كل ما تحتاجه عن التعليم عن بعد

[albukhmm]

المشاركة الأصلية كتبت بواسطة عبدالله 7z بسم الله الرحمن الرحيم السلام عليكم ورحمة الله وبركاته . . . الحمد لله خلصنا الاختبارات عدت على خير والله يبشرنا وياكم بالنتايج اللي ترفع الراس . . . كثرت الاستفسارات عن التحويل للتعليم عن بعد . . . سبق لي وان طرحت موضوع عن تجربتي في التحويل من الانتساب الى التعليم عن بعد . . . تجدونها على الرابط http://www.skaau.com/vb/showthread.php?t=425832&highlight=%ca%cd%e6%ed%e1% ed+%c7%e4%ca%d3%c7%c8 . . . اليوم وبعد ان اكملت سنه في نظام الانتساب وترم في نظام التعليم عن بعد حقيقه كان ترم حافل بالنجاح والحماس وروح الجماعه والتعاون بصراحه توني اعيش جو الدراسه يعني اول انتساب الواحد ضايع ينزل الجدول روح اشتر الكتب وحدد المحذوف وذاكر على غير بصيره الواحد مو بعارف ايش الاشياء المهمه وايش اللي مو مهم يعني في هالحاله تقدر تقول مع نفسك . . . حقيقه كانت تجربتي مع النظام رائعه جدا . . . نظام سهل وبسيط يبغى له شويه متابعه واجتهاد . . . قبل اني ابدا في شرح النظام ابي اقولكم على شغله خاصه بالتحويل من انتساب الى تعليم عن بعد يوم الخميس في مركز اختبارات الدمام كان موجود د.داود المشاط عميد القبول والتسجيل واللي انا حولت عن طريقه فقط بمجرد ايميل . . . سالته قلت له الان اللي يبي يحول ايش وضعه . . . قال لي اللي توه مخلص التحظيري يحول بدون اي مشاكل واللي مخلص ساعات واجد يسوي طلب تحويل وراح ندرس طلبه واحتمال يخسر بعض الساعات . . . بس ما اتوقع من الناحيه ذي يعني هم اصلا يبغو الطلاب كلهم يحولو تعليم عن بعد لانو من خطط الجامعه انها تحول الكل تعليم عن بعد وتلغي الانتساب . . . المهم اني سالته عن طريقة التحويل وقال انو في 13-3-1433 راح تنزل ايقونة التحويل على الاودس ومن هناك يتم طلب التحويل . . . على العموم اللي مستعجل على التحويل اذا كنت من اهل جده روح للجامعه افضل لك وخلص امورك واذا من خارج جده ارسل ايميل للدكتور واشرح فيه وضعك وطلبك وحط رقمك الجامعي وباذن الله راح يخدمك . . . بس نصيحه اذا خلاص قررت تحول لا تتاخر لانو في ناس تاخرو هالترم في التحويل ما جونا الا بعد ثاني محاظره فاتتهم واجبات وتبهذلو اشوي . . . على العموم هذا ايميل الدكتور asmashat@kau.edu.sa بالنسبه للنظام هو صراحه نظام سهل جدا جدا وراح اعطيكم شرح له وان شاء الله ايام وانزل شرح بالفيديو لطريقة استخدام النظام . . . نبدا بالمحاظرات طبعا المحاظرات تكون على السنترا وتكون حسب الجدول يعني حسب عدد المواد كل ماده لها محاظره في الاسبوع . . . بالنسبه لوقت المحاظرات تبدا من 4 العصر الى 10 بالليل يعني اخر محاظره تنتهي 10 وغالبا يكون باليوم محاظرتين واحيان محاظره حسب جدولك وايام فاضي . . . احيان يكون لنفس الماده اكثر من شعبه وفي اوقات مختلفه فلو ما ناسبتك الشعبه اللي انت فيها تقدر تغير شعبتك لو ما كان وقتها يتعارض مع وقت ماده ثانيه في جدولك . . . بالنسبه للحظور هو عليه 5 درجات سوا مباشر او تسجيل ( إعادة تشغيل ) الحظور مباشر افضل لك كفائده غير كذا احيان ونادر يحصل فيه مشكله في النظام فما تتسجل المحاظره . . . لو ما قدرت تحظر مباشر تقدر تحظر المحاظره المسجله وتحسب لك حظور بس يفضل انك تحظرها قبل وقت المحاظره الثانيه لانو في بعض الاساتذه قبل كل محاظره يطبع له كشف بالحظور والغياب للمحاظره السابقه وخلاص يعتمده عنده ما يرجع يطبعه مره ثانيه . . . الان نجي للواجبات والمنتديات طبعا هي تكون على الايميس نروح للواجبات يوجد ثلاث واجبات خلال الترم على كل واجب 5 درجات ولها تورايخ للتسليم محدده من قبل العماده وعاده تنزل على الايميس قبل موعد التسليم بـ5-4 ايام حسب المحاظر . . . وانت تقدر تحله وترسله عن طريق الايميس باي وقت بس قبل انتهاء المهله المحدده . . . نجي للمنتديات هي ايضا على الايميس يعني المحاظر ينزل موضوع وحنا نتناقش فيه كل واحد يقول اللي عنده منت مجبور بشي معين بس اهم شي يكون متعلق بالموضوع ومنت محاسب على صحة معلوماتك لانه منتدى مفتوح للنقاش . . . واخير في اختبار فصلي واحد عليه 5 درجات ايضا يكون محدد بتاريخ معين من العماده والاختبار يكون على نظام الايميس ومحدد له يوم كامل تفتح اي وقت يريحك وتختبر وكله خيارات وصح وخطا ولو فتحت الاختبار لازم تحله لانك ما تقدر تفتح مره ثانيه . . . يعني بكذا نقول حظور 5 درجات ، منتديات 5 درجات ، اختبار فصلي 5 درجات ، واجبات 15 درجه كذا تكون 30 درجه . . . اكيد الكثير يسئل هل من السهل الحصول على 30 درجه طبعا شوية اجتهاد ومتابعه وباذن الله راح تاخذها . . . وبكذا اكون خلصت الي عندي اسمحو لي ان كان نسيت شي واعذروني على التاخيرر ولكن كنت مشغول مع الاختبارات . . . واي استفسار انا حاظر باي وقت . . . والعذر منكم اخواتي لاني كاتب صيغه الكلام للرجال ليس المقصود انه موجه للرجال فقط ابدا هو موجه للكل ولكني عجزان اقعد اسوي شرطه و يا /ي . . وبالتوفيق للجميع . . . والله يبشرنا وياكم بالنجاح والتوفيق باذن الله

