تجمع للمتقدمين والمتقدمات على ماجستير إدارة الأعمال عام 1438/1437

[mahato]

السلام عليكم

مبروك للي تم قبولهم وهاردلك للبقية

سجلت مخصوص عشان هالموضوع اتمنى م تخذلوني والقى فيه كل اللي احتاجة

انا خريجة ادارة اعمال انتساب هالسنة كان ودي اسجل معاكم بس خيره م اخذنا وثايقنا للحين ان شاءالله ع السنه الجاية ناوية اسجل

بماستر ادارة الاعمال شرايكم ب التخصص ذا ؟ وهل اقدر استفيد منه والا الدراسة والمواد نفس اللي درسته بالبكالوريا م تفيدني ؟

وايش تنصحوني اختبر ب اللغة ستيب او ايلتس او توفل ابي الاسهل مع العلم محدثتكم ميح ب اللغة بس ناوية استغل هالفتره بتعلمها ان شاءالله

وكم ادنى نسبة للقبول بهالتخصص ؟

وكيف دراستة هل هي صعبة ؟

اتمنى الاقي اجابات شافية ع اسئلتي ولي رجعة ان شاءالله

[mram1436]

المشاركة الأصلية كتبت بواسطة mahato السلام عليكم مبروك للي تم قبولهم وهاردلك للبقية سجلت مخصوص عشان هالموضوع اتمنى م تخذلوني والقى فيه كل اللي احتاجة انا خريجة ادارة اعمال انتساب هالسنة كان ودي اسجل معاكم بس خيره م اخذنا وثايقنا للحين ان شاءالله ع السنه الجاية ناوية اسجل بماستر ادارة الاعمال شرايكم ب التخصص ذا ؟ وهل اقدر استفيد منه والا الدراسة والمواد نفس اللي درسته بالبكالوريا م تفيدني ؟ وايش تنصحوني اختبر ب اللغة ستيب او ايلتس او توفل ابي الاسهل مع العلم محدثتكم ميح ب اللغة بس ناوية استغل هالفتره بتعلمها ان شاءالله وكم ادنى نسبة للقبول بهالتخصص ؟ وكيف دراستة هل هي صعبة ؟ اتمنى الاقي اجابات شافية ع اسئلتي ولي رجعة ان شاءالله

مقدر أفيدك إلا بإلي أعرفه أسهل اختبار ستيب للي ماعندهم لغة.. بعده الآيلتس بعده التوفل

[najmah]

المشاركة الأصلية كتبت بواسطة روان الصيني بنات الله يسعدكم احد يعرف دول الاستاذات هيام بنجابي (الادارة الاستراتيجيه) نادية عواد عبدالغفار/صبا معتوق (مبادئ الادارة) امل دمنهوري(تحليل كمي الاعمال) نايلة ايوب اكرم/سيدة مسعودة مختار/ايمان عدينات(ادارة العمليات) مسرات محمد(ادارة الموارد البشريه) هزلينا بنتي عبدالقادر (اساسيات التمويل) الله يسعدكمممم ويوفقكم ايش تنصحوني ماعرف ولا احد😥😥

أختي روان الله يوفقك
حسب معلوماتي وتجاربي دكتورة هيام بنجابي كويسه وتحب البنت المهتمه وتفهم أخذت معاها إدارة موارد بشرية والحمدلله أما إدارة إستراتيجية أاخذتها مع إيمان عدينات ومرررره تفهم بس كويزاتها كثير وبالاخير تنفعنا
أمل دمنهوري لاتاخذي معاها تحليل أنتظري لما تنزل مع إيمان عدينات
إدارة عمليات خذيها مع إيمان وماراح تندمي
مسرات كمان كويسه أعرف بنات ياخذو معاها بس شرحها إنجليزي وعلى فكرة الإمتحانات أغلبه تست بانك
أساسيات التمويل أخذناها مع دكتورة خديجة حريري الله يذكرها بالخير ما أعرف ليش مانزلت المادة معاها

أتمنى أكون أفدتك

[najmah]

السلام عليكم ورحمة الله وبركاته ...

أسعدني جداً موضوع هذا التجمع ...

