خبرهام:أختبار شامل exit testلكل طلاب انتظام الدفعة الجديدة ؟؟؟

[نوونيتا]

المشاركة الأصلية كتبت بواسطة adnans أخواننا الطيبين ترى اللي كاتبه لكم ربي راح تحصلوه بدون زياده أو نقص فلا تدوشوا راسكم بهالأمور وركزوا عالاختبارات الجايه وشدوا حيلكم وباذن الله راح تتسهل أموركم .. كنت فالبدايه مستصعب الأمور لكن رجال طيب قلي الموضوع جدا بسيط ولا تشيلوا همه أبدا وراح يراعوكم أكثر من اللي بعدكم لأنكم أول دفعه غير كذا أنا كنت مستصعب الأمور لكن الحين طلع أنه مو ذاك الشي اللي يخوف أو يضر أصلا + أن شهاداتنا يطلع لها قيمه أن كانت جامعتك معترف فيها = أنت أنسان معترف فيك والعكس بالعكس .. نتكاتف أن شاء الله قبل الاختبار ونشد حيلنا وكلنا نعدي من أول مره باذن الله كم ماده صعبه اختبرناها وأتوفقنا وزي ما قالوا ماله شغل بالمعدل فريحوا بالكم ويجيب الله الخير لين نعرف خلفيات الموضوع بالكامل ونتجهز له أن كان أكيد مو معقوله راح يحطوا شي فوق أستطاعتنا ... موفقين وأتمنى ننتهي من مسلسل الرعب ذا بثقه فالله ثم ثقه فأنفسنا وقدراتنا .. تصبحوا على خير

ونعم بالله ،، ربي يسهل لنا كل صعب ان شاء الله

[noreeman]

والله يا في كمية رسوب ح تشق وجه الكلية شق
لكن نقول الله يستر
واتمنى لو الكلام صحيح يسوون لنا دورة او محاضرة تحضير للاختبار
يعني كيف راح يكون وايش جوانب التركيز
يعني فكرو فيها شوي لو الاختببر راح يكون موحد للجميع فمعناه التركيز فقط راح يكون ع المواد العامه
يعني مو معقول يعطون محاسب اسئلة موارد بشرية
بالنسبة لي في الحالتين سواءً في اختبار او لا عادي
وان شا الله تساهيل

[battota]

مدري اصلا الاختبار حيكون بس بمواد التخصص ولا المواد المشتركه كمان ؟؟؟؟؟؟؟؟؟؟

وما استغرب منهم انهم يجيبولنا اسئله من قسم محاسبه او نظم او غيرو وانا موارد هههههههه كل شي جايز

لكن نقول الله يعيننا ,,,,اذا كان زي القدرات او بالاصح تحصيلي انا عن نفسي احس ناسيه كل شي لازم يعطونا ملخصات او كتاب ندرس منووو عالاقل ننجح من اول مره ولا الله يكون في عوننا ...

نونيتا باور ما يقصد كذا ,,,,الاعتماد شي جميل وكلنا موافقين عليه ولا ماكان عملوا بعثه وطلعوا حيه كيف ومتى راح تنعمل والشروط و و و و ,,,

وهالقرار كمان أحس صراحه ماله داعي اوك هم يقولوا عشان الاعتماد بس فيه شغلات كثير اهم من دا اشي والشغلات قالها باور ,,,يعني بالعكس كدا راح يعطلووا تخرج الكثير من الطالبات والطلاب ,,,وكمان جا فجاه عالاقل يطبقوه ابتداء من السنه الجايه للبنات الجداد اللي يدخلوا مستجد اعمال فتكون عندهم صوره من البدايه انو مستقبلا في اختبار لا ترمو كتبكم و غيرو ,,مو مثلنا على اخر ترم بوووووووووم surprise فيه اختبار حتعملوه عشان ناخد الاعتماد واحنا علينا نمسك القلم مدري المرسام ونختبر

[باور هورس]

8
تمام عليك


نونيتا
اقصد ما فيه فائدة مباشرة انه ما رح يكتبو في الشهادة ان هذه الكلية اللي تحرج منها الطالب حصلت ع الاعتماد
او ان هذه الشهادة معتمدة أكاديميا من الجهة اللي تمنح الاعتماد