السلام عليكم ورحمة الله وبركاته
اولا : رحم الله والديك واسكنهم فسيح جناته
ثانيا: ربي يوفقك ويرضى عليك ويجزاك بالخير , نورتني بالمعلومات اللي كنت محتاجه .
ثالثا: انا ابعى اتاكد زيادة اذا حضرت التسجيل هل يسجل لي حضور ولا لا ؟؟؟ وثانيا لها فترة معينة حضور التسجيل ؟؟
رابعا: انا ححول خلال الايام هذه ان شاء الله , حكلم شخص في العمادة .
خامسا: انا من اهل جدة , بس شغلي في الشرقية , وطلبت تخصص التسويق , وهل انت في التسويق او موارد بشرية؟؟

واتمنى يكون في تواصل بيننا للفاىدة ونستفيد منك في بعض المواضيع بما انك قبلي بترم واحد .


ربي يوفقك . جزاك الله خير

[عبدالله 7z]

المشاركة الأصلية كتبت بواسطة albukhmm السلام عليكم ورحمة الله وبركاته اولا : رحم الله والديك واسكنهم فسيح جناته ثانيا: ربي يوفقك ويرضى عليك ويجزاك بالخير , نورتني بالمعلومات اللي كنت محتاجه . ثالثا: انا ابعى اتاكد زيادة اذا حضرت التسجيل هل يسجل لي حضور ولا لا ؟؟؟ وثانيا لها فترة معينة حضور التسجيل ؟؟ رابعا: انا ححول خلال الايام هذه ان شاء الله , حكلم شخص في العمادة . خامسا: انا من اهل جدة , بس شغلي في الشرقية , وطلبت تخصص التسويق , وهل انت في التسويق او موارد بشرية؟؟ واتمنى يكون في تواصل بيننا للفاىدة ونستفيد منك في بعض المواضيع بما انك قبلي بترم واحد . ربي يوفقك . جزاك الله خير

وعليكم السلام ورحمة الله وبركاته

اولا / وياك يارب ووالديك

ثانيا / الله ينور دربك يا رب ويوفقك

ثالثا / نعم يا غالي حظور التسجيل يحسب لك حظوور . . . ومن الافضل خلال اسبوع من تاريخ المحاظره يعني قبل المحاظره الجايه . . .

رابعا / ما فهمت سؤالك بالظبط بس كلم عميد القبول والتسجيل عميد القبول والتسجيل

خامسا / اهلا وسهلا بك يا غالي . . . انا الى الان ما تخصصت وفي بالي نظم معلومات اداريه ان شاء الله يفتح . . .

اتشرف بالتواصل معاك باي وقت . . . وانا حاظر لك . . . بالتوفيق يا اخي الكريم

[manoos]

السلام عليكم ورحمه الله وبركاته ..



حابه استفسر عن التحويل عن بعد انا طالبه انتهيت من السنه التحضيريه انتساب

وبالترم المقبل سـآتخصص ان شاء الله ,,




سؤالـي 1 / هل يجب انا اختار التخصص بالاول ومن ثم احول للتعليم عن بعد

ام ممكن احول تعليم عن بعد ومن ثم اختار التخصص ايهما افضل ..