حابه أكتب لكم بإختصار تجربتي وإن شاء الله تستفيدوا
أنا أنتظرت سنتين من بعد التقديم ع بال ماجاني القبول ولكن كان غلطي إني ماطورت نفسي باللغة الانجليزية ..
صبرت والحمدلله لما جاني القبول
كنت مثلكم ما أعرف شيء ولا حتى الجامعة لأني جديدة فيها ودراستي البكالوريوس كانت بجامعة غير وإنتساب وكمان دراستي بالعربي
طبعاً كلكم تقريبا عندكم مواد تكميلي اللي الانجليزي تبعها كويسه وعندها 8 مواد تاخذ 4 كل ترم عشان تبدأ ماستر السنة اللي بعدها
انا كنت 4 مواد بس لغتي مو كثير ماحبيت أضغط على نفسي واخذت مادتين كل ترم عشان أجيب معدل
الشيء المهم اللي لازم تعرفوه انه لازم يكون المعدل النهائي لكل فصل 3.75 وإذا جبتي اقل في الترم الاول ممكن يعطونك إنذار أو يكلمونك شفوي عشان تشدي حيلك .. أنا ااتصلت فيني وحده وتقول لازم تشدين حيلك الترم الجاي عشان تعدين التكميلي وتروحين الماستر لازم المعدل لما تخلصون التكميلي يكون أعلى من 3.75 (جيد جداً) لو كان أقل يطوى القيد وهالشيء كان يخوفني مره وكل مره كنت أضغط على نفسي عشان ما اخسر الموافقة فأنتوا شدو حيلكم لأنها أهم مرحلة اهتمو بالواجبات وبيكون في كويزات ممكن بالكلاس وممكن بالبلاك بورد وفي دكتورات بيطلبو برزنتيشن إنك تعرضي جزئيتك مع القروب وكانت تجربه ممتعه فمرررا لاتخافون ولاتشيلون هم ..

تعاملاتكم أغلبها بتكون في مبنى العمادات (66) الدور الثاني أو الثالث الخاص بالدراسات العليا - إستشارات - الحذف والاضافة - كل شيء يخصكم ..
وكمان الايقافات بالاودس بلس راح تبقى بالاودس لغاية ما تتخرجوا من سنة التكميلي وبعدها انتو تضيفون لنفسكم من الاودس وتسوون الجدول ..
لاتشيلون هم انه ممكن تروح عليكم الشعب أو شيء هما بيضيفوا لكم لما تحضروا عندهم بداية الترم مع الدكتورة اللي تبغوها لأنه وضعكم غير وضع بنات البكالوريوس ..
كمان نقطة مهمة بأي فرصة تلقوها بالكلاس كلمي الدكتورة انك تكميلي ماستر عشان تكون مركزة عليك واذا مافهمتي شيء ترجعي لها
امممممم أحاول اتذكر كمان بتتعرفوا على صديقات للي مايعرفون أحد وبكل كلاس راح يكون في ليدر وهي بتسوي قروب واتساب وتضيفكم كل اللي بالكلاس وبتتساعدوا مع بعض وفي كثير بنات متعاونيين ..

بفضل الله خلصت التكميلي وببدء ماستر السنة الجاية الله يوفقنا كلنا

نصيحتي ... لازم تحطون هدف وتتعبوا عشان توصلو له حتى لو مالقيتي أحد يدعمك معنويا إنتي إدعمي نفسك لأنه بالأخير انتي اللي بتحسي بالتعب وفرحة النجاح ..

أي سؤال حبايبي انا حاضرة وبالتوفيق للجميع

[najmah]

المشاركة الأصلية كتبت بواسطة suns بنات فتح الحذف والاضافه نزلت اربع مواد اساسية و ثلاثه اعتقد اختيارية المواد الاساسية : ادارة استراتجية متقدمه مع هيام بنجابي ادارة العمليات مع اسماء باهرمز والقيادة والسلوك التنظيمي مع صيته منديل مناهج البحث والتحليل الكمي مع صباح الصومالي اش رايكم بنات حتضيفوا الاساسية كلها ، وماعرف كمان كيف الدكتورات ؟ :/ اتمنى نتعاون كلنا :(

حبيبتي ممكن تصوري المواد مع الأوقات والأيام

[mram1436]