------
شهادات كل الجامعات الحكومية في الاصل معترف بها ومعتمدة أكاديميا من التعليم العالي لان الجامعة في الاصل معتمده
وهذا اللي يهمنا للي يبغا يعمل في قطاع حكومي
----
الاعتماد الخارجي ما رح يفيدنا في شي
سمعه لا اقل ولا اكثر
والشركات تنظر للعامل هل هو مؤهل او لا ؟؟ من خلال الاختبارات والتجربة
مو كم حاصل على شهادة

[noreeman]

المشاركة الأصلية كتبت بواسطة باور هورس 8 تمام عليك نونيتا اقصد ما فيه فائدة مباشرة انه ما رح يكتبو في الشهادة ان هذه الكلية اللي تحرج منها الطالب حصلت ع الاعتماد او ان هذه الشهادة معتمدة أكاديميا من الجهة اللي تمنح الاعتماد ------ شهادات كل الجامعات الحكومية في الاصل معترف بها ومعتمدة أكاديميا من التعليم العالي لان الجامعة في الاصل معتمده وهذا اللي يهمنا للي يبغا يعمل في قطاع حكومي ---- الاعتماد الخارجي ما رح يفيدنا في شي سمعه لا اقل ولا اكثر والشركات تنظر للعامل هل هو مؤهل او لا ؟؟ من خلال الاختبارات والتجربة مو كم حاصل على شهادة

واضح من كلامك انك طالب موارد بشرية بحق وحقيق
وفاهم كيف الشغل وايش الشركات تبغى

الله يوفق الجميع

[adnans]

المشاركة الأصلية كتبت بواسطة باور هورس 8 تمام عليك نونيتا اقصد ما فيه فائدة مباشرة انه ما رح يكتبو في الشهادة ان هذه الكلية اللي تحرج منها الطالب حصلت ع الاعتماد او ان هذه الشهادة معتمدة أكاديميا من الجهة اللي تمنح الاعتماد ------ شهادات كل الجامعات الحكومية في الاصل معترف بها ومعتمدة أكاديميا من التعليم العالي لان الجامعة في الاصل معتمده وهذا اللي يهمنا للي يبغا يعمل في قطاع حكومي ---- الاعتماد الخارجي ما رح يفيدنا في شي سمعه لا اقل ولا اكثر والشركات تنظر للعامل هل هو مؤهل او لا ؟؟ من خلال الاختبارات والتجربة مو كم حاصل على شهادة

أول شي أمسيك بالخير ..

بخصوص كلامك هذا يخوي أسمحلي أختلف معك فيه تماما أكثر الشركات اللي هنا الحين يهتموا بالاعتماد الخارجي لأن البزنس كله مع العالم الخارجي وفي وفود من شركات خارجيه وزي كذا فيبغوا ناس يفتخروا فيهم الا اذا انتوا تتكلموا عالشركات اللي على قد الحال فممكن ..
من ناحية اعتماد الجامعه فلعلمك دفع قبلنا أتخرجوا ولا أتوظفوا لسبب أن جامعتنا مهي معتمده خارجيا ودراستها بالعربي وأمور زي كذا الحين الحمدلله أنقلش واعتماد امريكي والبريطاني ممكن يرجع فأتطورنا تطور كبير والحمدلله أحنا أول دفعه محظوظه بصراحه ..
لعلمك أول ما يجي الجامعه أعتماد أو يتطور تعليمها الشركات تفتح عيونها على طلابها وتحاول تكسبهم والعكس بالعكس فكل الفايده مو لاسم جامعة الملك عبدالعزيز بس الفايده الحقيقيه لطلاب جامعة الملك عبدالعزيز ..
من ناحية التجارب والخبرات قلتلك هذا تهتم فيه الشركات اللي تمشي الحال أما لو أتكلمنا عالشركات المحترمه واللي لها وزنها صدقني تدخلها بعد توفيق الله بشهادتك وروح بنفسك وشوف فرق الرواتب والمكانه للموظف بين الشركات اللي توظف كل من هب ودب وبين الشركات اللي تهتم بالمؤهل الأكاديمي المعتمد ..
عالعموم أحترم رأيك وطرحت رأيي أتمنى ما أزعجكم أبد .. موفقين .. فمان الله

[alza3eem]

عدنان كلامك جميل

بس عندنا عموما مو بكليتنا بس لو ايش ماتقول يبقون مسويين مظلومين ومساكين
كل واحد يرمي الاخطاء على غيره

مثلا لو تروح كلية الاداب تشوف الطلاب يقولو شوفو كلية الادارة كيف شغل رائع ويهتمو للطلاب مو مثلنا ...

