني رسالة من العالمية لحد الان

والموقع السابق افضل بكثير ومناسب

لان قاعة رشوش بعيدة واختيار فاشل من قبل اللجنة وعدم مراعاة من هو ساكن جنوب وغرب الرياض بالذات لان المسافة من جهتهم بعيدة وزحمة الرياض معروفة وفي اي ظرف طاري حتى اللموزين مايوديك اتوقع
والله يعيننا وياكم كل ترم الجامعة طالعة لنا بسالفة

ومضة اخيرة
اكثر ماتحسفت عليه اني ماسجلت في جامعة فيصل بالاحساء

[تركي الفضلي]

المكان السابق كان مميز وممتاز والجميع مرتاح معه ، مع انه صندقه وعبارة عن صالة معارض ، لكن المكان واضح ومميز والطرق الرئيسية والكبيرة تحيط به من كل مكان.

لكن اختيار صالة في الثمامة كارثة ، يجب عدم السكوت عليها ، انا اعرف ان الوضع صعب يتغير هذا الترم ، لكن يجب ان يكون هناك وقفة صارمة من الطلاب لعدم تكرار حدوث مثل هذه المهزلة مستقبلاً.

[ابوخلود1]

الله لا يوفقهم