أهلا نجمه.. بما إن لك خبرة سابقة عندي كم سؤال:
1/لو سويت الجدول إلكتروني يمديني أغيره بعدين لارحت هناك ولا خلاص الي سوت جدولها ما حينظرولها فيه؟ ولا تفضلي أحذف الجدول بالمرة ولا رحت هناك هما يسووه ليا زي ما أبغى؟؟
2/أخذت أساسيات التمويل عند هازلينا و مبادئ المحاسبة عند لاريسافون ومبادئ الإدارة عند نادية.. هل عندك خلفية عن الدكاترة ذولي أو إذا في دكاترة أفضل منهم آخذ عندهم ذي المواد؟
3/ الإنقلش أعتبر مبتدئة هل تفضلي آخذ عند ناس يدرسوا بالإنقلش ولا بالعربي؟ < لاريسافون أخذت عندها عشان تدريسها بالإنقلش قلت آخذ خلفية قبل أدخل في الماستر لأن الي سمعته إنو حيكون بالانقليزي نو عربي>
بما إنك مجربة هل تشوفي وجهة نظري ذي حتفيدني ولا حتضرني وتديني نتيجة عكسية؟؟
4/ البلاك بورد والتست بانك ممكن تديني شرح مبسط عنهم؟ وكيف الدراسة حتكون كتب ولا ملازم ولا عروض ولا سلايدات يرسلوها عالإيميلات؟

ويعطيك العافية يارب

[najmah]

المشاركة الأصلية كتبت بواسطة mram1436 أهلا نجمه.. بما إن لك خبرة سابقة عندي كم سؤال: 1/لو سويت الجدول إلكتروني يمديني أغيره بعدين لارحت هناك ولا خلاص الي سوت جدولها ما حينظرولها فيه؟ ولا تفضلي أحذف الجدول بالمرة ولا رحت هناك هما يسووه ليا زي ما أبغى؟؟ 2/أخذت أساسيات التمويل عند هازلينا و مبادئ المحاسبة عند لاريسافون ومبادئ الإدارة عند نادية.. هل عندك خلفية عن الدكاترة ذولي أو إذا في دكاترة أفضل منهم آخذ عندهم ذي المواد؟ 3/ الإنقلش أعتبر مبتدئة هل تفضلي آخذ عند ناس يدرسوا بالإنقلش ولا بالعربي؟ < لاريسافون أخذت عندها عشان تدريسها بالإنقلش قلت آخذ خلفية قبل أدخل في الماستر لأن الي سمعته إنو حيكون بالانقليزي نو عربي> بما إنك مجربة هل تشوفي وجهة نظري ذي حتفيدني ولا حتضرني وتديني نتيجة عكسية؟؟ 4/ البلاك بورد والتست بانك ممكن تديني شرح مبسط عنهم؟ وكيف الدراسة حتكون كتب ولا ملازم ولا عروض ولا سلايدات يرسلوها عالإيميلات؟ ويعطيك العافية يارب

هلا حبيبتي
بجاوب على أسألتك وإن شاء الله أفيدك :)
1/ إذا إنتي عندك مواد تكميلي ماراح يفتح معك الحذف والإضافة وكل موادك بتضيفيها بمبنى 66 الدور الثاني عمادة الدراسات العليا قسم الشؤون الأكاديمية لكن بطاقتك تآخذينها من وحدة القبول . ولو انتي مو تكميلي أو قدرتي تضيفي مواد وضبطتي جدولك بأي وقت تقدري تحذفيها خلال المدة المسموحة وأظن لغاية اسبوعين من بداية الدراسة .
2/ المواد اللي أخذتيها مع هالدكتورات صراحة ما أعرفهم وماسمعت فيهم وإن شاءالله غيري يفيدوكي شوفي التمويل إذا نزل مع د. خديجة حريري أنصحك وبقوة تآخذي معاها لأني كنت آخذتها معاها ومرره تفهم .
3/ بالنسبة للغة الانجليزية أنا كنت مثلك مبتدئة وناسية أغلب الكلمات الحمدلله كل اللي أخذت معاهم يشرحوا عربي انجليزي انبسطت لأنه بالعربي بفهم وبالانجليزي بتعود على مصطلحات وأحاول أحفظها ومع المواد الباقية راح تتكرر معك كلمات كثيرة وتبدأي تحفظيها .. وطبعا الترم الأول كنت اترجم أغلب السلايدات أو بالاصح أستخدم تصوير الشاشة اللي بترجمة قوقل فادني كثير والكلمات الرئيسية أحفظها عشان أعرفها والماستر قالوا لي البنات انه عربي انجليزي وفي دكتورات بيعملو أسأله مقالي وممكن تحلي بالعربي برضوا الحمدلله كنت شايلة هم ... على العموم لازم نطور نفسنا خلال هالاشهر وفي موقع جدااً رائع لتعليم اللغة كأنك بمعهد وبيفيدك أنا بدأت فيه وكلمة ممتاز قليله هذا هو للفائدة http://www.usalearns.org/ سجلي وأدخلي كل يوم ولو ساعة وماراح تندمي ما تبدئين الجامعة الا وانتي بمستوى كويس يعلمك كل شيء من البداية ومجاني وممكن تاخذي مع دكتورة لمادة وحده انجليزي ولو حسيتي نفسك تمام كملي معاها واذا لقيتي صعوبة ممكن تغيري الشعبة من ثاني كلاس عادي .