والعكس صحيح ....

وبالنسبه للاخت اللي ردة علي ترى انا طالب معاكم وماجلست ابكي على الاطلال مثلكم ....

[alza3eem]

وانا مو مؤيد للاختبار لاني ادري مابفلح فيه

بس مااحطها بالكليه احطها بنفسي لانها دراستي انا

[د/شهود]

ايش دا كلو ايش الاختبار دا

يعني كل ماطلعو شي جديد قالو الاعتماد والاعتماد اوكي وعلى هآلحآل متى بيجي الاعتماد ياترى !!

بعدين احنآ لمآ نعدي آلمآده نعتبر تخطينآهآ ومآلو لآزمه نعيد ونزيد وماشاءالله ايش العقل الي بيفتكر كل حاجه ممكن الانسان يفتكر كم معلومه لكن اكيد مو كل التفاصيل

كليتنآ اسآس الإداره لكن صدق المثل اللي يقول باب النجار مخلع -_-"

[adnans]

المشاركة الأصلية كتبت بواسطة alza3eem عدنان كلامك جميل بس عندنا عموما مو بكليتنا بس لو ايش ماتقول يبقون مسويين مظلومين ومساكين كل واحد يرمي الاخطاء على غيره مثلا لو تروح كلية الاداب تشوف الطلاب يقولو شوفو كلية الادارة كيف شغل رائع ويهتمو للطلاب مو مثلنا ... والعكس صحيح .... وبالنسبه للاخت اللي ردة علي ترى انا طالب معاكم وماجلست ابكي على الاطلال مثلكم ....

يا رجال الله يعطيك العافيه وبعدين خلي الطلاب يفكوا عن نفسهم شويتين وحيهدوا المهم صدقت بخصوص الاهتمام فالكليات شوف في تقصير بس مو زي أول الحين صراحه في شغل كبير قاعد ينعمل والله معرف أحد فالاداره معرفه شخصيه بس اللي ينكر فضل الناس هذا انسان جاحد للجميل ياخي حتى لو فشلوا فالاعتماد البريطاني فالحمدلله نجحوا فالامريكي ولو فشلوا لا سمح الله فالاثنين حقولهم الله يعطيكم العافيه أسمهم حاولوا يسووا شي لخاطرنا ..
شوف أنا أتعلمت درس كبير من ذي الحياه صدقني اذا شفت اي شي فالحياه مهما كان تافه أنه أعلى منك ما راح توصله أبدا والعكس صحيح تراه اختبار تافه وما يسوى شوفني هنا فالمنتدى أن شاء الله على طول قبل الاختبار تبغى أساعدك فيه أعتبر نفسك أخ عزيز وغالي أنت وأي أحد غيرك يشهد الله أني أتمنى أساعد الجميع وباذن الله أنت ماشي ماشي فيه أهم شي قلتلك ثق فربك ثم فنفسك وراح تعدي وأنت تضحك أغبى شي فيني زمان أني كنت أختبر وأنا متوتر وأذكى شي فيني الحين أني أختبر وأنا فقمة الارتياح وما يهمني حتى كم أخذ اللي يهم أني أعطي كل اللي عندي واللي يجيبه الله يا مرحبا فيه ..
زي ما قلتلك لين يوم الاختبار ممكن أنساك بس واصلني يومها وباذن الله تجتاز الاختبار بامتياز وبكل حال لو صدق الخبر راح أسوي موضوع عنه يفيد الجميع بما فيهم أنت فتطمن ولا تقلق أبدا .. دامني معكم أطمنوا على معدلاتكم وتخرجكم الله لا يهينكم فمان الله