سؤالي 2/ ـآيهما افضل احول باايميل العميد ام اقوم بالتحويل من الجامعه ايهما افضل

وهل يمكن ان احول عن طريق معامله الكترونيه واتكلم عن كل شي ام لازم عن طريقه الايميل والجامعه



هل لها متطلب معين ام مجرد ان انتهي من التحضيري احول ولازم اتعدى ساعه معينه
هل يشمل التعليم عن بعد ادراه الاعمال برابغ ام لا

[عبدالله 7z]

المشاركة الأصلية كتبت بواسطة manoos السلام عليكم ورحمه الله وبركاته .. حابه استفسر عن التحويل عن بعد انا طالبه انتهيت من السنه التحضيريه انتساب وبالترم المقبل سـآتخصص ان شاء الله ,, سؤالـي 1 / هل يجب انا اختار التخصص بالاول ومن ثم احول للتعليم عن بعد ام ممكن احول تعليم عن بعد ومن ثم اختار التخصص ايهما افضل .. سؤالي 2/ ـآيهما افضل احول باايميل العميد ام اقوم بالتحويل من الجامعه ايهما افضل وهل يمكن ان احول عن طريق معامله الكترونيه واتكلم عن كل شي ام لازم عن طريقه الايميل والجامعه هل لها متطلب معين ام مجرد ان انتهي من التحضيري احول ولازم اتعدى ساعه معينه هل يشمل التعليم عن بعد ادراه الاعمال برابغ ام لا

ج1/ما يفرق كل سوا سوا تخصصتي اول او حولتي اول .

ج2/ الاسهل هو الايميل ولكن الظاهر العيمد عليه ظغط وما يرد على الايميلات . . اذا انتي من اهل جده وتقدري تروحي للجامعه افضل لك . . لا يمكنك التحويل عن طريقة معاملة الكترونيه .

ج3/ بما انك توك مخلصه التحظير فمالهم اي متطلب بالنسبة لك . . . ونعم يشمل التعليك عن بعد كلية الاعمال برابغ . .


بالتوفيق ان شاء الله

[حدآأإئق الشيطآأإن]

جزاك الله الف خير ومن قالها فقد ابلغ في الثناااااااااااااااء
اكثر من كذا مقدر اقول

[عبدالله 7z]

المشاركة الأصلية كتبت بواسطة حدآأإئق الشيطآأإن جزاك الله الف خير ومن قالها فقد ابلغ في الثناااااااااااااااء اكثر من كذا مقدر اقول

ويااااك ياارب

[منتسبة جديدة]

الله يجزيك خير
لو سمحتى ابغى اعرف انا انتساب عدد الساعات الي درستها 95 تقريبا. وهل اخسر ساعات الي درستها.
اقدر احول تعليم عن بعد.

[عبدالله 7z]

المشاركة الأصلية كتبت بواسطة منتسبة جديدة الله يجزيك خير لو سمحتى ابغى اعرف انا انتساب عدد الساعات الي درستها 95 تقريبا. وهل اخسر ساعات الي درستها. اقدر احول تعليم عن بعد.

وياك يارب . . . وما شاء الله تبارك الله انتي خلصتي ثلاثة ارباع المشاور عقبال التخرج ان شاء الله . . . ما اتوقع يسمحو لك بالتحويل لانك ما شاء الله مخلصه اكثر من النص . . . لو حبيتي تجربي وتسوي طلب جربي حظك . . . بس حتى لو وافقو لك اكيد راح يكون فيها خسارة ساعات . . بالتوفيق ان شا الله .

[منتسبة جديدة]

ان اشاء الله .
شكرا على ردك لأني بجتهد واتعب في المذاكرة واتفاجاء من الدرجات حتى صحباتي نفس الشي بس المعدلي يرتفع بصعوبة وانا متكدة لو كنت انتظام او ادرس عن طريق تعليم عن بعد.كانت درجاتي افضل. نختبر مرة وحدة وعليه 100 درجة واذا راجعت ما يفديون بشي. ونستغرب من الدرجات معقولة كل الطالبات بيكون نفس الدرجات شي غريب.
بس للإسف لما سألت قبل ما ادرس انتساب قالولي شهادة تعليم عن بعد غير معتمد .
وانا الحمد الله موظفة ما ابغى ادرس واتعب وما ينقبل شهادتي.عشان كذا درست انتساب بس لما شفت في المنتديات فهمت التعليم عن بعد شهادتها معتمدة. اذا ليه خيرة يارب يقبلوني يهمني المعدل نفسي ادرس بعدها ماجستير ان شاء الله.

[فيصل البيشي]

اخ عبدالله انا طالب تعليم عن بعد قسم ادارة عامة
بسالك عن التحويل لقسم القانون (عن بعد) بكلية ادارة الاعمال برابغ ... كيف اقدم على التحويل ؟؟؟
واقدر اختبر في جدة ..بمعنى اختبارات المناطق تشمل مدينة جدة او لا
والله يعطيك الف عافية