شبيك لبيك خريجة بيوكيميائيه بين ايديكم..xd

[*ThE LoSt DrEaM*]

سلاموووو مبروووك التخررج

بسالك سوال ان شاء الله يكون سهل

ايش الاشياء المطلوبة مننا عشان اجراءت التخرج ممكن تقوليلي هيا وكم خطوة
وشغلة انو ينكتب في الاودس متوقع تخرجه ؟؟؟ الله يسعدك ويسهلك كل صعب ^^

[مياسة العود]

المشاركة الأصلية كتبت بواسطة *the lost dream* سلاموووو مبروووك التخررج بسالك سوال ان شاء الله يكون سهل ايش الاشياء المطلوبة مننا عشان اجراءت التخرج ممكن تقوليلي هيا وكم خطوة وشغلة انو ينكتب في الاودس متوقع تخرجه ؟؟؟ الله يسعدك ويسهلك كل صعب ^^

الله يبارك و عقبال التخرج

اذا وصلتي الترم اللي حتتخرجي فيه وعشان ما تتمرمطي المرمطه حقتي

روحي في الاودس حتلاقي شي اسمه معاملة طالب متوقع تخرج افتحيه حتلاقي اسمك مكتوب بالعربي و الانجليزي اتأكدي اذا الاسم مكتوب زي بجوازك وكرت العائله عشان لا تنطبع بياناتك غلط وسويله ارساله

خلصتي.. من اول يوم رتبتي جدولك طيري عند أ.اعتماد في الشؤون قوليلها انا تخرج هذا الترم ايش اسوي ؟؟ وهيا تقولك

وكل شويه نطيلها وحتلاقي اعلان عند مكاتب المشرفات نسرين و نوف اللي متوقع تخرجهم هذا الترم يجونا بعد اسبوعين واذا مالقيتي روح اسأليهم بنفسك

و قوليلهم تبغي تسوي دراسة حالة طالب عشان بتخرجي هذا الترم

أول ما يسوولك دراسة حالة الطالب يدوك ورقه بالساعات المدروسه والساعات المتبقيه لك

مجرد ما تاخديها خدي صورة من جوازك وصورة من احوالك و وديها للعماده المركز الشامل

و بس كدا خلصت اجرائتك

.... وبرضو بعد ما خلصت اجرائاتك نطيلهم كل شويه عشان لايقولوا ما بلغتينا انك تخرج زي ما سوو فيا

و بس كدا امورك تمام

وبالتوووووفيق

[مياسة العود]

رموز المواد الاختياريه

- منتجات طبيعية -bioc 342 - ٤ ساعات
٢- مصطلحات -bioc 391 - ٢ ساعتين
٣- حاسوبية -bioc 392 - ٣ ساعات
٤- موضوعات - bioc 401 - ١ساعه
٥- امراض -bioc 417 - ٢ ساعتين
٦- عقاقير -bioc 444 - ٢ ساعتين
٧- مناعه - bioc 446 - ٣ ساعات

[d.tooty]

مرحبا خيتو يعطيك العافيه
شوفي جدولي بالتوقيع وقوليلي اش رايك اضيف معمل الاحيا ولا لا
وكيف المواد اللي انا حاطتها صعبه ولا سهله بالذات الكيميا الحيوي
وكمان كيميا 202 تدرسني عائشه قنش اش رايك فيها
اما الكيميا الحيوي لسى مانزل
لو حبيت اغير شعبه ثانيه بعد ماتنزل اسما الدكتورات حق الحيوي اقدر ؟ كيف ؟ ومتى ؟
معليش كثرت اسأله
يعطيك العافيه

[مياسة العود]

المشاركة الأصلية كتبت بواسطة d.tooty مرحبا خيتو يعطيك العافيه شوفي جدولي بالتوقيع وقوليلي اش رايك اضيف معمل الاحيا ولا لا وكيف المواد اللي انا حاطتها صعبه ولا سهله بالذات الكيميا الحيوي وكمان كيميا 202 تدرسني عائشه قنش اش رايك فيها اما الكيميا الحيوي لسى مانزل لو حبيت اغير شعبه ثانيه بعد ماتنزل اسما الدكتورات حق الحيوي اقدر ؟ كيف ؟ ومتى ؟ معليش كثرت اسأله يعطيك العافيه

يب جدولك تمام كدا

بس شيلي امن وسلامه مالها داعي وحطي معمل الأحياء ويسير جدولك تمام

يب تقدري تغيري الشعب متى ما نزلت ادخلي ايقونة الحذف و الاضافه

واحذفي الماده اللي ما تبغيها وارجعي تاني سويلها اضافه

واذا ما مداك من الشؤون هم يحذفون لك اللي تبغيه ويغيروها لك

[d.tooty]

المشاركة الأصلية كتبت بواسطة مياسة العود يب جدولك تمام كدا بس شيلي امن وسلامه مالها داعي وحطي معمل الأحياء ويسير جدولك تمام يب تقدري تغيري الشعب متى ما نزلت ادخلي ايقونة الحذف و الاضافه واحذفي الماده اللي ما تبغيها وارجعي تاني سويلها اضافه واذا ما مداك من الشؤون هم يحذفون لك اللي تبغيه ويغيروها لك