انا لاني كنت مو مره بالانجلش فأخذت مع دكتورات يشرحوا عربي بالذات أول ترم وثاني ترم عربي انجليزي وكمان قراءة السلايدات أاصلا بتكون انجلش.

4/ البلاك بورد برنامج للطلاب والطالبات تدخلي فيه من الاودس بلس وممكن تحمليه من المتجر وحملي كمان برنامج الجامعة MYKAU مهم جدا بتجيك عليه رسائل الدكتورات وفيه أشياء مهمه مثل صورة بطاقتك وجدولك
البلاك بورد لما تحمليه بجوالك وتدخلين عليه بتجيك تنبيهات من الدكتورة إذا نزلت واجبات أو كويزات وممكن ترسلكم عليه السلايدات واسم الكتاب والخطة الدراسية ..
من خلاله تحلون الواجبات مثلا تحلي الواجب بملف وورد وتفتحي صفحة تسليم الواجب وترفقيه وبعدين تحطي ارسال والكويزات هي إختبارات قصيرة ممكن تكون بالكلاس وممكن تكون عن طريق البلاك بورد وانتي ببيتك تختبري
بيكون فيه وقت محدد للإختبار حسب الدكتورة مثلا 10 أسئلة بنص ساعة أو ربع ساعة أو ساعة فلا تخافون عادي بتكوني مذاكرة ونفس الوقت مسموح تفتحي الكتاب بس اللي مابتكون مذاكرة بيضيع وقتها وهي تتصفح الكتاب أو السلايدات.
بالنسبة للتست بانك أغلب المواد بيكون لها تست بانك (بنك الأسئلة) هذا عبارة عن أسئلة محلولة إختياري وصح وخطأ ومقاالي بيفيدك كثير تعرفين طريقة أسئلة الإختبار وبعض المواد بيجي منه بالاختبار حسب الدكتورات برضوا
لما تكوني بالكلاس ويكون معاكم قروب اسألي البنات أو ابحثي بالمنتدى بتلاقي ان شاءالله أنا أستفدت منه اني عرفت طريقة الاسئلة وفادني كثير هو طوووويل جدا ممكن 100 - 130 سؤال وكلها من الكتاب كنت أترجم السؤال وأترجم الاجابة فقط عشان أحفظها وما اتلخبط بباقي الفقرات :)
اذا لقيتي مواد مالها تست بانك ركزي ع المحاضرات والسلايدات ... والكتاب حسب الدكتورة بعضهم بيقولو لازم ترجعي للكتاب وبعضهم بيعطوا اسم الكتاب اللي تبغا تتطلع عليه حسب البنت وشطارتها ولغتها.

وحاولي كمان تسألي بنات أخذوا الماادة قبلك وتسألي كماان الدكتورة قبل الامتحان عن التست مهم ولا لا لأنه أحيان هي اللي بتحط الأسئلة..

بالتوفييق حبيبتي وإن شاءا الله أكون افدتك .. وأي شيء ماتعرفيه إسألي كثير بنات متعاونين ... وبخدمتك في أي وقت

شدو حيلكم وبالتوفيق للجميع .......

[Suns]

المشاركة الأصلية كتبت بواسطة najmah حبيبتي ممكن تصوري المواد مع الأوقات والأيام

تفضلي

[قاهر الاحزان]

يا أخوان هل بدأ التقديم على الماجستير !! انا ابغا ماجستير محاسبة هل فتح ولا راحت علي هالسنة وهل اقدر اسجل ما بين الترمين ؟

[قاهر الاحزان]

يا هو مكتوب على موقع الجامعة زي كذا

فترة التقديم للقبول للفصل الدراسي الأول 1438/1439هـ لبرامج الدراسات العليا عن طريق نظام (قبول بلس) الاحد 20-2-1438 إلى الخميس 23-03-1438


و لمن جيت دوبي ابغا اسجل كتبلي تم اغلاق باب القبول كيف كذا !!!