اضفت معمل الاحياء بس المشكله انو مررره متأخر من الساعه 2 للساعه 5 ><
والامن والسلامه اذا انها سهله وماتتعب حخليها يسير الجدول كذا 16 ساعه
اش رايك ؟؟؟

[مياسة العود]

المشاركة الأصلية كتبت بواسطة d.tooty اضفت معمل الاحياء بس المشكله انو مررره متأخر من الساعه 2 للساعه 5 >< والامن والسلامه اذا انها سهله وماتتعب حخليها يسير الجدول كذا 16 ساعه اش رايك ؟؟؟

الامن والسلامه ماهي متعبه وجدا تافهه

بس بحكم انه ماشاء الله ساعاتك كتيره مالها داعي حتى لو سهله بس اختبارها ممكن يسويلك دوشه

في الاترام الجايه محى تأثر بس دحين انتي في تأسيس ولازم يكون معدلك حلو

اوك اضغطي نفسك عشان ترتاحي بعدين بس الاهم المعدل

وحتى لو كانت المواد سهله كثرة الاختبرات تجلط

استخيري و شوفي الانسب لك

وبأعتذر منك اخوك بالنسبة عن الدكتورات اللي سألتيني عنهم ماعندي فكره

اذا كويسات أو لا لأني أول مره أسمع فيهم

بالتوفيق يارب

[L0rDy]

الله يسعد اللي تساعد البنات يارب
ابغى استشيرك في حاجتين لو سمحتي
1- انا تخصصي احياء اتعقدت منه من مادة خلية ابغى احول كيمياء حيوي تنصحيني ولا لا اني احوله ؟
2- اذا حولت لكيمياء حيوي يمكن اخلي جدولي زي كذا رايك فيله وهل فيله ضغط ولا لا
احياء 202
كيمياء عام 202
ثقافة3
كيمياء عضوية
امن وسلامة مختبرات
ولا اخذ احياء دقيقة او كيمياء حيوي بدال وحده منهم مره ملخبطة والله يستر شكلوا حيجي السبت والشعب قفلت عليا=(
وتنصحيني ابعد عن مين غير اميمة ويعطيكي العافية

[مياسة العود]

المشاركة الأصلية كتبت بواسطة l0rdy الله يسعد اللي تساعد البنات يارب ابغى استشيرك في حاجتين لو سمحتي 1- انا تخصصي احياء اتعقدت منه من مادة خلية ابغى احول كيمياء حيوي تنصحيني ولا لا اني احوله ؟ 2- اذا حولت لكيمياء حيوي يمكن اخلي جدولي زي كذا رايك فيله وهل فيله ضغط ولا لا احياء 202 كيمياء عام 202 ثقافة3 كيمياء عضوية امن وسلامة مختبرات ولا اخذ احياء دقيقة او كيمياء حيوي بدال وحده منهم مره ملخبطة والله يستر شكلوا حيجي السبت والشعب قفلت عليا=( وتنصحيني ابعد عن مين غير اميمة ويعطيكي العافية

يا هلا فيك اختي

بقولك على شي مادة خليه كمان احنا طلاب الكيمياء حيويه ناخذها يعني اذا عديتي هذي الماده خير وبركه واذا لا فيك فيك تاخذيها مره ثانيه لأنها موجوده في الخطه

أول مادة تحطيها كيمياء حيويه عامه

و بعدها حطي أحياء عامة 2

ثقافه + أمن وسلامه + و كيمياء عامه 2


كدا جدولك بيسير 15 ساعه تمام وحلو

سؤالي أخذتي معمل احياء و معمل كيمياء؟؟؟

اذا لا حطي وحده فيهم

عشان يمديك تلحقي ببنات دفعتك وماتنضغطي بالمواد بعدين

استخيري و بالتوفيق

[L0rDy]

المشاركة الأصلية كتبت بواسطة مياسة العود يا هلا فيك اختي بقولك على شي مادة خليه كمان احنا طلاب الكيمياء حيويه ناخذها يعني اذا عديتي هذي الماده خير وبركه واذا لا فيك فيك تاخذيها مره ثانيه لأنها موجوده في الخطه الا الحمد الله عديتها بعد جهد جهيد أول مادة تحطيها كيمياء حيويه عامه و بعدها حطي أحياء عامة 2 ثقافه + أمن وسلامه + و كيمياء عامه 2 كدا جدولك بيسير 15 ساعه تمام وحلو سؤالي أخذتي معمل احياء و معمل كيمياء؟؟؟ اذا لا حطي وحده فيهم والحمدالله اخذت هذولي المعملين والمواد الحره عشان يمديك تلحقي ببنات دفعتك وماتنضغطي بالمواد بعدين استخيري و بالتوفيق

يسلمو ياعسل على المساعده ويارب اقدر الحق على الشعب
بس من كلامك اقدر افهم انو كيمياء عضوية الافضل مااخذها الا الاترام الاخيره صح ؟